قر پارلامەنتٸ سەناتىنىڭ تٶراعاسى مەۋلەن ەشٸمباەۆ بارشا قازاقستاندىقتى ۇلتتىق دومبىرا كٷنٸمەن قۇتتىقتادى, دەپ حابارلايدى "ۇلت اقپارات".
«بارشاڭىزدى ۇلتتىق دومبىرا كٷنٸمەن قۇتتىقتايمىن! دومبىرا – ۇلتىمىزدىڭ ٷنٸ, كٷمبٸرٸنە حالقىمىزدىڭ تاريح داستانىن, قۋانىشى مەن مۇڭىن, ەرلٸگٸ مەن ەركٸندٸگٸن تٷگەل سىيدىرىپ تۇرعان قاسيەتتٸ اسپاپ. سول سەبەپتٸ دومبىرا ۇلتتىق برەندٸمٸز عانا ەمەس, ۇلتتىق بولمىسىمىز دەپ سەنٸمدٸ تٷردە ايتا الامىز. تٶل مۋزىكامىزدىڭ جاھاندىق بيٸككە كٶتەرٸلۋٸندە دە دومبىرانىڭ ورنى ەرەكشە. وعان قۇرمانعازى مەن تەتتٸمبەتتەن, سٷگٸر مەن دينادان قالعان كٷيلەر دەلەل. جىراۋلاردىڭ جىر-تەرمەلەرٸ مەن سال-سەرٸلەردٸڭ ەۋەزدٸ ەندەرٸ دە دومبىرا ارقىلى تٷرلەنە تٷستٸ», - دەپ جازدى سەنات سپيكەرٸ Facebook پاراقشاسىندا.
سونىمەن قاتار سەنات تٶراعاسى قازٸرگٸ تاڭدا قاسيەتتٸ اسپاپتىڭ قادٸرٸن ارتتىرۋ ارقىلى ۇلتتىق كودىمىزدى جاڭعىرتۋ – بەرٸمٸزدٸڭ ابىرويلى مٸندەتٸمٸز ەكەندٸگٸنە باسا نازار اۋدارتادى.
«ەلباسىمىزدىڭ ۇلتتىق دومبىرا كٷنٸن بەلگٸلەۋدەگٸ باستى ماقساتى دا وسى ەكەنٸ انىق. سونىڭ اياسىندا سوڭعى كەزدەرٸ دومبىراعا, جالپى ۇلتتىق ٶنەرگە دەگەن قىزىعۋشىلىق ەرەكشە سيپاتقا يە بولعانى انىق بايقالادى. سوندىقتان الداعى ۋاقىتتا دومبىرانىڭ قادٸر-قاسيەتٸ بۇرىنعىدان دا ارتا تٷسەتٸنٸنە ەشقانداي كٷمەن جوق. ەندەشە تٶل قۇندىلىعىمىزدى تٶرگە وزدىراتىن مەرەكە قۇتتى بولسىن! قاستەرلٸ دومبىرامىزدىڭ ٷنٸ اسپانداي بەرسٸن!», - دەدٸ مەۋلەن ەشٸمباەۆ.
