كابۋلداعى تەراكتٸدەن سوڭ اقش پرەزيدەنتٸ دونالد ترامپ اۋعانستان پرەزيدەنتٸ جەنە تەلٸپتەرمەن كەزدەسۋدەن باس تارتتى. 8 قىركٷيەككە جوسپارلانعان كەزدەسۋ ۆاشينگتون ماڭىنداعى ترامپتىڭ "كەمپ-دەۆيد" رەزيدەنتسيياسىندا ٶتۋٸ تيٸس بولعان.
كابۋلداعى شابۋىلدى "تاليبان" تەرروريستٸك ۇيىمى موينىنا الدى. وسى اپتادا اۋعانستان استاناسىندا بولعان جارىلىستان 12 ادام قازا تاپقان. ولاردىڭ اراسىندا بٸر امەريكالىق سارباز بولعان.
ترامپتىڭ سٶزٸنشە, جوسپارلانعان كەزدەسۋ جايلى ەشكٸم بٸلمەگەن. "تاليبان" جەتەكشٸلەرٸ مەن اۋعانستان پرەزيدەنتٸ "كەمپ-دەۆيد" رەزيدەنتسيياسىنا شاقىرىلعان. ترامپ تەراكتٸدەن سوڭ قوزعالىس ٶكٸلدەرٸمەن كەلٸسسٶزدٸ توقتاتقانىن حابارلادى.
ساراپشىلاردىڭ پٸكٸرٸنشە, 11 قىركٷيەك كٷنگٸ قايعىلى وقيعانى ەسكە الۋ قارساڭىندا اۋعان تەلٸپتەرٸنٸڭ اقش-قا كەلۋٸ رەزونانس تۋدىرۋشى ەدٸ.
CNN تەلەارناسىنىڭ ەسكەري ساراپشىسى دجون كەربيدٸڭ ويىنشا, اقش پرەزيدەنتٸمەن كەزدەسۋ "تاليبانعا" قىزمەتٸن "زاڭداستىرۋعا" كٶمەكتەسەدٸ جەنە قوزعالىس ٷشٸن بۇل ٸرٸ ساياسي جەڭٸس بولۋشى ەدٸ. ساراپشى بۇل وقيعا سونىمەن بٸرگە اۋعان ٷكٸمەتٸنٸڭ لەگيتيمدٸگٸنە نۇقسان كەلتٸرەدٸ دەپ بولجاعان.
