قازاقستاندىق ەنشٸ ديماش قۇدايبەرگەنوۆ قىتايداعى I Am a Singer مۋزىكالىق كونكۋرسىن قاتىسىپ, تەلەشوۋدىڭ بٸرٸنشٸ كونكۋرس كٷنٸنٸڭ جەڭٸمپازى بولدى. ايتا كەتەيٸك, كونكۋرستا 14 كەزەڭ بار. بۇل تۋرالى Tengrinews.kz تٸلشٸسٸنە ەنشٸنٸڭ دوسى ەرٸ مەنەدجەرٸ الماپىس شاريموۆ حابارلادى.
22 جاستاعى ەنشٸ SOS d'un terrien en détresse ەنٸن فرانتسۋز تٸلٸندە ورىندادى. ديماش قاتىسۋشىلاردىڭ ٸشٸندە ەڭ جاسى. ونى كونكۋرسقا ۇيىمداستىرۋشىلار شاقىرىپتى.
شاريموۆتىڭ ايتۋىنشا, قۇدايبەرگەنوۆ جايلى كٶپتەگەن جەرگٸلٸكتٸ باسىلىمدار ماقالا جارييالاعان. ال قىتايلىق جانكٷيەرلەر جەلٸدە "قىتاي قازاقتارعا تاڭعالىپ جاتىر" دەلٸنگەن مەمدەردٸ تاراتىپ جاتىر ەكەن.
كونكۋرس قىتايدىڭ چانشا قالاسىندا ٶتٸپ جاتىر. مەنەدجەرٸنٸڭ ايتۋىنشا, ديماش قۇدايبەرگەنوۆ وسى كونكۋرسقا قاتىسۋ ٷشٸن يميدجٸن ٶزگەرتٸپتٸ. "ديماشتىڭ يميدجٸن ٶزگەرتتٸك. وسىنداي "لۋك". بۇل The voice ەمەس, بۇل اتاقتى ەرٸ ٶنەر جولىنا اياق باسقان ەنشٸلەردٸڭ كونكۋرسى", - دەگەن ەدٸ مۇنىڭ الدىندا شاريموۆ. ايتۋىنشا, I Am a Singer كونكۋرسىنىڭ بەسٸنشٸ ماۋسىمى قىتايدىڭ رەيتينگٸ ەڭ جوعارى Hunan TV تەلەارناسىندا تاراتىلادى.
سونىمەن قاتار, ەنشٸنٸڭ ٶزٸ تەلەارنانىڭ پوستەرٸن دە جارييالادى. "قىران بٷركٸت, كيەلٸ دومبىرا, تۇلپار, قاسيەتتٸ اللانىڭ ٷيٸ, ۇلتتىق ويۋ - حۋنان تۆ ارناسى وسىلايشا مەنٸڭ بولمىسىم, تىنىس-تٸرشٸلٸگٸمدٸ مىنا پوستەردە بەينەلەگەن ەكەن!", - دەپ جازدى ەنشٸ Instagram جەلٸسٸندەگٸ پاپاقشاسىندا.
ايتا كەتەيٸك, وسىعان دەيٸن ديماش قۇدايبەرگەنوۆ بۇل شوۋ جايىندا ايتىپ بەرگەن بولاتىن. "كەشە قىتاي تەلەارنالارى باس قوسقان مەديا كونفەرەنتسييادا سۇراقتارعا جاۋاپ بەردٸم. ەر جۋرناليستتٸڭ كٶكەيٸندە "قازاقستاننان قالاي كەلدٸڭ? سەن كٸمسٸڭ? قازاق قالاي ەن ايتادى?" تەكتەس سۇراقتار تولىپ تۇردى... #TheSinger جوباسىنىڭ بيىل بەسٸنشٸ ماۋسىمى. ٶتكەن ماۋسىمدا وسكار ماراپات جٷلدەسٸندە ٶنەر كٶرسەتٸپ, شىعىس پەن باتىستى ەنٸمەن بايلانىستىرىپ جٷرگەن كوكو لي جەڭٸسكە جەتتٸ. قارسىلاستارىم دا بيىلعى وسال ەمەس. "China music world", "MTV awards" ت.ب مىقتى ماراپاتتاردىڭ بٸرنەشە دٷركٸن جەڭٸمپازدارى, تەجٸريبەلٸ ەنشٸلەر.
بۇل بايقاۋدىڭ ەرەكشەلٸگٸ - تەك ساxنادا ەن ايتىپ قانا قويماي, ٶمٸرلٸك جاعدايىن ٷنەمٸ كامەرا باقىلاۋىندا. جوعارىداعى سۇراقتاردىڭ جاۋابى راسىمەن دە ەر جۋرناليستتٸڭ كٶكەيٸندە جٷرگەن شىعار. ەرتەڭ 21 قاڭتار كٷنٸ ەفيردٸ كەشكٸلٸك حۋنان تۆ ارناسىنان تاماشالاي الاسىزدار. وتانداستارىم ٷشٸن ەكٸنشٸ كٷنٸ YouTube ۆيدەوپورتالىنا تولىق نۇسقاسى جارييا بولادى. ٷلكەن سەريالدىڭ بۇل تەك بٸرٸنشٸ بٶلٸمٸ. قالاي ٶتەتٸنٸ, اسپان استى ەلٸنٸڭ مەنٸ قالاي قابىلدايتىنى ەلٸ دە ٶزٸمە جۇمباق! ەفيردەن كەيٸنگٸ ويلارىڭىزدى بٸلۋگە اسىقپىن!", - دەپ جازعان ەدٸ ول Instagram جەلٸسٸندەگٸ جازباسىندا.
ۋيكيپەدييا مەلٸمەتٸ بويىنشا, I Am a Singer مۋزىكالىق كونكۋرسى كورەيدٸڭ تانىمال رەاليتي-شوۋىنىڭ قىتايلىق نۇسقاسى. وعان جەتٸ تانىمال مۋزىكانت قاتىسادى, ولاردىڭ ەرقايسىسى ەلەمدٸك جٷلدە العان. ەر اپتادا بٸر قاتىسۋشى شىعىپ قالىپ, ورنىنا جاڭا ورىنداۋشى قوسىلىپ وتىرادى. جەڭٸمپازدى اۋديتورييا تاڭدايدى.
ديماش قۇدايبەرگەنوۆ ۆيتەبسكٸدە ٶتكەن "سلاۆيان بازارى 2015" كونكۋرسىنىڭ باس جٷلدەسٸن العان. قاڭتار ايىنىڭ باسىندا ول قر تۇڭعىش پرەزيدەنتٸ - ەلباسىنىڭ مەدەنيەت سالاسىنداعى مەملەكەتتٸك ستيپەنديياسىنىڭ يەگەرٸ اتانعان.
