قازاقستان كينوتەاترلارىندا DISNEY كومپانيياسىنىڭ ٷش بٸردەي تۋىندىسى: Disney جەنە Pixar ستۋدييالارىنىڭ «ويجۇمباق 2» انيماتسييالىق فيلمٸ, Disney كومپانيياسىنىڭ «موانا 2» شىتىرمان وقيعاسى مەن «مۋفاسا: ارىستان پاتشا» كٶركەم فيلمٸ قازاق تٸلٸندە كٶرسەتٸلەدٸ. بۇل سٷيٸنشٸ جاڭالىقتى حالىقارالىق «قازاق تٸلٸ» قوعامى til.kz رەسمي سايتىندا جارييالادى.
فيلمدەردٸ تٷرلٸ ەلدەرگە بەيٸمدەپ, دۋبلياجداۋ – Disney كومپانيياسىندا بۇرىننان قالىپتاسقان ٷردٸس. Disney جىل سايىن ەر فيلمنٸڭ تٷرلٸ تٸلدەردەگٸ 30-عا جۋىق نۇسقاسىن دايىندايدى. قازاق تٸلٸنٸڭ وسىنداي ٸرٸ تٸلدەر قاتارىنا قوسىلۋى, سٷيٸكتٸ فيلمدەردەگٸ ٶزٸمٸزگە جاقسى تانىس كەيٸپكەرلەردٸڭ بٸزبەن بٸرگە بٸر تٸلدە سٶيلەۋٸ – ٶتە ماڭىزدى قادام. وسى تۇرعىدا حالىقارالىق «قازاق تٸلٸ» قوعامىنىڭ نەگٸزگٸ جۇمىس باعىتى Disney كومپانيياسىنىڭ ۇستانىمەن ٷندەس كەلەدٸ. «قازاق تٸلٸ» قوعامى مەملەكەتتٸك تٸلدەگٸ كونتەنت قورىن, اتاپ ايتقاندا, بالا تٸلٸن قازاقشا شىعارۋعا قاجەت قۇرالداردان باستاپ, ەر ادامنىڭ قازاق تٸلٸ اياسىندا تۇلعا ەرٸ مامان بولىپ قالىپتاسۋىنا كەرەك مازمۇن قورىن ارتتىرۋعا باسىمدىق بەرەدٸ. ەلەمدٸك انيماتسييا جاۋھارلارى, قازاق تٸلٸندەگٸ كينوپروكات باعىتىنداعى كونتەنتتٸڭ قازاق تٸلٸنە اۋدارۋ باستاماسىن قولدايدى. بۇل جولى “قازاق تٸلٸ” قوعامى Disney كومانداسىمەن بٸرلەسە اتالعان فيلمدەردٸ قازاقستاندىق كٶرەرمەندەرگە كەڭٸنەن ناسيحاتتاۋ جەنە تاراتۋعا اتسالىسادى.
"فيلمدەردٸ ەرتٷرلٸ ەلدەرگە بەيٸمدەپ, دۋبلياجداۋ – Disney كومپانيياسىنداعى كونتەنت ەزٸرلەۋ جۇمىسىنىڭ اجىراماس بٶلٸگٸ ەرٸ بۇرىننان قالىپتاسقان ٷردٸسٸ. سول سەبەپتٸ Disney Character Voices International ۇجىمى ەر فيلمنٸڭ تٷرلٸ تٸلدەرگە اۋدارىلعان 30-عا جۋىق نۇسقاسىن ەزٸرلەيدٸ. وسى نۇسقالاردىڭ ەرقايسىسىنداعى كەيٸپكەرلەردٸڭ بٸرەگەي بەينەسٸن ساقتاي وتىرىپ, ونى كٶرەرمەندەرگە «جاقىن» ەرٸ تٷسٸنٸكتٸ ەتٸپ اۋداراتىن, دۋبلياجدايتىن دارىندى شىعارماشىلىق كەڭەسشٸلەر مەن تەحنيكالىق ماماندار توبى جۇمىلدىرىلادى", – دەيدٸ ورتالىق جەنە شىعىس ەۋروپا, تمد ەلدەرٸ, گرۋزييا جەنە موڭعوليياداعى Disney كومپانيياسىنىڭ باس ديرەكتورى كاحابەر اباشيدزە.
