فوتو: instagram/kudaibergenov.dimash
تانىمال ەنشٸ ديماش قۇدايبەرگەن قىتايدا جاڭا مۋزىكالىق رەاليتي-شوۋدىڭ اتقارۋشى پروديۋسەرٸ بولماق. جاڭا قىزمەتٸ جايلى ەنشٸ ٶزٸنٸڭ Instagram-پاراقشاسىندا مەلٸمدەدٸ.
ديماش Hunan TV مەدياحولدينگٸ مەن باس مەنەدجەر تساي حۋايتسزيۋنمەن كەلٸسٸمشارتقا قول قويىپ, جاڭا جوبانى ٸسكە قوساتىنىن جارييالادى. جوبا مۋزىكالىق رەاليتي-شوۋ فورماتىندا ٶتپەك.
ەنشٸنٸڭ ايتۋىنشا, جوباعا ەرتٷرلٸ ەلدەردٸڭ ۆوكاليستەرٸ قاتىسىپ, تٷسٸرٸلٸمدەر قازاقستاننىڭ تٶرت ٶڭٸرٸندە ٶتەدٸ. الايدا قانداي تاريحي ورىندار كٶرسەتٸلەتٸنٸ ەزٸرگە قۇپييا.
– شوۋ بٷكٸل ەلەمگە كٶرسەتٸلٸپ, ميلليونداعان كٶرەرمەنگە جاڭا داۋىس پەن قازاقستاننىڭ بٸرەگەي مەدەنيەتٸن تانىستىرادى. 10 جىلعا جۋىق ۋاقىت بۇرىن Hunan TV ارناسىنداعى "مەن – ەنشٸمٸن" جوباسىمەن ٷلكەن ساحناعا جولىم باستالدى. بٷگٸن مەن جاڭا رٶلدە – حالىقارالىق شوۋ اۆتورى رەتٸندە قايتا ورالىپ وتىرمىن, – دەپ جازدى ديماش.
