22 قاڭتار كٷنٸ شىمكەنتتٸڭ قاراتاۋ اۋداندىق سوتىندا "ٶزگە دٸنگە كٸرگەنٸ ٷشٸن ەيەلٸن پىشاقتاعانىن" مەلٸمدەگەن حايروللا نارمەتوۆتىڭ ٸسٸ بويىنشا سوت ٷكٸمٸ شىقتى.
ازاتتىق تٸلشٸسٸنٸڭ حابارلاۋىنشا, سۋديا ەرماحان راحمانبەردٸ حايروللا نارمەتوۆتٸ قىلمىستىق كودەكستٸڭ 106-بابىنىڭ 1-بٶلٸگٸمەن ("قاساقانا اۋىر دەنە جاراقاتىن سالۋ") ايىپتى دەپ تانىپ, ٷش جىلعا باس بوستاندىعىنان ايىرۋ جازاسىن كەستٸ. سوتقا نارمەتوۆتٸڭ ادۆوكاتى, جەبٸرلەنۋشٸ رەتٸندە ەيەلٸ ۋميدا نارمەتوۆا مەن ونىڭ اناسى قاتىستى.
بٷگٸن ٷكٸم وقىلعانعا دەيٸن ٶتكەن جارىسسٶزدە پروكۋرور اسلان جۇماعۇلوۆ حايروللا نارمەتوۆتٸڭ قىلمىسىنا «شىن ٶكٸنگەنٸن» ايتىپ, ونى ٷش جارىم جىلعا باس بوستاندىعىنان ايىرۋدى سۇراعان بولاتىن.
سوتتا سوڭعى سٶز بەرٸلگەن كەزدە جەبٸرلەنۋشٸ ۋميدا نارمەتوۆا ٶزٸنە پىشاق سالعان كٷيەۋٸ حايروللا نارمەتوۆتٸ «بالالارى ٷشٸن كەشٸرەتٸنٸن» ايتتى. ال حايروللا نارمەتوۆ ٸستٸ اشۋمەن ٸستەگەنٸن, ونىسىنا قاتتى ٶكٸنەتٸنٸن ايتىپ, ەيەلٸ مەن ونىڭ اناسىنان كەشٸرٸم سۇرادى. ول سونىمەن قاتار سوتتان بالالارى ٷشٸن ٶزٸنە كەشٸرٸم بەرٸپ, جازاسىن جەڭٸلدەتۋدٸ سۇراعان.
نارمەتوۆتٸڭ ادۆوكاتى ونىڭ بۇرىن سوتتالماعانىن جەنە وتباسىلى ەكەنٸن ەسكەرٸپ, ايىبىن جەڭٸلدەتۋدٸ جەنە باس بوستاندىعىن ايىرمايتىنداي جازا كەسۋدٸ سۇراعان.
ەستەرٸڭٸزگە سالا كەتەيٸك, بۇل ٸس بويىنشا سوت 16 قاڭتاردا باستالعان.
وڭتٷستٸك قازاقستان وبلىسى سايرام اۋدانىنىڭ 1983 جىلى تۋعان تۇرعىنى حايروللا نارمەتوۆ بىلتىر قاراشا ايىندا ەكٸ ايعا قامالعان. حايروللا نارمەتوۆ 12 قاراشادا ەيەلٸمەن بولعان جانجالدان سوڭ تٷسٸرگەن ۆيدەو ٷندەۋٸندە "ەيەلٸمدٸ باسقا دٸنگە ٶتكەنٸ ٷشٸن ٶلتٸردٸم" دەپ مەلٸمدەگەن. بۇل ۆيدەو 13 قاراشادا ەلەۋمەتتٸك جەلٸگە تاراپ كەتكەن ەدٸ. كٷيەۋٸ پىشاق سالعان ۋميدا نارمەتوۆا اۋرۋحانانىڭ جانساقتاۋ بٶلٸمٸنە تٷسكەن بولاتىن.