"قازاقستاندىق كٶرەرمەن مەملەكەتتٸك تٸلدە كٶرسەتٸلەتٸن Disney پرەمەرالارىن قاشاندا ەرەكشە ىقىلاسپەن قارسى الادى. بۇل دەستٷر 2024 جىلى دا جالعاسىن تاپپاق. ٷلكەن ەكرانداردان قازاق تٸلٸندە كٶرسەتٸلگەن «موانا», «كٶلٸكتەر 3», «كوكونىڭ قۇپيياسى» جەنە «ارىستان پاتشا» (2019) فيلمدەرٸنٸڭ قاتارى جاڭا تۋىندىلارمەن تولىقپاق. قازاق تٸلٸندە ەركٸن سٶيلەيتٸندەر دە, تٸلدٸ ەندٸ ٷيرەنٸپ جٷرگەندەر دە ساپالى دۋبلياجدالعان فيلمدەردٸ تاماشالاۋدان لەززات الارى cٶزسٸز", – دەپ پٸكٸر بٸلدٸردٸ قازاقستان اۋماعىنداعى Disney فيلمدەرٸنٸڭ رەسمي ديستريبيۋتورى, «مەلومان» كومپانيياسىنىڭ باس ديرەكتورى ۆاديم گولەنكو.
14 ماۋسىمنان باستاپ كينوتەاترلاردا Disney مەن Pixar كومانداسى تٷسٸرگەن تانىمال انيماتسييالىق تۋىندىنىڭ كٶپتەن كٷتكەن جالعاسى – «ويجۇمباق 2» كٶرسەتٸلەدٸ. مۇندا كٶرەرمەن بوي جەتٸپ قالعان رايليمەن قايتا قاۋىشادى. كەيٸپكەردٸڭ ساناسىندا كٷتپەگەن جەردەن پايدا بولعان جاڭا ەموتسييالارعا ورىن بوساتۋ ٷشٸن باس بٶلٸمٸندە كٷردەلٸ جٶندەۋ جۇمىستارى باستالادى...
ال كٶپتەن كٷتكەن ەكٸنشٸ رەليز – Disney كومپانيياسىنىڭ «موانا 2» انيماتسييالىق شىتىرمان وقيعاسىن قاراشا ايىنان باستاپ تاماشالاي الامىز. فيلم رەجيسسەرٸ – كٸشٸ دەيۆ دەرريك, مۋزىكا اۆتورى – «گرەممي» سىيلىعىنىڭ جٷلدەگەرلەرٸ ەبيگەيل بارلوۋ مەن ەميلي بەار, «گرەممي» نومينانتى وپەتاييا فوايا مەن ٷش دٷركٸن «گرەممي» جٷلدەسٸنٸڭ يەگەرٸ مارك مانچينا.
قازاق تٸلٸندە كٶرسەتٸلەتٸن ٷشٸنشٸ تۋىندى – Disney كومپانيياسىنىڭ «مۋفاسا: ارىستان پاتشا» كٶركەم فيلمٸ. 2019 جىلعى «ارىستان پاتشا» فيلمٸندە قولدانىلعان زاماناۋي تەحنولوگييالاردىڭ كٶمەگٸمەن تٷسٸرٸلگەن بۇل كارتينا مۋفاسانىڭ بالالىق جەنە جاستىق شاعىن, باۋىرى شراممەن اراداعى ٶشپەندٸلٸكتٸڭ تٷپكٸ تاريحىن باياندايدى. فيلم رەجيسسەرٸ – بارري دجەنكينس («اي سەۋلەسٸ»), ستسەنارييٸن دجەفف ناتانسون («تەرمينال») جازعان.
ۇسىنىلعان فيلمدەردٸڭ قازاق تٸلٸندەگٸ دۋبلياجى قازاقستاندىق Movie Dalen ستۋديياسىندا جاسالدى.
