بٷگٸن ەلباسىنىڭ تٶراعالىعىمەن ٶتٸپ جاتقان ٷكٸمەتتٸڭ كەڭەيتٸلگەن وتىرىسىندا قر پرەمەر-مينيسترٸنٸڭ ورىنباسارى ەربولات دوساەۆ «سارىارقا» گاز قۇبىرى جوباسى اياسىندا قانشا جۇمىس ورنى قۇرىلاتىنىن ايتتى, دەپ حابارلايدى "ۇلت اقپارات".
«ٶتكەن جىلى جەلتوقساندا «سارىارقا» گاز قۇبىرىنىڭ قۇرىلىسىن باستاۋعا رۇقسات بەردٸڭٸز. بٷگٸندە قۇرىلىستى قارجىلاندىرۋدىڭ مەسەلەلەرٸ شەشەلٸپ, باس مەردٸگەر انىقتالدى. جوبانى جٷزەگە اسىرۋ مەن گاز قۇبىرىن پايدالانۋ كەزەڭٸندە 1 900-گە جۋىق جاڭا جۇمىس ورنى قۇرىلادى», - دەدٸ ە. دوساەۆ.
بۇدان بۇرىن حابارلانعانداي, نۇرسۇلتان نازارباەۆتىڭ قاتىسۋىمەن ٶتكەن يندۋسترييالاندىرۋدىڭ ەكٸنشٸ بەسجىلدىعى اياسىنداعى جالپى ۇلتتىق تەلەكٶپٸر بارىسىندا «سارىارقا» گاز قۇبىرىنىڭ قۇرىلىسىنا باستاۋ بەرٸلدٸ.
سونىمەن قاتار, جاقىندا قر ەنەرگەتيكا مينيسترٸ قانات بوزىمباەۆ اتالمىش جوبا اياسىندا قۇبىر تارتۋ جۇمىستارى تۋرالى باياندادى.
