ل.ن.گۋميلەۆ اتىنداعى ەۇۋ پرورەكتورى, قر ۇعا اكادەميگٸ ديحان قامزابەكۇل «AMANAT» پارتيياسى كەلەشەگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«پارتييا دا قوعامنىڭ ايناسى,. ول قوعامداعى بيلٸككە جەتكەن توپتىڭ دا, بيلٸككە ۇمتىلۋشى توپتىڭ دا ارمان-مٷددەسٸن كٶرسەتەدٸ. ەرينە, بٸز Nur Otan-دى بيلٸكتٸڭ پارتيياسى دەپ كەلدٸك. پارلامەنتتەگٸ نەگٸزگٸ كٶپشٸلٸكتٸ دە سولار قۇرادى. قازٸر قوعام ٶزگەردٸ. 5 قاڭتاردان كەيٸنگٸ قوعامدى, قالاي دەسەك تە, قانداي ٶلشەممەن قاراساق تا, ٶزگەرگەن قوعام. ونى ۋاقىتتىڭ ٶزٸ ٶزگەرتتٸ, قازاق ەلٸنٸڭ دامۋى وسىعان الىپ كەلدٸ. پارتييانىڭ «AMANAT» دەگەن اتپەن جاڭعىرعانى ەدەبيەتشٸ, ەدەيبەت تاريزىنىڭ مامانى رەتٸندە مەنٸڭ كٶڭٸلٸمنەن شىعىپ وتىر», - دەدٸ عالىم.
اكادەميك جاڭعىرۋدى باستان ٶتكەرٸپ جاتقان بيلٸك پارتيياسى حالىق 30 جىلدان بەرٸ كٷتٸپ كەلە جاتقان يگٸلٸكتەردٸڭ قوعام ٶمٸرٸنە ەنۋٸنە جول اشۋعا تيٸس دەپ ەسەپتەيدٸ.
«بۇرىننان كەلە جاتقان ەلدٸك ارقاۋىمىز بار. سونداعى نەگٸزگٸ بٸر كٸلت سٶزدەردٸڭ بٸرٸ وسى «AMANAT». ەڭ باستى مەسەلە نەدە? حالىقتىڭ اماناتى نەدە ەدٸ? بٷكٸل حالىق تەۋەلسٸزدٸكتٸ ارمانداپ كٷتتٸ. ول ەلگە ەلەۋمەتتٸك يگٸلٸكتەر ەكەلەدٸ, حالىقتىڭ ٶز قولى ٶز اۋزىنا جەتەدٸ دەپ ەسەپتەدٸ. بٸز تٸلدەن, دەستٷردەن, مەدەنيەتتەن كەمباعال بولىپ قالعانبىز. وتارشىلدىق دەۋٸردٸڭ ازابىن كٶپ تارتتىق. سونىڭ ورنىن تٷگەندەيدٸ دەپ كٷتتٸك. «AMANAT» سول ارماندى ورىنداۋى كەرەك», - دەيدٸ قوعام قايراتكەرٸ.
ونىڭ ايتۋىنا قاراعاندا, «AMANAT» ەڭ ەۋەلٸ ەلەۋمەتشٸل پارتيياعا اينالۋى كەرەك.
«مەن بۇل پارتيياعا 2004 جىلدان بەرٸ مٷشەمٸن. جٷرگەن جەرٸمنٸڭ بەرٸندە پارتييامىزدىڭ جاڭارۋى تۋرالى وسى ويدى ايتىپ جٷرمٸن. بۇل ەلەۋمەتشٸل, حالىقتىڭ مٷددەسٸن ورناتاتىن پارتييا بولۋى كەرەك.
ال رۋحاني مەسەلەدە وسىعان دەيٸن نە ورىندالمادى? سونى جەرگە تٷسٸپ, حالىقپەن بٸرگە بولىپ, ارمان-مٷددەسٸن ورىندايتىن پارتييا بولۋى شارت.
بەرٸمٸز ەلدەن شىقتىق. اۋىلداردا بٷكٸل ٸستٸڭ قييۋىن كەلتٸرٸپ, تەتٸگٸن اۋىپ وتىراتىن اقساقالدار بولادى. سول ەل اعالارى قالاي جۇمىس ٸستەيدٸ? وسىنداي ۇلتتىڭ تانىمىندا بار تەتٸكتەردٸ ۇجىم كٶلەمٸندە, مەملەكەت كٶلەمٸندە قاراپ, ٸسكە اسىرۋعا بولادى. ٸس باسىندا جٷرگەن «AMANAT» پارتيياسىنىڭ مٷشەلەرٸ وسىنى قولعا الۋى كەرەك دەپ ويلايمىن. بۇل دا قوعامنىڭ بٸر ٶلشەمٸ, بارومەترٸ. ەرتەڭ حالىق بەرٸلگەن ۋەدەنٸڭ ەسەبٸن سۇرايدى. ونىڭ ٷستٸنە تٷرلٸ سايلاۋلار كەلە جاتىر. اۋىل ەكٸمدەرٸن, اۋدان ەكٸمدەرٸن سايلاۋ جولعا قويىلىپ جاتىر. مۇنىڭ بەرٸندە «AMANAT» باسقا دا پارتييالارمەن تەڭ بەسەكەدە پٸسٸپ, جەتٸلۋٸ كەرەك. بٸزدە جالپى پارتييالارىمىز پٸسٸپ, جەتٸلمەي قالعان. قانشا جەردەن ناسيحاتتاپ, اتىن جارقىراتىپ ٸلٸپ قويعانمەن, پارتييا ادام سەكٸلدٸ ٶزٸ جەتٸلۋٸ كەرەك», - دەدٸ ديحان قامزابەك.
