اقپارات جەنە قوعامدىق دامۋ ۆيتسە-مينيسترٸ مارات ەزٸلحانوۆ ەلٸمٸزدەگٸ دٸن سالاسىندا ەيەلدەر ۇيىمىنىڭ كٶزگە تٷسەرلٸك جۇمىسى بايقالماي وتىرعانىن مەلٸم ەتتٸ, دەپ حابارلايدى قازاقپارات تٸلشٸسٸ.
«جالپى, بٸزدٸڭ ەلٸمٸزدە وتباسىلىق, گەندەرلٸك مەسەلەلەرمەن اينالىساتىن 77 ٷكٸمەتتٸك ەمەس ۇيىم بار ەكەن. بٸراق, كٶز جٷگٸرتسەك, بٸردە-بٸرەۋٸ دٸن سالاسىنا اسا اتسالىسىپ جاتقان جوق سەكٸلدٸ. وبلىستاردا ولارعا 235 ملن تەڭگە بٶلٸنەدٸ ەكەن. 126 جوبا ٸسكە اسىرىلىپ جاتىر. بٸزدٸڭ ورتالىقتا دا وتباسىلىق قۇندىلىقتارعا بايلانىستى دەڭگەيدە دە بٸرنەشە جوبا بار. ال بٸراق, ونىڭ ايتارلىقتاي كٶزگە تٷسەرلٸك جۇمىسىن, ەسەرٸن دە كٶرٸپ وتىرعان جوقپىز. بٸزدٸڭ ماقساتىمىز - دٸني راديكاليزمنٸڭ الدىن الۋ. بۇل سالادا ەلٸمٸزدە قوردالانعان مەسەلەلەر كٶپ. ونىڭ ٸشٸندە مىسالى كەشەگٸ «جۋسان» وپەراتسيياسىمەن ەلگە كەلگەن 150 ەيەلدٸڭ تاعدىرى. ول كٸسٸلەر – جٷرەگٸ جارالانعان ازاماتتار. كٶبٸسٸ ەرٸكسٸز كەتكەن», - دەدٸ مارات ەزٸلحانوۆ ەلوردادا ٶتٸپ جاتقان «جاستاردى رۋحاني, ادامگەرشٸلٸك تەربيەلەۋدەگٸ جەنە راديكالدى دٸني يدەولوگيياعا يممۋنيتەتتٸ قالىپتاستىرۋداعى ەيەلدەر ۇيىمدارىنىڭ رٶلٸ» اتتى رەسپۋبليكالىق عىلىمي-پراكتيكالىق كونفەرەنتسييادا.
ۆيتسە-مينيستردٸڭ ايتۋىنشا, سيرييادان كەلگەن ەيەلدەرمەن جۇمىس جٷرگٸزۋ كەرەك.
«نەگٸزٸ ٶزٸمٸزدٸڭ ارامىزدان ەيەلدەر ۇيىمدارى جۇمىس ٸستەسە دەيمٸز. ودان قالدى سول جاقتا قازا تاپقان ەر كٸسٸلەردٸڭ وتباسىلارى, بالالارى مەن ەيەلدەرٸ بار. ەرتٷرلٸ جاعدايمەن اباقتىعا تٷسكەندەردٸڭ وتباسىلارى مەن ەيەلدەرٸ بار. ودان قالدى بٸزدٸڭ ٶڭٸرلەردە ەيەلدەر جاماعاتى بارىن جاسىرۋدىڭ كەرەگٸ جوق. ول دا دۇرىس شىعار. ەشقانداي رەنجيتٸن سٶز ەمەس شىعار – ەيەلدەر ٶزدەرٸ بٸرٸگٸپ, جاماعات بولىپ جاتىر. ول دا بەلگٸلٸ جاي. 5 مىڭعا جۋىق سونداي كٸسٸلەر بار ەلدە. الايدا كٶپ جەردە ولار جابىق تٷردە بٸر-بٸرٸمەن ارالاسادى. سىرتپەن بايلانىسى جوق. ٶزدەرٸمەن ٶزدەرٸ جٷرەدٸ. قيىندىقتارى بار. جۇمىس تاپپاي, بالالارىن بالاباقشاعا ورنالاستىرا المايدى. ولارمەن دە جۇمىس جٷرگٸزۋ كەرەك. جالپى, قوعامعا دٸن سالاسىنداعى بار قاۋٸپ-قاتەرلەردٸ مەنٸڭشە, ەيەلدەن ارتىق ەشكٸم جەتكٸزە المايتىن سيياقتى», - دەدٸ مارات ەزٸلحانوۆ.
