فوتو اشىق دەرەككٶزدەن الىندى
قر باس پروكۋرورى بەرٸك اسىلوۆ مەجٸلٸستە قاڭتار وقيعاسىندا ديكيي ارمان مەن قايرات قۇدايبەرگەننٸڭ قانداي قىلمىستار جاساعانىن ايتىپ بەردٸ, دەپ حابارلايدى قازاقپارات اگەنتتٸگٸ.
«2021 جىل بويى, جاسىرىن تٷردە راديكالدى شارا قولدانۋ ٷشٸن ورىنداۋشىلاردى دايىنداۋ جٷرگٸزٸلگەنٸن عانا ايتا الامىن. ورىنداۋشىلاردىڭ قاتارىندا ۇيىمداسقان قىلمىستىق توپتار بولعان. ولار ادامداردى جيناپ, قارۋلاندىرعان, راتسييا جەنە كٶلٸك ساتىپ العان. تەرگەۋ انىقتاعانداي, وسى ەرەكەتتەردٸڭ باسىندا كٷش قۇرىلىمدارىنىڭ جەكەلەگەن ٶكٸلدەرٸ تۇرعان. مىسالى, تەرگەۋ ۆەرسيياسى بويىنشا, الماتىدا جۇماگەلديەۆ (لاقاپ اتى «ديكيي ارمان») ەرەكشە رٶل اتقارعان», - دەدٸ بەرٸك اسىلوۆ مەجٸلٸستٸڭ بٷگٸنگٸ وتىرىسىندا.
ونىڭ ەرەكەتٸن ۇقك-دەگٸ كۋراتورى ٷيلەستٸرگەنٸ انىقتالدى. ول تەرتٸپسٸزدٸكتەردٸ ۇيىمداستىرىپ, ادامدار توبىن باسقارۋدى ٶز قولىنا الىپ, بيلٸككە بۇلتارتپاس تالاپ قويۋ ٷشٸن «حالىق كەڭەسٸ» دەگەندٸ قۇرۋى تيٸس بولعان.
«وعان الماتى قالالىق مەسليحاتىنىڭ ەكس-دەپۋتاتى, سونداي-اق قىلمىستىق توپتىڭ بەلسەندٸ مٷشەسٸ ماحاتوۆ كٶمەكتەسكەن, ول الماتىداعى «قازاقستان» قوناق ٷيٸنە كەلۋشٸ بانديتتەردٸ قارۋلاندىرعان.
«الايدا ولار جاپپاي نارازىلىقتى باسقارا المادى. حالىق ولارعا ەرگەن جوق. ۇقك-نٸڭ بۇرىنعى تٶراعاسىنىڭ ۇستالعانى تۋرالى اقپارات العان سوڭ, كەيٸن ٶزٸن اقتاپ الۋ ٷشٸن مارودەرلەرمەن كٷرەستٸ جەلەۋ ەتٸپ, سودىرلارعا قالا تۇرعىندارىنا شابۋىل جاساۋ تاپسىرىلعان. سول ٷشٸن 6 قاڭتاردا ولار قالانىڭ ەر جەرٸنەن 24 كەزدەيسوق ادامدى ۇرلاپ كەتكەن, سوسىن «Ritz Carlton» جەنە «قازاقستان» قوناق ٷيلەرٸنٸڭ پاركينگٸندە ولاردى ۇرىپ-سوعىپ, ۇستاپ وتىرعان. كەيٸن ولاردى قالانىڭ شەتٸنە اپارىپ, ۇقك قىزمەتكەرلەرٸنٸڭ قارۋلى كٷزەتٸمەن كونتەينەردە تٷنەتكەن. سوسىن ولاردى ەۋەجايعا جەتكٸزگەن, سول جەردە ٶتەپباەۆ ازاپتاۋدان قايتىس بولعان. وسى فاكتٸلەر بويىنشا تەرگەۋدٸ اياقتادىق. قازٸر قۇجاتتار قارالۋدا», - دەپ تٷسٸندٸردٸ باس پروكۋرور.
