قر مەدەنيەت جەنە سپورت مينيسترٸ ارىستانبەك مۇحامەديۇلى قازاق تالانتتارىنىڭ شەتەلدە تانىلۋى تۋرالى سىندارعا جاۋاپ بەردٸ, دەپ حابارلايدى قازاقپارات تٸلشٸسٸ.
مينيستر كانن فەستيۆالٸندە جەڭٸسكە جەتكەن سامال ەسلياموۆا مەن قىتايداعى ەن بايقاۋىندا توپ جارعان ديماش قۇدايبەرگەنگە ەرەكشە توقتالدى.
"ديماش قىتايلاردىڭ ارقاسىندا, سامال - فرانتسۋزداردىڭ ارقاسىندا تانىلدى دەگەن پٸكٸر حالىق اراسىندا بار. ديماش ٶزٸنٸڭ قازاقستاندا ٶسكەنٸن, ۇلتتىق ٶنەر ۋنيۆەرسيتەتٸندە وقيتىنىن قانشا ايتسا دا, ونى قىتايعا تەلٸپ قوياتىندار تابىلادى. ەل اراسىندا سونداي قىزىق پسيحولوگييا قالىپتاسىپتى", - دەدٸ ارىستانبەك مۇحامەديۇلى استانادا حالىق الدىندا ەسەپ بەرۋ كەزدەسۋٸندە.
مينيستر رەسەيلٸك ەنشٸ البينا جاڭاباەۆانىڭ جازباسىن مىسالعا كەلتٸردٸ.
"رەسەيگە تانىمال ەنشٸ البينا دجاناباەۆا استراحان ٶڭٸرٸندە تۋعان, ونىڭ ەكەسٸ قازاق, اداي رۋىنان. "Voice of Astana" كونتسەرتٸنە كەلگەندە البينا ٶز تالانتتارىمىزعا, باتىرحان شٷكەنوۆكە, بايعالي سەركەباەۆقا قۇرمەتٸمٸزدٸ كٶرٸپ, ريزا بولدى. ينستاگرام جەلٸسٸنە ٶزٸنٸڭ قازاق ەكەنٸن, قازاقتان شىققانىن ماقتان تۇتاتىنىن جازدى, تاريحي وتانىنا سەلەم جولدادى. شەتتەگٸ قازاقتاردىڭ ٶزٸ شىققان تەگٸن مويىنداپ جاتقاندا, ٶز ەلٸمٸزدە ٶسكەن تالانتتاردى سىرتقا تەبۋ جارامايدى", - دەدٸ ول.
"ديماش بەرٸبٸر تانىمال ەنشٸ بولار ەدٸ. سەبەبٸ, كونكۋرستار ەلەمنٸڭ بارلىق ەلٸندە ٶتەدٸ. يە, قىتايعا بارعانى راس. ولاي باعالساق, سەرٸك سەپيەۆتٸ اعىلشىنداردىڭ كٶمەگٸمەن تانىلدى دەپ ايتا الامىز با? دانييار ەلەۋسٸنوۆ - ريو-دە-جانەيرودا, ولگا شيشيگينا - اۆسترالييالىق كەنگۋرۋلاردىڭ ارقاسىندا قالىپتاستى دەي المايمىز عوي. وسى ٷشٸن حالىقارالىق بايقاۋلار مەن وليمپيادالار ٶتكٸزٸلەدٸ, تالانتتاردىڭ تانىلۋى ٷشٸن", - دەدٸ ا. مۇحامەديۇلى.
