الماتى قالالىق سوتىنىڭ 50 جىلدىعى مەن «زاڭ» مەديا-كورپوراتسيياسى» جشس-نا قاراستى «زاڭ گازەتٸ» مەن «يۋريديچەسكايا گازەتا» باسىلىمدارىنىڭ 25 جىلدىق مەرەيتويىنا وراي ۇيىمداستىرىلعان دەتەكتيۆتٸك شىعارمالار بايقاۋى قورىتىندىلاندى, – دەپ حابارلايدى «ۇلت اقپارات».
بيىل ەكٸنشٸ رەت ۇيىمداستىرىلىپ وتىرعان بايقاۋعا 60-قا جۋىق شىعارما كەلٸپ تٷسٸپ, ونىڭ ٸشٸندە 10-عا جۋىق اۆتور ٷزدٸك دەپ تانىلعان.
اتاپ ايقتاندا دەتەكتيۆ جانرىنىڭ مايتالمانى, جازۋشى كەمەل توقاەۆ اتىنداعى جٷلدەگە الماتىلىق ايالا زەيٸنقىزى «تەك پەن شەك» اتتى شىعارماسى لايىقتى دەپ تابىلسا, جاراس كەمەلجان «قاندى سٷتتٸڭ دەمٸ» اتتى تىڭ تۋىندىسىمەن بٸرٸنشٸ ورىندى يەلەندٸ.
ال, ەكٸنشٸ ورىندى سانسىزباي مولداجانوۆ «سىرعا» دەگەن شىتىرمان شىعارماسى ٷشٸن الدى. ايدا قوجامامبەتوۆانىڭ «جۇمباق ٶلٸم» دەپ اتالاتىن تۋىندىسى مەن قالمۇرات دەۋلەتباەۆتىڭ «عاجايىپ بەستٸك» اتتى شىتىرمانعا تولى شىعارماسى ٷشٸنشٸ ورىنعا تابان تٸرەدٸ. سونىمەن قاتار, ەلۋ مىڭ تەڭگە ىنتالاندىرۋ سىيلىقتارى رايحان راتوۆا («پيعىلى بۇزىق «پەرٸشتە») مەن قۋانىش نۇردانبەك («جٶرگەم») يەلەندٸ.
الماتى قالالىق سوتىنىڭ قولداۋىمەن بايقاۋدىڭ جٷلدە قورى 3 ملن تەڭگەنٸ قۇرادى.
