بٷگٸن ٷكٸمەت وتىرىسىندا ۇلتتىق بانك تٶراعاسى ەربولات دوساەۆ مەملەكەت باسشىسىنىڭ جولداۋىن ٸسكە اسىرۋ باعىتىندا ينفلياتسيياعا قاتىستى قادامداردى باياندادى, دەپ حابارلايدى "ۇلت اقپارات".
«مەملەكەت باسشىسىنىڭ بيىلعى 1 قىركٷيەكتە ايتىلعان قازاقستان حالقىنا جولداۋىن ٸسكە اسىرۋ ماقساتىندا ۇلتتىق بانك ٷكٸمەتپەن بٸرلەسٸپ 2022 جىلى ينفلياتسييانى 4-6% نىسانالى دەلٸزگە قايتارۋعا ايرىقشا كٶڭٸل بٶلەتٸن بولادى. مەملەكەت باسشىسى جولداۋدا مونەتارلىق ەمەس فاكتورلار ەسەرٸنٸڭ ۇلعايۋىن, ەسٸرەسە ازىق-تٷلٸك باعاسىنىڭ ٶسكەنٸن اتاپ ٶتتٸ. بيىلعى 8 ايدىڭ قورىتىندىسى بويىنشا, ٸشكٸ ٶندٸرٸس قاجەتتٸلٸگٸنٸڭ رەسمي قامتىلۋىنا قاراماستان, جەكەلەگەن نارىقتارداعى تۇراقتى تەڭگەرٸمسٸزدٸك نەتيجەسٸندە ازىق-تٷلٸك ينفلياتسيياسىنىڭ ٶسۋٸ 11,4 پايىزدى قۇرادى. ماۋسىمارالىق كەزەڭدە كارتوپ پەن سەبٸزدٸڭ باقىلاۋسىز ەكسپورتىنا بايلانىستى ولاردىڭ جازعى ايلارعا تەن باعاعا قاراعاندا, باعالارىنىڭ كٷرت ٶسۋٸ جەنە سونىڭ سالدارىنان ٸشكٸ نارىقتا دەفيتسيتتٸڭ پايدا بولۋى وسى جىلدىڭ ايقىن كٶرٸنٸسٸ بولىپ وتىر», - دەدٸ دوساەۆ.
ونىڭ ايتۋىنشا, جوعارىدا كٶرسەتٸلگەن فاكتورلاردىڭ نەگٸزٸندە مەملەكەت باسشىسىنىڭ تاپسىرماسىن ٸسكە اسىرۋ ٷشٸن ازىق-تٷلٸك باعاسىنىڭ ٶسۋٸنە قارسى كٷرەستە ٷكٸمەت پەن ەكٸمدەردٸڭ نەگٸزگٸ كٷش-جٸگەرٸن تاۋار ٶندٸرٸسٸنٸڭ, ەكسپورت پەن يمپورت بالانسىن ەسكەرە وتىرىپ, ٸشكٸ نارىقتى جان-جاقتى تولىقتىرۋعا جۇمساۋ كەرەك.
«ينفلياتسييانى 2022 جىلى نىسانالى دەلٸزگە قايتارۋ بويىنشا جولداۋدا قويىلعان مٸندەتتەردٸ تيٸمدٸ تٷردە شەشۋ ٷشٸن 2021-2023 جىلدارعا ارنالعان ينفلياتسيياعا قارسى ەرەكەت ەتۋ شارالارىنىڭ كەشەنٸ ەزٸرلەنٸپ, كەلٸسۋدٸڭ سوڭعى ساتىسىندا تۇر. ماكروەكونوميكالىق ساياساتتى ٷيلەستٸرۋ جٶنٸندەگٸ 2021-2023 جىلدارعا ارنالعان كەلٸسٸممەن بٸرگە بۇل شارالار ينفلياتسييانىڭ ازىق-تٷلٸككە جاتاتىن جەنە ازىق-تٷلٸككە جاتپايتىن بٶلٸكتەرٸنٸڭ مونەتارلىق ەمەس فاكتورلارىن ايتارلىقتاي تٶمەندەتۋدٸ قامتاماسىز ەتۋگە, ورتا مەرزٸمدٸ نەگٸزدە بولجامدى جەنە تەڭگەرٸمدٸ تاريفتٸك ساياساتتى قامتاماسىز ەتۋگە تيٸس», - دەدٸ ۇب باسشىسى.
