ەلوردادا Digital Bridge حالىقارالىق تەحنولوگييالىق فورۋمىندا UMAY Angels Club باسشىسى ميرات احمەتسادىقوۆ جاس ستارتاپەرلەردٸ ەلەۋەتتٸ ينۆەستورلارمەن كەزدەسۋلەردٸ بەلسەندٸ تٷردە ٶتكٸزۋگە شاقىردى, دەپ حابارلايدى قازاقپارات.
«بٸر نەمەسە بٸر جارىم جىل ٸشٸندە جوبالاردى جاساپ جاتقاندار بار. فورۋم اياسىندا كەشە وسىنداي مامانداردان قاراجاتتى قانشا ۋاقىت ٸزدەگەنٸن, ينۆەستورلارمەن قانشا كەزدەسۋ ٶتكٸزگەنٸن سۇرادىم. ولاردىڭ بٸرٸ ينۆەستورلارمەن 6-7 كەزدەسۋ ٶتكٸزسە, ەكٸنشٸسٸ 10 كەزدەسۋگە بارعانىن ايتتى. بٸز وسى جىلدا 225 كەزدەسۋ ۇيىمداستىردىق. بۇل تۇرعىدا كەز كەلگەن ستارتاپتان وزىپ شىقتىق», - دەدٸ م. احمەتسادىقوۆ.
ونىڭ پايىمىنشا, يدەياسىن ٸسكە اسىرعىسى كەلەتٸن جاستار بارشىلىق, بٸراق ولار ينۆەستورلارمەن كەزدەسۋدە بەلسەندٸ ەمەس.
«نارىقتا قاراجات جەتكٸلٸكتٸ. دەگەنمەن ولار ينۆەستورلار جوق ەكەنٸن ايتىپ, نەگٸزسٸز سىلتاۋ ايتادى. ستارتاپتا ەشقانداي جۇمىس جٷرمەي جاتىر. جارتى جىلدا 10 كەزدەسۋ دەگەن ٶتە از عوي, قارىم-قاتىناس بەلسەندٸ بولۋ كەرەك», - دەدٸ ميرات احمەتسادىقوۆ.
بۇرىن حابارلانعانداي, ەلوردادا ٷشٸنشٸ رەت Digital Bridge حالىقارالىق تەحنولوگييالىق فورۋمى 28-29 قازان ارالىعىندا ٶتٸپ جاتىر.
بيىلعى فورۋمنىڭ تاقىرىبى - Digital Era Lifestyle. قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين «تسيفرلاندىرۋ, يننوۆاتسييا جەنە عىلىم ارقىلى تەحنولوگييالىق سەرپٸلٸس» ۇلتتىق جوباسىن ۇسىندى.
فورۋمنىڭ ٸسكەرلٸك باعدارلاماسى 20 پانەلدٸك سەسسييادان تۇرادى, وندا 70 -تەن استام سپيكەر - حالىقارالىق جەنە قازاقستاندىق IT -قاۋىمداستىقتاردىڭ ٶكٸلدەرٸ سٶز سٶيلەيدٸ. ەلٸمٸزدە ٷشٸنشٸ رەت ٶتٸپ جاتقان Digital Bridge الاڭىندا ەدەتتەگٸدەي Astana Hub Battle جارىسىندا تەحنولوگييالىق ستارتاپتار باق سىناسىپ, ەڭ مىقتى ٸت-كومپانييالار Astana Hub Awards پرەميياسى اياسىندا ماراپاتتالادى. بيىل پاندەمييا تالاپتارىنا وراي ٸس-شارالار گيبريد فورماتتا ٶتەدٸ – بٸرقاتار رەسمي شارالار وففلاين ٶتسە, فورۋمنىڭ نەگٸزگٸ بٶلٸگٸ ونلاين نۇسقادا كٶرسەتٸلٸپ, كەز-كەلگەن ادام قاتىسا الادى.
