ەلەۋمەتتٸك جەلٸدەگٸ «حايپ» ٷشٸن ادام ۇرلاۋ كٶرٸنٸسٸن ۇيىمداستىرۋ, تٶبەلەس كٶرسەتۋ جەنە ەدەپسٸز كونتەنت تاراتۋ — توعىز قازاقستاندىق ستريمەردٸڭ جاۋاپقا تارتىلۋىنا سەبەپ بولدى, دەپ حابارلايدى ult.kz.
قازاقستان ٸشكٸ ٸستەر مينيسترلٸگٸ ەلەۋمەتتٸك جەلٸلەردە زاڭ تالاپتارىن بۇزعان توعىز قولدانۋشىعا قاتىستى ەكٸمشٸلٸك شارا قولداندى. بۇل تۋرالى Polisia.kz حابارلادى.
ٸٸم مەلٸمەتٸنشە, كەيبٸر كونتەنت اۆتورلارى قارالىم, لايك جەنە دونات ٷشٸن شەكتەن شىعىپ, قاۋٸپتٸ ەرەكەتتەرگە بارعان. TikTok جەلٸسٸندەگٸ تٸكەلەي ەفيرلەردە بالاعات سٶزدەر ايتۋ, ەدەپسٸز قىلىقتار كٶرسەتۋ, ادامداردى قورلاۋ جەنە قاۋٸپتٸ پرانكتەر ۇيىمداستىرۋ فاكتٸلەرٸ انىقتالعان.
مينيسترلٸك مۇنداي كونتەنتتٸڭ ەسٸرەسە كەمەلەتكە تولماعاندارعا كەرٸ ەسەر ەتەتٸنٸن اتاپ ٶتتٸ.
استانادا TikTok-تا «باۋىرساق» لاقاپ اتىمەن تانىلعان 37 جاستاعى تۇرعىن تٸكەلەي ەفير كەزٸندە بالاعات سٶزدەر ايتىپ, زاڭعا قايشى كونتەنت تاراتقان. ول ۇساق بۇزاقىلىق جاساعانى ٷشٸن ەكٸمشٸلٸك جاۋاپكەرشٸلٸككە تارتىلىپ, ايىپپۇل سالىندى.
الماتىدا 32 جاستاعى باتىربەك اقتٶرە سەيسەمبەكۇلى تٸكەلەي ەفير بارىسىندا اينالاسىنداعىلاردى بالاعاتتاپ, قورلاعان. سوت شەشٸمٸمەن وعان بەس تەۋلٸك ەكٸمشٸلٸك قاماۋ جازاسى تاعايىندالدى.
شىمكەنتتە 20 جاستاعى سەيداليەۆ دانييار اۋديتورييا نازارىن اۋدارۋ ٷشٸن تٸكەلەي ەفيردە ەلەكتروشوكەر قولدانعان جەنە ادام ۇرلاۋ كٶرٸنٸسٸن ەدەيٸ ۇيىمداستىرعان. سونىمەن قاتار ەفير كەزٸندە بالاعات سٶزدەر ايتىپ, قوعامدىق تەرتٸپتٸ بۇزعانى ٷشٸن ول سەگٸز تەۋلٸككە ەكٸمشٸلٸك قاماۋعا الىندى.
جامبىل وبلىسىندا «التىن قىز» لاقاپ اتىمەن تانىمال 41 جاستاعى تۇرعىن بٸرنەشە رەت تٸكەلەي ەفيرگە شىعىپ, ەدەپسٸز سٶزدەر ايتىپ, قۇقىققا قايشى كونتەنت تاراتقان. وعان ەكٸمشٸلٸك ايىپپۇل سالىندى.
سول وبلىستا 19 جاستاعى بايبەك جارقىناي مەن تانابەرگانوۆ اسىلجان دونات جيناۋ جەنە كٶرەرمەن سانىن ارتتىرۋ ماقساتىندا تٸكەلەي ەفيردە بٸر-بٸرٸنە ەدەيٸ دەنە جاراقاتىن كەلتٸرٸپ, «حايپ» ٷشٸن تٶبەلەس كٶرسەتكەن. ەكەۋٸ دە زاڭ الدىندا جاۋاپ بەردٸ.
ٸٸم ەلەۋمەتتٸك جەلٸدەگٸ انونيمدٸلٸك قۇقىق بۇزۋشىلاردى جاۋاپكەرشٸلٸكتەن بوساتپايتىنىن ەسكەرتتٸ. ۆەدومستۆو كەز كەلگەن زاڭ بۇزۋشىنىڭ جەكە باسىن انىقتاۋعا مٷمكٸندٸك بەرەتٸن قۇرالدارعا يە ەكەنٸن مەلٸمدەدٸ.
«زاڭعا قايشى ەربٸر ەرەكەت انىقتالىپ, قۇقىق بۇزۋشى زاڭ تالاپتارىنا سەيكەس جاۋاپقا تارتىلادى. الداعى ۋاقىتتا دا مۇنداي فاكتٸلەردٸڭ الدىن الۋ ماقساتىندا قۇقىق بۇزۋشىلار تۋرالى اقپارات جارييالانىپ وتىرادى», — دەدٸ ٸٸم رەسمي ٶكٸلٸ شىڭعىس الەكەشەۆ.
مينيسترلٸك قوعامنىڭ تسيفرلىق كەڭٸستٸكتەگٸ مەدەنيەتٸن قورعاۋ جەنە جاستارعا كەرٸ ەسەر ەتەتٸن زورلىق-زومبىلىق پەن ەدەپسٸز كونتەنتتٸڭ تارالۋىنا جول بەرمەۋ جۇمىستارى جالعاساتىنىن اتاپ ٶتتٸ.
