رەسەيلٸك وپپوزيتسييالىق ساياساتكەر الەكسەي ناۆالنىيعا ەسكەري ۋدىڭ "نوۆيچوكتان" دا قاۋٸپتٸرەك جاڭا تٷرٸن بەرگەن. بۇل تۋرالى سەرسەنبٸ كٷنٸ قۇپييا دەرەككٶزگە سٷيەنگەن نەمٸستٸڭ Die Zeit باسىلىمى جازدى. جۋرناليستٸڭ جازۋىنشا, ۋدىڭ جاڭا تٷرٸن ارنايى قىزمەتتٸڭ جاقسى جابدىقتالعان زەرتحاناسىنان باسقا جەردە جاساۋ مٷمكٸن ەمەس. سول سەبەپتٸ ساياساتكەرگە ۋ بەرۋ وپەراتسيياسىن رەسەيلٸك فسب ۇيىمداستىرۋى مٷمكٸن.
نەمٸس بيلٸگٸ ساياساتكەردٸ اڭدىعان ارنايى قىزمەت ٶكٸلٸ قاۋٸپتٸ زاتتى ناۆالنىي شەي ٸشكەن كەسەنٸڭ جيەگٸنە نەمەسە كەسەنٸڭ ٶزٸنە شاشىپ كەتكەن بولۋى مٷمكٸن دەپ بولجاپ وتىر دەيدٸ Die Zeit. باسىلىمنىڭ جازۋىنشا, ۋدىڭ قالدىقتارى ساياساتكەر سۋ ٸشكەن بٶتەلكەنٸڭ اۋزى مەن ساياساتكەردٸڭ قولىنان دا تابىلعان.
نەمٸس باسىلىمىنىڭ جازۋىنشا, ۋدىڭ ەسەر ەتۋ ۋاقىتىن ەسەپتەگەن قىلمىسكەرلەر ناۆالنىي تومسكٸدەن مەسكەۋگە قاراي ۇشقان كەزدە جولدا قايتىس بولادى دەپ شامالاعان بولۋى مٷمكٸن. گازەتتٸڭ جازۋىنشا, ۇشاقتى شۇعىل قوندىرۋ تۋرالى شەشٸم شىعارعان ۇشقىشتىڭ جەدەل ەرەكەتٸ مەن وپپوزيتسيونەرگە بٸردەن اتروپين دەرٸسٸن ەككەن جەدەل جەردەم دەرٸگەرلەرٸنٸڭ ەرەكەتٸنٸڭ ارقاسىندا ساياساتكەر امان قالىپ وتىر.
Die Zeit جازۋىنشا, ناۆالنىيدى ٷنەمٸ اڭدىعاندىقتان ونى ٷشٸنشٸ تاراپ بولماسا شەتەلدٸڭ ارنايى قىزمەتٸ جويعىسى كەلگەن دەگەن بولجامنىڭ مەنٸ جوق. "بۇل شىندىققا جاناساتىن تەك بٸر عانا قورىتىندى جاساۋعا مٷمكٸندٸك بەرەدٸ: كرەمل ٶزٸن سىناعان ساياساتكەردٸ جولدان كەتٸرۋگە بۇيرىق بەرگەن" دەپ جازادى باسىلىم.
رەسەيلٸك وپپوزيتسيونەر, جەمقورلىقپەن كٷرەس قورىنىڭ جەتەكشٸسٸ 44 جاستاعى ناۆالنىي 20 تامىز كٷنٸ تومسكٸدەن مەسكەۋگە باعىت العان ۇشاقتا جاعدايى كٷرت ناشارلاعان. ۇشاق ساياساتكەر دەنساۋلىعىنىڭ ناشارلاۋىنا بايلانىستى ومبى قالاسىنا قونۋعا مەجبٷر بولعان. ساياساتكەر ومبى اۋرۋحاناسىندا ەكٸ كٷن جاتتى. ونداعى دەرٸگەرلەر ناۆالنىيدىڭ زات الماسۋ پروتسەسٸ بۇزىلعان دەپ مەلٸمدەدٸ. ولار "ساياساتكەر ۋلاندى" دەگەن ناۆالنىي جاقتاستارىنىڭ تۇجىرىمىن جوققا شىعارعان. دەگەنمەن "مەدۋزانىڭ" جازۋىنشا, ومبىدا ساياساتكەردٸڭ ۋلانعانى "ايدان انىق بولعاندىقتان" جەدەل جەردەم كٶلٸگٸندە وعان اتروپين سالعان.
22 تامىزدا تۋىستارى مەن جاقتاستارىنىڭ تالابىمەن ساياساتكەر بەرليندەگٸ "شاريتە" كلينيكاسىنا اۋىستىرىلدى. نەمٸس دەرٸگەرلەرٸ زەرتحانادا تەكسەرگەننەن كەيٸن گەرمانييا ٷكٸمەتٸ الەكسەي ناۆالنىي قۇرامى جاعىنان سوۆەت وداعى كەزٸندە شىعارىلعان ەسكەري "نوۆيچوك" ۋىنا ۇقساس زاتپەن ۋلاندى دەپ مەلٸمدەدٸ.
دٷيسەنبٸ كٷنٸ نەمٸس دەرٸگەرلەرٸ ناۆالنىيدىڭ دەنساۋلىعى جاقسارعانىن, كومادان شىققانىن حابارلادى. ولار ۋدىڭ ساياساتكەر اعزاسىندا ۇزاق ساقتالىپ, دەنساۋلىعىنا ەسەر ەتۋٸ مٷمكٸن دەگەن بولجامدى دا جوققا شىعارمايدى.
