سۋرەت: اقوردا
مەملەكەت باسشىسى قاسىم-جومارت توقاەۆ مەدەنيەت جەنە ٶنەر قىزمەتكەرلەرٸن ماراپاتتاۋ رەسٸمٸنە قاتىسىپ, شاراعا جينالعانداردى مەدەنيەت جەنە ٶنەر قىزمەتكەرلەرٸ كٷنٸمەن قۇتتىقتادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى مەدەنيەت پەن ٶنەردٸ دامىتۋ مەملەكەتٸمٸز ٷشٸن نەگٸزگٸ باسىمدىقتىڭ بٸرٸ سانالاتىنىن جەتكٸزدٸ. سونىمەن قاتار ۇلت رۋحانيياتىن جاڭعىرتۋ ٸسٸنە قاتىستى ناقتى شارالار قولعا الىنىپ جاتقانىن اتاپ ٶتتٸ.
بۇل ورايدا مەملەكەت باسشىسى ديماشتىڭ بٸرەگەي ٶنەرٸنە تەنتٸ بولعان تٷرلٸ ەلدٸڭ ازاماتتارى قازاقستاننىڭ ەنۇرانىن شىرقاپ, كٶك تۋىن جەلبٸرەتٸپ جٷرگەنٸن ايتتى.
"ٶنەر – تەربيە قۇرالى. مەن ۇلتتىق قۇرىلتايدىڭ وتىرىسىندا ۇلت بولاشاعىنا قاۋٸپ تٶندٸرەتٸن بەس كەسەل تۋرالى ايتتىم. قوعامدى وسى كەسەلدەردەن تازارتۋعا مەدەنيەت قايراتكەرلەرٸ زور ٷلەس قوسىپ كەلەدٸ. لۋدومانييا مەن ناشاقورلىقتىڭ زييانىن اشىپ كٶرسەتەتٸن تىڭ تۋىندىلار شىعىپ جاتىر. بۇل – ٶتە دۇرىس باستاما", – دەدٸ پرەزيدەنت.
مەملەكەت باسشىسىنىڭ ايتۋىنشا, مەدەنيەت سالاسىنىڭ ٶكٸلدەرٸ حالىقتىڭ رۋحاني قالقانى بولۋعا تيٸس. سونداي-اق پرەزيدەنت ولاردىڭ جاس ۇرپاقتى جاسامپازدىققا, جاڭاشىلدىققا ٷيرەتۋگە, بٸرلٸكتٸ نىعايتۋعا, ٶنٸمدٸ ەڭبەك ەتۋگە باۋلۋعا بەلسەنە اتسالىساتىنىنا سەنٸم بٸلدٸردٸ.
"سٸزدەر مەدەنيەت پەن ٶنەر جولىنا ادال بولىپ, قاجىرلى ەڭبەك ەتٸپ كەلەسٸزدەر. وعان بٷكٸل ەل كۋە. ٶنەر ادامى ٷشٸن ەڭ قۇندى ماراپات – حالىقتىڭ ىستىق ىقىلاسى. مەن تٶل مەدەنيەتٸمٸزدٸ دامىتۋعا مول ٷلەس قوسىپ جٷرگەن بٸر توپ ازاماتتى ماراپاتتاۋ تۋرالى شەشٸم قابىلدادىم. مەدەنيەت سالاسىندا ەرەكشە ورنى بار 7 ٸرگەلٸ ۇجىم بيىل مەرەيلٸ بەلەسكە جەتٸپ وتىر. سوندىقتان بٷگٸن نەگٸزٸنەن وسى مەكەمەلەردٸڭ قىزمەتكەرلەرٸنە جوعارى مەملەكەتتٸك ماراپات تاپسىرۋدى جٶن كٶردٸم", –دەدٸ قاسىم-جومارت توقاەۆ.
