"دوس-مۇقاسان" توبىنىڭ ەنشٸسٸ مۇرات قۇسايىنوۆ نۇر-سۇلتان ەۋەجايىندا بولعان وقيعاعا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان تٸلشٸسٸ.
بۇعان دەيٸن "ەير استانا" ەۋە كومپانيياسىنىڭ باسپاسٶز قىزمەتٸ مۇرات قۇسايىنوۆتى ەۋەجاي قىزمەتكەرٸنە قول كٶتەرٸپ, دەنساۋلىعىنا زييان كەلتٸردٸ دەپ ايىپتاعان ەدٸ.
الايدا ەيگٸلٸ "دوس-مۇقاسان" توبىنىڭ ەنشٸسٸ مۇنىڭ بەرٸن جوققا شىعارىپ وتىر.
"مۇنىڭ بەرٸ – ماعان جاسالعان قييانات. مەن "ەير استانامەن" ٷنەمٸ ۇشامىن, بۇرىن-سوڭدى مۇنداي جاعداي بولعان ەمەس. بەرٸ جالا", - دەدٸ قۇسايىنوۆ.
ونىڭ ايتۋىنشا, ەۋەجاي قىزمەتكەرلەرٸ رەيس الدىندا ەنشٸدەن اياق كيٸمدٸ شەشۋدٸ تالاپ ەتكەن.
"ەۋەجايدا كيٸم شەشتٸرەدٸ, تاعىسىن تاعى. قالاي تەكسەرەتٸنٸن بٸلەسٸزدەر عوي. مەن بەرٸن ورىندادىم. بٸر كەزدە اياق كيٸمدٸ شەش دەدٸ. مەن شەشپەيمٸن دەدٸم. ەشقانداي دا قىلمىسكەر ەمەسپٸن, مەنٸ ەل تانيدى, اپتا سايىن ۇشامىز دەدٸم. سكانەر بار عوي, سونىمەن تەكسەرٸڭٸزدەر دەدٸم. بٸراق ولار بولماي قويدى. سودان اشۋلانا باستادىم, سٶزگە كەلٸپ قالدىق. بٸراق, قول جۇمساعان جوقپىن. بۇل ٶتٸرٸك", - دەدٸ "دوس-مۇقاسان" توبىنىڭ سوليسٸ.
ايتۋىنشا, ەۋەجاي قىزمەتكەرلەرٸ ونى رەيسكە جٸبەرمەگەن, سٶيتٸپ ەنشٸنٸڭ بيلەتٸ كٷيٸپ كەتٸپتٸ.
"ەير استانا"-مەن بۇرىننان ۇشامىن. بۇلار كەيٸنگٸ كەزدەرٸ ادام سىيلامايتىن بولعان سيياقتى. ەل بٸلەدٸ, حالىق تانيدى دەپ تٷسٸندٸرمەك بولدىم, تىڭدامادى", - دەيدٸ ەنشٸ.
"ەير استانا" ەۋە كومپانيياسىنىڭ باسپاسٶز قىزمەتٸ 14 سەۋٸردە "نۇر-سۇلتان – الماتى" باعىتىنا قاتىنايتىن كس 852 ۇشاعىنان تەرتٸپكە باعىنباعان جولاۋشى شىعارىلعانىن حابارلادى. ولاردىڭ مەلٸمەتٸنشە, مۇرات قۇسايىنوۆ ەۋە كومپانيياسى قىزمەتكەرلەرٸنٸڭ كٶزٸنشە جولاۋشىلارعا قىزمەت كٶرسەتۋ بٶلٸمٸ باسشىسىنىڭ ماڭدايىنا قاتتى سوققى جاساپ, ونىڭ دەنساۋلىعىنا زييان كەلتٸرگەن.
وسىدان كەيٸن ەۋە كومپانيياسى نۇر-سۇلتان قالاسى ەۋەجايىنداعى پوليتسييا بٶلٸمٸنە مۇرات قۇسايىنوۆتى جاۋاپقا تارتۋ جەنە سوتقا دەيٸنگٸ تەرگەۋ جٷرگٸزۋ جٶنٸندە ارىز تٷسٸرگەن.
