- قازاقستاندىق ەنشٸ ديماش قۇدايبەرگەنوۆ بٷگٸن قىتايدىڭ «Singer2017» ەن بايقاۋىنا قاتىساتىندىعىن راستادى.
بۇل تۋرالى ديماش ٶزٸنٸڭ جاڭا عانا اشقان قىتايلىق Sina Weibo (تۋيتتەردٸڭ بالاماسى) ەلەۋمەتتٸك ميكروبلوگىندا جارييالادى. پاراقشاعا جازىلۋشىلاردىڭ سانى از ۋاقىتتىڭ ٸشٸندە 4 مىڭنان اسقان.
ديماش قىتايلىق كٶرەرمەندەرگە Weibo ارقىلى ٶزٸنٸڭ حۋنان تەلەارناسىنىڭ «Singer2017» تەلەجوباسىنا قاتىساتىندىعىن, سونداي-اق ٶزٸنە قولداۋ كٶرسەتۋٸن سۇراعان ۆيدەوسىن جارييالادى.
4 ميلليونعا جۋىق وقىرمانى بار Singer2017 ۇيىمداستىرۋشىلارىنىڭ ارنايى Weibo پاراقشاسىندا جوباعا قاتىسۋشىلاردىڭ تولىق تٸزٸمٸ جەنە افيشاسى جارييالاندى.
ايتا كەتەرلٸگٸ, ۆيدەو كٶرسەتٸلگەننەن كەيٸن قولداۋشىلار 500-گە جۋىق پٸكٸر جازىپ, ديماشتىڭ جوباداعى ٶنەرٸنە سەتتٸلٸك تٸلەدٸ. ال سول ەلدەگٸ قانداستارىمىز ديماشتىڭ ەنٸن تىڭداۋعا قۇمار بولعان قىتايلىقتار ٷشٸن ارنايى توپ قۇرىپ, ەندەرٸن جٷكتەۋگە اتسالىسۋدا.
ەسكە سالا كەتەيٸك, بۇعان دەيٸن ديماش قۇدايبەرگەنوۆتٸڭ وسى ەن بايقاۋىنا قاتىساتىندىعى تۋرالى حابارلاعان بولاتىنبىز. ديماشتىڭ قىتايلىق تانىمال ەنشٸ حان حۋننىڭ «تاڭ اتتى» ەنٸن شەبەر ورىنداۋى جوبا ۇيىمداستىرۋشىلارىنىڭ نازارىن اۋدارعان سىڭايلى.
ەل ٸشٸندە تانىمال جوباعا تايۆان, ماكاو, سينگاپۋر جەنە كورەيا, سونىمەن قاتار قىتايدىڭ ەڭ تانىمال جۇلدىزدارىنىڭ قاتىساتىنى بەلگٸلٸ.
بايقاۋدىڭ جالپى 5 ٸرٸكتەۋ كەزەڭٸ, سونداي-اق, جارتىلاي فينالى جەنە فينالدىق سايىستارى 21 قاڭتاردان 15 سەۋٸر ارالىعىندا چانشا قالاسىندا ٶتەدٸ.
