«ديكيي ارمان» 24 ادامدى «Ritz Carlton» مەن «قازاقستان» قوناق ٷيلەرٸنٸڭ پاركينگتەرٸندە ۇستاعان. بۇل تۋرالى قر باس پروكۋراتۋراسى 1-قىزمەت باستىعى Cەرٸك شالاباەۆ ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ بريفينگ بارىسىندا ول قىلمىستىق ورتاداعى تۇلعالاردىڭ قاڭتار وقيعاسىنا بەلسەنە قاتىسقانى بەلگٸلٸ ەكەندٸگٸن ايتتى.
«قىلمىستىق ورتادا كەڭٸنەن تانىمال «ديكيي ارمان» لاقاپ اتتى جۇماكەلديەۆ پەن ونىڭ سىبايلاستارىنىڭ رٶلٸ ەرەكشە. اتاپ ايتقاندا, 6 قاڭتاردا ونىڭ قىلمىستىق توبىنا قاتىسۋشىلاردىڭ بٸرٸمەن الماتى قالاسىنداعى «قازاقستان» قوناقٷيٸنە كەلگەن قىلمىسكەرلەرگە «Glock» جەنە «ماكاروۆ» ماركالى تاپانشالار تاراتىلدى. وسى ۋاقىتتا قارۋلانعان قىلمىسكەرلەر ۇيىمداستىرۋشى مەن ونىڭ قاراماعىنداعى ادامداردان تيٸستٸ نۇسقاۋلار الدى. ولار سەرٸكتەستەرٸن 10 ادامنان تۇراتىن توپتارعا بٶلٸپ, جوسپارلانعان قىلمىستارىنداعى رٶلدەرٸن انىقتادى. ٸشتەرٸنەن «باسشىلارى» تاعايىندالىپ, ولارعا برونەجيلەتتەر, باستارىنا ارنالعان قورعانىس قۇرالدارى, اتىس قارۋى جەنە 200 مىڭ تەڭگە اقشا بەرٸلدٸ», - دەدٸ ول.
1-قىزمەت باستىعىنىڭ اتاپ ٶتۋٸنشە, ونىڭ قاتارداعى سەرٸكتەستەرٸنە سۋىق قارۋلارىمەن, دۋبينكا جەنە دەنەگە زييان كەلتٸرۋگە بولاتىن باسقا زاتتارمەن قارۋلانۋ تاپسىرىلعان. ەرەكشە بەلگٸ رەتٸندە بارلىق قاتىسۋشىلاردىڭ سىرت كيٸمٸنٸڭ جەڭٸنە اق ماتا تاققان.
«اتالعان قارۋلى قىلمىسكەرلەر توپتارى قالانىڭ ەرتٷرلٸ نٷكتەلەرٸنەن 24 ازاماتتى ۇرلاپ, ولاردى ۇرىپ-سوعىپ, «Ritz Carlton» جەنە «قازاقستان» قوناقٷيلەرٸنٸڭ پاركينگتەرٸندە ۇستاعان. كەيٸننەن, جەبٸرلەنۋشٸلەر قالا شەتٸنە جەتكٸزٸلٸپ, قىلمىسكەرلەردٸڭ قارۋلى كٷزەتٸ قويىلا وتىرىپ, مەتالل كونتەينەرگە ورنالاستىرىلدى. دەنە جاراقاتىن كەلتٸرۋ نەتيجەسٸندە جەبٸرلەنۋشٸلەردٸڭ بٸرٸ قايتىس بولدى. كٶرسەتٸلگەن قىلمىستاردى جاساعانى ٷشٸن 40 كٷدٸكتٸ تۇلعا قاماۋعا الىندى. قالعان قىلمىستىق توپ قاتىسۋشىلارىن انىقتاۋ بويىنشا جۇمىستار جالعاسۋدا», - دەدٸ سەرٸك شالاباەۆ.
