مەملەكەت باسشىسى ۇلتتىق بانك تٶراعاسى ەربولات دوساەۆتى قابىلدادى, دەپ حابارلايدى اقوردا.
مەملەكەت باسشىسىنا بيىلعى قاڭتار-مامىر ايلارىنداعى اقشا-نەسيە ساياساتىن جٷزەگە اسىرۋدىڭ الدىن الا قورىتىندىلارى جەنە ەلەمدەگٸ ٸسكەرلٸك بەلسەندٸلٸكتٸڭ قالپىنا كەلۋٸ جٶنٸندە, ينفلياتسييانىڭ ٶسۋٸ مەن ينفلياتسييالىق بولجامدار اياسىندا ورتالىق بانكتەردٸڭ بەيتاراپ اقشا-نەسيە ساياساتىنا كٶشۋٸ تۋرالى باياندالدى.
پرەزيدەنتكە ەل ەكونوميكاسى ٶسٸمٸنٸڭ وڭ باعىت الۋى جەنە ونىڭ بيىلعى دامۋ پەرسپەكتيۆالارى, سونداي-اق, مەملەكەتتٸك باعالى قاعازدار نارىعىندا جەكەلەگەن ينۆەستورلار مەن رەزيدەنت ەمەس ادامداردىڭ ٸسكەرلٸك بەلسەندٸلٸگٸنٸڭ قايتا قالپىنا كەلۋٸ جايىندا اقپارات بەرٸلدٸ.
قاسىم-جومارت توقاەۆقا التىن باعاسىنىڭ ٶسۋٸنە, سىرتقى نارىقتارداعى قولايلى جاعدايدىڭ نەتيجەسٸندە ينۆەستيتسييالىق كٸرٸس پەن ۇلتتىق قورعا تٷسكەن قارجىنىڭ ارتۋىنا بايلانىستى 2016 جىلعى قىركٷيەكتەن بەرٸ العاش رەت قازاقستاننىڭ جالپى حالىقارالىق رەزەرۆٸنٸڭ كٶلەمٸ 95 ميلليارد اقش دوللارىنا دەيٸن جەتكەنٸ ايتىلدى.
ەربولات دوساەۆ مەملەكەت باسشىسىنا بيىلعى مامىردا ينفلياتسييانىڭ 7,2 پايىزعا دەيٸن ٷدەۋ سەبەپتەرٸ جەنە ۇلتتىق بانكتٸڭ بيىلعا ارنالعان نەگٸزگٸ ماكروەكونوميكالىق كٶرسەتكٸشتەر بويىنشا جاڭارتىلعان بولجامدارى تۋرالى جەتكٸزدٸ.
سونىمەن قاتار بانك جٷيەسٸندەگٸ تەڭگەلٸك سالىمداردىڭ ٶسۋ ٷردٸسٸ جەنە ۇلتتىق بانك ەسەبٸنەن قارجىلاندىرىلاتىن داعدارىسقا قارسى پرەزيدەنت باستامالارىنىڭ ورىندالۋ بارىسى تۋرالى مەلٸمەت بەرٸلدٸ.
كەزدەسۋ قورىتىندىسى بويىنشا قاسىم-جومارت توقاەۆ بٸرقاتار ناقتى تاپسىرما بەردٸ.
