تٷركٸستان وبلىستىق تۋبەركۋلەزگە قارسى ديسپانسەرٸنٸڭ باس دەرٸگەرٸ بولات ساعىمبەكوۆ كوروناۆيرۋستان كٶز جۇمعان دەرٸگەرلەردٸ ەسكە الۋ اكتسيياسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
ەلەۋمەتتٸك جەلٸدە پرەزيدەنت جارييالاعان جالپىۇلتتىق ازا تۇتۋ كٷنٸ كوروناۆيرۋس قۇرباندارىن ەسكە الۋعا ارنالعان دەرٸگەرلەردٸڭ كٶشەدەگٸ ٷنسٸزدٸك اكتسيياسى كەڭٸنەن تارالىپ جاتىر. بۇل ٸس-ەرەكەتتٸ سىنعا الىپ جاتقاندار دا جوق ەمەس.
«وسى ورايدا شىمكەنت قالاسىندا ورنالاسقان تٷركٸستان وبلىستىق تۋبەركۋلەزگە قارسى ديسپانسەرٸ ۇجىمىنىڭ اتىنان رەسمي تٷردە مەلٸمدەيمٸن: اتالمىش شارا - ۇلتتىق مەديتسينا قاۋىمداستىعىنىڭ تٶرايىمى ايجان بەگايدارقىزى سادىقوۆانىڭ بارشا مەديتسينا قىزمەتكەرلەرٸنە تاستاعان ٷندەۋٸن قولداۋ ماقساتىندا, سۇم ٸندەتپەن كٷرەسٸپ كٶز جۇمعان بارشا ەرٸپتەستەرٸمٸزدٸڭ رۋحىنا تاعزىم ەتۋ ٷشٸن جاساعان بٸزدٸڭ ورتاق شەشٸمٸمٸز» دەيدٸ تٷركٸستان وبلىستىق تۋبەركۋلەزگە قارسى ديسپانسەرٸنٸڭ باس دەرٸگەرٸ بولات ساعىمبەكوۆ.
ونىڭ ايتۋىنشا, دەرٸگەرلەر قاۋىمى اتى جامان اۋرۋمەن ارپالىسىپ جٷرٸپ قايتىس بولعان قانشاما ماماننان, ەرٸپتەس-دوستان, قىزمەتتەس جولداستارىنان ايىرىلعان.
«ولار كٶز الدىمىزدان كەتسە دە, جٷرەگٸمٸزدە قالدى. سوندىقتان دا, ازا تۇتۋ كٷنٸ ولاردىڭ رۋحىنا تاعزىم ەتٸپ, ەسكە الۋدى ٶزٸمٸزدٸڭ ەرٸپتەستٸك پارىزىمىز دەپ بٸلەمٸز. ولاردىڭ ەربٸرٸ وسىنداي قۇرمەتكە لايىق دەپ سانايمىز. ٶز كەزەگٸمدە, بۇل شارانى ۇيىمداستىرۋعا جەرگٸلٸكتٸ ەكٸمدٸكتٸڭ دە, ورتالىق بيلٸك ورىندارىنىڭ دا ەشقانداي قاتىسى جوق ەكەنٸن جەتكٸزەمٸن» دەپ تٷيٸندەدٸ سٶزٸن تٷركٸستان وبلىستىق تۋبەركۋلەزگە قارسى ديسپانسەرٸنٸڭ باس دەرٸگەرٸ.
