دوپينگ قابىلدادى دەپ ايىپتالعان قازاقستاندىق سپورتشىلاردى سىياقىلارى مەن پەتەرلەرٸنەن ايىرمايدى. بۇل تۋرالى مەدەنيەت جەنە سپورت ۆيتسە-مينيستر سەكەن مۇسايبەكوۆ باسپاسٶز مەسليحاتىندا مەلٸمدەدٸ, - دەپ حابارلايدى kaz.tengrinews.kz تٸلشٸسٸ.
"وسىنداي جاعداي بولدى, ەندٸ نە ٸستەيمٸز? كٶنەمٸز. ال سىياقىلار مەن پەتەرلەرگە بايلانىستى بٸزدە تارتىپ الاتىن ەرەجە جوق. سپورتشى دوپينگپەن ۇستالعان جاعدايدا بۇرىندارى العان سىياقىلارىنان ايىرىلادى دەگەن ەرەجە جوق", - دەدٸ ۆيتسە-مينيستر.
الايدا ۆيتسە-مينيستر بۇدان بىلاي دوپينگ قولدانعانداردى قىلمىستىق جاۋاپكەرشٸلٸككە تارتۋدى ۇسىندى. "بٸز قازٸر پارلامەنتتە دەنە شىنىقتىرۋ بويىنشا زاڭعا ٶزگەرٸس ەنگٸزگٸمٸز كەلەدٸ. دوپينگ قولدانۋدىڭ جازاسىن قىلمىستىق جاۋاپكەرشٸلٸكپەن بايلانىستىرساق دەيمٸز. جازا سپورتشىعا, باپكەرگە, دەرٸگەرگە, وسى پرەپاراتتاردى جەتكٸزگەن ادامدارعا قاراستىرىلادى. ٶزدەرٸڭٸز تٷسٸنٸپ وتىرسىزدار, جارييالانعان پرەپاراتتار ٶتە قاۋٸپتٸ. WADA 10 مىڭعا جۋىق پرەپاراتتى جارييا ەتتٸ, ونى سپورتشىلاردىڭ قولدانۋىنا تىيىم سالىنعان. سوندىقتان سپورتشىنىڭ اينالاسىنداعى ادامدار دا قىلمىستىق جاۋاپكەرشٸلٸككە تارتىلادى. سوت كٸمدٸ ايىپتى دەپ تانىسا, سول جازالانادى", - دەدٸ سەكەن مۇسايبەكوۆ.
ەسكە سالايىق, سۆەتلانا پودوبەدوۆا, زٷلفييا چينشانلو جەنە ماييا مانەزا وليمپيادا مەدالدارىنان ايىرىلدى. ولار لوندون وليمپياداسىندا ٶز سالماق دەرەجەسٸندە التىن مەدال جەڭٸپ العان بولاتىن. جاقىن ارادا پودوبەدوۆا, چينشانلو جەنە مانەزا التىن مەدالداردى قايتارۋى تيٸس. ولاردىڭ قاتىسقان جارىستارى قايتا قارالاتىن بولدى. سونىمەن قاتار, وسىعان دەيٸن حوك وليمپيادا-2008 ويىندارىنىڭ كٷمٸس جٷلدەگەرٸ تايمۋراز تيگيەۆتٸڭ مەدالٸن قايتارىپ العان بولاتىن. رۇقسات ەتٸلمەگەن زاتتار قايتا تەكسەرٸلۋدەن كەيٸن انىقتالعان, حوك WADA-مەن بٸرگە بۇل تەكسەرٸستەردٸ وسى جىلدىڭ باسىنان باستاپ ٶتكٸزٸپ كەلەدٸ.
"بۇل چەمپيونداردىڭ بەرٸن مازاق ەتۋ" - دەپ مەلٸمدەمە جاساعان بولاتىن قر اۋىر اتلەتيكا قۇراماسىنىڭ باس باپكەرٸ الەكسەي ني دوپينگ داۋى تۋرالى.
