قازاقستاندىق جٷزۋ شەبەرٸ دميتريي بالاندين توكيو وليمپياداسىنا جولداما الدى, دەپ حابارلايدى "ۇلت اقپارات".
ۇلتتىق وليمپيادا كوميتەتٸنەن تٷسكەن مەلٸمەتكە قاراعاندا, د.بالاندين حالىقارالىق سۋ سپورتى تٷرلەرٸ فەدەراتسيياسىنىڭ (FINA) Champions Swim Series اتتى جاڭا تۋرنيرٸنە قاتىستى.
ەلەمدٸك جارىستىڭ بٸرٸنشٸ كەزەڭٸ گۋانچجوۋدا ٶتتٸ.
براسس ەدٸسٸمەن 200 مەترگە جٷزۋ سايىسىندا قازاقستاندىق سپورتشى 2:09.37 نەتيجەمەن تٶرتٸنشٸ ورىنعا يە بولدى. ا نورماتيۆٸنٸڭ ۋاقىتى - 2:10.35. وسىلايشا د.بالاندين جولدامانى جەڭٸپ الدى.
بۇل قاشىقتىقتا 2016 جىلعى وليمپيادا ويىندارىنىڭ قولا جٷلدەگەرٸ, رەسەيلٸك انتون چۋپكوۆ 2:07.48 ۋاقىتىمەن توپ جاردى. ەكٸنشٸ ورىندا قىتايلىق تسين حاييان. ونىڭ ۋاقىتى - 2:08.31. جاپونييالىق يپپەي ۆاتانابە 2:09.33 كٶرسەتكٸشٸمەن ٷشٸنشٸ ورىنعا يە بولدى.
دميتريي بالاندين سونداي-اق 4ح100 مەتر ارالاس ەستافەتاسىنا قاتىسىپ, وندا قولا جٷلدەگە قول جەتكٸزدٸ.
Champions Swim Series جارىسىنىڭ بەسٸ جوعارى, وندا تەك ارنايى شاقىرتۋ العان كٸل مىقتىلار عانا باق سىناي الادى.
بۇل جاڭا تۋرنيردٸڭ ەكٸنشٸ كەزەڭٸ 11 مامىردا بۋداپەشت قالاسىندا ٶتەدٸ. ەلەمدٸك سەرييانىڭ سوڭعى كەزەڭٸ 31 مامىر مەن 1 ماۋسىم ارالىعىندا اقش-تىڭ يندياناپوليس قالاسىندا بولادى.
ەسكە سالا كەتەيٸك, براسس ەدٸسٸمەن 200 مەترگە جٷزۋ سايىسى - دميتريي بالانديننٸڭ وڭ جامباسىنا كەلەتٸن جارىس. دەل وسى قاشىقتىقتا ول 2016 جىلى قارسىلاستارىنىڭ بەرٸن شاڭ قاپتىرىپ, قازاقستاندىقتار اراسىندا جٷزۋدەن تۇڭعىش رەت وليمپيادا چەمپيونى اتانعان بولاتىن.
