شوتلاندييانىڭ گلازگو قالاسىندا دەۆيس كۋبوگى فينالدىق كەزەڭٸنٸڭ توپتىق بەسەكەسٸ اياقتالدى, دەپ حابارلايدى قازاقپارات.
قازاقستان قۇراماسى D توبىنداعى سوڭعى ماتچىن دەۆيس كۋبوگىنىڭ ون دٷركٸن چەمپيونى ۇلىبريتانييامەن ٶتكٸزدٸ.
قازاقستاندىق دميتريي پوپكو «ٷلكەن دۋلىعا» تۋرنيرٸنٸڭ ٷش دٷركٸن چەمپيونى, ەكٸ مەرتە وليمپيادا جەڭٸمپازى ەندي ماررەيگە 4:6, 3:6 ەسەبٸمەن ەسە جٸبەرسە, الەكساندر بۋبليك كەمەرون نورريدٸ ۇتتى – 6:4, 6:3.
جۇپتىق بەسەكەدە الەكساندر نەدوۆەسوۆ پەن الەكساندر بۋبليك ەلەمنٸڭ بٸرٸنشٸ جەنە ٷشٸنشٸ راكەتكالارى دجو سولسبەري مەن نيل سكۋپسكيگە قاتتى قارسىلىق كٶرسەتتٸ. ٷش سەت تە تاي-برەيكپەن اياقتالىپ, سوڭعى سەتتە ۇلىبريتانييالىقتار جەڭٸستٸ جۇلىپ الدى – 6:7, 7:6, 6:7.
جالپى ەسەپ – 1:2, ۇلىبريتانييا پايداسىندا.
توپتىق بەسەكە بارىسىندا بۋبليك پەن نەدوۆەسوۆ ەلەمنٸڭ جۇپتىق سىنداعى كٶشباسشىلارى, نيدەرلاندىلىقتار كولحوف (4 ATP) پەن ميددەلكوپتى, سونداي-اق امەريكالىقتار رام (2 اتر) مەن سوكتى جەڭدٸ.
D توبىنان نيدەرلاند پەن اقش قۇرامالارى شيرەك فينالعا شىقتى. ەندٸ قازاقستاندىق تەننيسشٸلەر الداعى جىلدىڭ اقپانىندا كەلەسٸ كوماندالىق ەلەم چەمپيوناتىنىڭ جولداماسى ٷشٸن تالاسادى. جەرەبە قاراشا ايىنىڭ اياعىندا تارتىلادى.
