«ديكيي ارمان» لاقاپ اتىمەن تانىمال ارمان جۇماگەلديەۆتٸڭ الماتىنىڭ تەرگەۋ يزولياتورىنان ٸزٸم-عايىم جوعالىپ كەتتٸ. ونىڭ قايدا اپارىلعانى بەلگٸسٸز. بۇل تۋرالى كٷدٸكتٸنٸڭ ادۆوكاتتارى مەلٸمدەدٸ, دەپ حابارلايدى ulysmedia.kz.
ادۆوكات تالعات ەسٸموۆتٸڭ ايتۋىنشا, قۇقىق قورعاۋشىلار جۇماگەلديەۆتٸ كٷندٸز تەرگەۋ يزولياتورىنان كٶرگەن. سول ۋاقىتتا كٷدٸكتٸ كۋەلٸك بەرۋگە دايىن ەكەنٸن ايتىپتى.
"بٸز ەرٸپتەستەرٸمٸزبەن بٸرگە وعان ەكٸ رەت باردىق. بٸزبەن بٸرگە ونىڭ كامەراسىنا باس پروكۋراتۋرا قۇرعان ۆەدومستۆوارالىق جەدەل-تەرگەۋ توبىنىڭ مٷشەلەرٸ دە كٸردٸ. جاۋاپ الۋ كەزٸندە ارمان جۇماگەلديەۆ تەرگەۋ ورگاندارىمەن ىنتىماقتاسۋعا دايىن ەكەنٸن ايتتى", — دەيدٸ قۇقىق قورعاۋشى.
الايدا, 1 اقپاننان 2 اقپانعا قاراعان تٷنٸ ادۆوكاتتار ديكيي ارماننىڭ تەرگەۋ يزولياتورلارىنان شىعارىلعانىن بٸلدٸ, ولارعا بۇل تۋرالى ەشكٸم ەسكەرتپەگەن. قۇقىق قورعاۋشىلار تەرگەۋ ورگاندارىمەن بايلانىسقان, ولاردا دا ەشقانداي اقپارات جوق بولىپ شىقتى.
كٷدٸكتٸنٸڭ تاعى بٸر ادۆوكاتى قۋات ساليەۆتٸڭ ايتۋىنشا, زاڭ بويىنشا قورعاۋشىلارعا قاراماعىنداعى قورعالۋشىنىڭ كەز-كەلگەن قوزعالىسى تۋرالى حابارلانۋى كەرەك.
"بٸزدٸڭ اقپاراتىمىز بويىنشا, ارمان جۇماگەلديەۆ تەرگەۋ يزولياتورىنان ەكەتٸلگەن, بٸراق قازٸر ونىڭ قايدا ەكەنٸ بەلگٸسٸز", - دەپ اتاپ ٶتتٸ ساليەۆ.
سونىمەن بٸرگە, جۇماگەلديەۆتٸڭ تاعى بٸر ادۆوكاتى ۆيكتور كريۆونوسوۆ كليەنتتٸڭ ٶزٸن-ٶزٸ ٶلتٸرۋگە نيەتٸ جوق ەكەنٸن اتاپ ٶتتٸ.
ەسكە سالا كەتەيٸك, 7 قاڭتاردا “ديكيي ارمان” باستاعان ۇقت-نىڭ التى مٷشەسٸ الماتى پد ارنايى وپەراتسيياسى كەزٸندە ۇستالعان بولاتىن.
كەيٸنٸرەك جۇماگەلديەۆتٸڭ تەرتٸپسٸزدٸكتەردٸ ۇيىمداستىردى دەگەن كٷدٸككە ٸلٸنگەنٸ بەلگٸلٸ بولدى.
