ەنشٸ ديماش قۇدايبەرگەننٸڭ استانادا ٶتەتٸن «ارناۋ» اتتى كونتسەرتٸنٸڭ كٷنٸ بەلگٸلەندٸ, دەپ حابارلايدى قازاقپارات تٸلشٸسٸ.
بۇل تۋرالى ەنشٸنٸڭ ٶزٸ ينستاگرام پاراقشاسىندا جازدى.
«كٷن بەلگٸلەندٸ! بۇل ەڭ ٷزدٸك شوۋ بولماق. بيلەت ساتىلىمى تۋرالى كەيٸنٸرەك حابارلايمىز. قازاقستاندا 29 ماۋسىمدا كٶرٸسكەنشە!», - دەپ جازدى ەنشٸ.
ەسكە سالا كەتسەك, بۇعان دەيٸن ديماش قۇدايبەرگەن جاستار جىلى اياسىندا استانادا «ارناۋ» اتتى كونتسەرت بەرەتٸنٸن حابارلاعان بولاتىنبىز.
«بٸز سٸزدەرمەن ٷلكەن ماڭىزدى جاڭالىقتى بٶلٸسكٸمٸز كەلەدٸ. بٸز ٶز تاراپىمىزدان تالانتتى جاستاردى قولداۋعا دايىنبىز. ونىڭ ٷستٸنە ٶزدەرٸڭٸز بٸلەتٸندەي, بيىلعى جىل جاستار جىلى دەپ جارييالانعان بولاتىن. ديماش ەلٸمٸزدٸڭ, حالقىمىزدىڭ بٸرتۋار ازاماتى, قازاقتىڭ ٶنەرٸ ارقىلى ەلٸمٸزدٸڭ اتىن بٷكٸل ەلەمگە تانىتىپ جٷرگەن تالانتتى تۇلعا. بۇنىڭ الدىندا ديماش ۇلتتىق ارناداعى جاڭا جىلدىق شوۋعا قاتىسقان بولاتىن. ال بٷگٸنگٸ ايتىلىپ جاتقان جوبا بويىنشا بٸز ديماشپەن بٸرنەشە رەت كەزدەسٸپ, اقىلداسقان بولاتىنبىز», - دەگەن ەدٸ وكق-دا ٶتكەن باسپاسٶز مەسليحاتىندا «قازاقستان» رترك اق تٶراعاسى ەرلان قارين.
ونىڭ ايتۋىنشا, ديماشتىڭ استاناداعى كونتسەرتٸندە ەلەمدٸك شوۋلارداعى تەحنولوگييالار پايدالانىلادى.
