Deutsche Bank AG سولتٷستٸك جەنە شىعىس ەۋروپا بويىنشا ايماقتىق كەڭسەسٸنٸڭ باس اتقارۋشى ديرەكتورى يورگ بونگارتتس قازاقستانعا جاسىل وبليگاتسييالار مەن قارجى قۇرالدارىن شىعارۋدى ۇسىندى, دەپ حابارلايدى قازاقپارات.
«سوڭعى جىلدار ٸشٸندە قازاقستان ESG (ەكولوگييالى-ەلەۋمەتتٸك-كورپوراتۆيتٸك دامۋ) قاعيداتتارىنا سەيكەس كەلەتٸن حالىقارالىق رەتتەۋدٸ ەنگٸزۋ ٷشٸن ٶتە جاقسى نەگٸز قۇرا الدى. ەندٸ مەملەكەت پەن قازاقستاندىق كورپوراتسييالار مۇنى حالىقارالىق كاپيتال تارتۋ كەزٸندە بەسەكەلەستٸك باسىمدىق رەتٸندە پايدالانا الادى. بٷگٸنگٸ تاڭدا بٸز قازاقستان ٷكٸمەتٸ مەن كومپانييالارىنا ESG-مەن بايلانىستى جاسىل وبليگاتسييالار مەن قارجى قۇرالدارىن شىعارۋدى جەنە وسى كاپيتالدى شيكٸزاتتىق ەمەس سەكتوردى ىنتالاندىرۋ مەن دامىتۋ ٷشٸن پايدالانۋدى ۇسىنامىز», - دەدٸ يورگ بونگارتتس.
ول, سونداي-اق, قازاقستانعا استانا حالىقارالىق قارجى ورتالىعى ارقىلى جەرگٸلٸكتٸ جوبالارعا ESG تالاپتارىنا جاۋاپ بەرەتٸن ينۆەستيتسييالار تارتۋعا بولاتىنىن اتاپ ٶتتٸ.
«دويچە بانك» ESG پورتفەلٸن 2023 جىلعا دەيٸن 200 ميلليارد ەۋروعا ٶسٸرۋگە مٸندەتتەمە الدى. بٸز ESG ستاندارتتارىنا سەيكەس كەلەتٸن جەنە شيكٸزاتتىق ەمەس ەكونوميكانى قولداۋعا ارنالعان قازاقستاندىق جوبالاردىڭ وسى مٸندەتتەمەلەرگە كٸرۋٸن اسىعا كٷتەمٸز», - دەدٸ Deutsche Bank باسشىسى.
