«Kazakh Tourism» ۇلتتىق كومپانيياسى» اق باسقارما تٶراعاسىنىڭ ورىنباسارى تيمۋر دٷيسەنعاليەۆ ەنشٸ ديماش قۇدايبەرگەننٸڭ جەتٸستٸگٸ قازاقستاننىڭ تۋريزمٸن قالاي كٶتەرٸپ جاتقانىن ايتىپ بەردٸ, دەپ حابارلايدى قازاقپارات تٸلشٸسٸ.
«ديماش قۇدايبەرگەن قازٸردٸڭ ٶزٸندە قازاقستان تۋريزمٸنٸڭ ەلشٸسٸنە اينالدى. ٶتكەن جىلى ەلٸمٸزدە ٶتە سەتتٸ «ديماش-تۋر» شاراسى ٶتكٸزٸلگەن ەدٸ. بٸز ەلەمدەگٸ ديماشتىڭ ەڭ بەلسەندٸ فان-كلۋبتارىنىڭ ٶكٸلدەرٸن شاقىردىق. تۋر شارتتى تٷردە - «ديماش تۋر» جەنە «ااا» دەپ اتالدى. ااا دەگەنٸمٸز - اقتٶبە, استانا جەنە الماتى. بۇل شارا ٶتە اۋقىمدى قىزىعۋشىلىق تۋدىردى. قۇدايعا شٷكٸر, ديماش شىڭعا شىعىپ كەلەدٸ. ونىڭ ساعات سايىن ەلەمدە ابىرويى ارتىپ كەلە جاتقانى قۋانتادى. ديماشقا عاشىق ادامدار كٶپ. ياعني, ديماش ٶزٸنە عانا ەمەس, ٶزٸنٸڭ وتانى قازاقستانعا دەگەن قۇرمەتتٸ تۋعىزادى», - دەدٸ «سپۋتنيك قازاقستان» باسپاسٶز ورتالىعىندا ٶتكەن بريفينگ بارىسىندا «قازاق تۋريزم» ۇلتتىق كومپانيياسى تٶراعاسىنىڭ ورىنباسارى تيمۋر دٷيسەنعاليەۆ.
ايتا كەتەيٸك, بريفينگتە نۇر-سۇلتاندا «قازاقستان ارۋى» ۇلتتىق بايقاۋىنىڭ فينالى ٶتەتٸنٸ دە حابارلانعان بولاتىن.
بايقاۋ 2 مامىردا ەلورداداعى نوماد-حولدا ٶتكٸزٸلمەك. بيىلعى «قازاقستان ارۋى» ۇلتتىق بايقاۋىنىڭ ارنايى جوباسى بويىنشا قر مەدەنيەت جەنە سپورت مينيسترلٸگٸنٸڭ قولداۋىمەن تانىمدىق روليكتەر جيىنتىعى جاسالادى. بۇل كٶركەم, قىسقا فيلمدەردە ٶڭٸرلٸك تۋردىڭ جەڭٸمپازدارى ٶز ٶڭٸرٸنٸڭ تۋريستٸك مٷمكٸندٸكتەرٸن كٶرسەتەدٸ. مىسالى, «ٶسكەمەن ارۋى» بٸرەگەي راحمان قاينارى تۋرالى, «اقتٶبە ارۋى» «ٷيتاس» تابيعي ەسكەرتكٸشٸ جايلى, «شىمكەنت ارۋى» «اق مەشٸت» ٷڭگٸرٸ تۋرالى ەڭگٸمەلەپ بەرەدٸ.
قىزدار ٶزٸنٸڭ تۋعان ٶڭٸرلەرٸنٸڭ كٶرنەكتٸ جەرلەرٸن بار مەيٸرٸممەن ەرٸ ماقتانىشپەن تانىستىرادى, ەرەكشە تابيعي جەنە ارحەولوگييالىق نىسانداردى ٶز كٶزدەرٸمەن كٶرٸپ, تاماشالاۋ ٷشٸن ساياحاتشىلاردى ٶزدەرٸنٸڭ تۋعان ٶڭٸرلەرٸنە شاقىرادى.
«قازاقستان ارۋى - 2019» ۇلتتىق بايقاۋى - يميدجدٸك شارالاردىڭ بٸرٸ بولعالى تۇر. «قازاق تۋريزم» - ۇلتتىق برەند-مەنەدجەر رەتٸندە ەلٸمٸزدە ٶتٸپ جاتقان اۋقىمدى شارالاردى ٷيلەستٸرٸپ, تۋريزمگە پايدالى بولۋىن ويلاستىرادى. مەسەلەن, ەلوردادا جىل سايىن ٶتكٸزٸلەتٸن استانا ەكونوميكالىق فورۋمى, ەلبەتتە, اياسى مەن كەلەتٸن ىقپالدى ادامدارى تۇرعىسىنان ٶتە اۋقىمدى شارا. ول ىقپالدى ادامداردىڭ سٶزدەرٸ ەلەمنٸڭ ٷزدٸك ونداعان تەلەارنالارىندا بەرٸلەدٸ. بٸراق, ٶكٸنٸشكە وراي, اەف-تە جاھاندىق مەسەلەلەر كٶتەرٸلگەنٸمەن, قازاقستاندى تۋريستٸك تۇرعىدا جارنامالاۋ جوق. بٸز ەندٸگٸ كەزەكتە ەربٸر وسىنداي شارانى قايتا فورماتتاپ, ٶز كونتەنتٸمٸزدٸ كٶرسەتٸپ, قازاقستاننىڭ كٶرٸكتٸ جەرلەرٸن بٸر كٶرسەتٸپ قالۋعا تىرىساتىن بولامىز», - دەدٸ تيمۋر دٷيسەنعاليەۆ.
جاڭا فورمات اياسىندا «دٷنيەجٷزٸ ارۋى» جەنە «ەلەم ارۋى» سيياقتى ٸرٸ ەلەمدٸك بايقاۋلارعا ارنالعان تانىستىرىلىم روليكتەرٸ تٷسٸرٸلەدٸ. بۇل رەتتە روليكتەر ۇلى دالانىڭ كيەلٸ جەرلەرٸنە, قازاقستان رەسپۋبليكاسىنىڭ بٸرەگەي گەوگرافييالىق جەنە تابيعي لاندشافتتارىنا ارنالماق. ۇلتتىق كومپانييا وسى حالىقارالىق جوبالارداعى مەديا الاڭداردىڭ جوعارى رەيتينگٸسٸ ارقىلى ىقتيمال تۋريستەردٸڭ بارىنشا اۋقىمدى اۋديتوريياسىن تارتۋدى كٶزدەيدٸ.
