پارلامەنت مەجٸلٸسٸنٸڭ جالپى وتىرىسىندا دەپۋتاتتار جاستاردى باسپانامەن قامتاماسىز ەتۋ بويىنشا ٷكٸمەت باسشىسىنىڭ ورىنباسارى ەرالى توعجانوۆتىڭ اتىنا دەپۋتاتتىق ساۋال جولدادى, دەپ حابارلايدى قازاقپارات.
«ەلباسىنىڭ تاپسىرماسىنا سەيكەس ٶتكەن جاستار جىلىندا جۇمىس ٸستەيتٸن جاستارعا 3 مىڭ پەتەر ساتىپ الۋ قۇقىعىنسىز جالعا بەرٸلگەنٸ مەلٸم. نۇر-سۇلتان, الماتى جەنە شىمكەنت قالالارىندا ٸسكە اسىرىلعان وسى باعدارلاما ٸرٸ مەگاپوليستەردە ەڭبەك ەتٸپ جٷرگەن جاس وتباسىلار مەن جالعىزباستى جاستارىمىزدىڭ باسپانا مەسەلەسٸن شەشۋٸنە وڭتايلى مٷمكٸندٸك بەردٸ. سونىمەن قاتار, اتالعان باعدارلامانى الداعى ۋاقىتتا جٷزەگە اسىرۋ كەزٸندە ەسكەرەتٸن كەيبٸر ٶزەكتٸ مەسەلەلەرگە نازار اۋدارعىمىز كەلەدٸ. بٸرٸنشٸدەن, اقپارات جەنە قوعامدىق دامۋ مينيسترلٸگٸنٸڭ 2019 جىلعى 29 تامىزداعى بۇيرىعىمەن بەكٸتٸلگەن «جۇمىس ٸستەپ جٷرگەن جاستارعا ساتىپ الۋ قۇقىعىنسىز جالعا بەرٸلەتٸن تۇرعىنجاي بەرۋ قاعيدالارىنا» سەيكەس, باعدارلاماعا قاتىسۋشىدان كەمٸندە 40 ايلىق ەسەپتٸك كٶرسەتكٸش مٶلشەرٸندە تٶلەم قابٸلەتتٸلٸگٸن راستاۋ تالاپ ەتٸلەدٸ. بۇل تالاپتى ورىنداۋ بيىل قيىنداعانى انىق. ٶيتكەنٸ, ونىڭ سوماسى ٶتكەن جىلى 101 مىڭ تەڭگەنٸ قۇراعان بولسا, ٷستٸمٸزدەگٸ جىلى 111 مىڭ تەڭگەدەن استى», - دەدٸ دەپۋتات كەرٸباي مۇسىرمان.
جىل سايىن ايلىق ەسەپتٸك كٶرسەتكٸشتٸڭ مٶلشەرٸ ارتتىرىلۋىنا بايلانىستى بۇل سوما ودان ەرٸ ٶسە بەرمەك. وسىعان وراي باعدارلاماعا قاتىسقىسى كەلەتٸن جاستاردىڭ تاراپىنان اتالعان قاعيدالارعا ٶزگەرٸس ەنگٸزٸپ, جاس وتباسى مٷشەلەرٸنٸڭ, ياعني ەرلٸ-زايىپتىلاردىڭ ەكەۋٸنٸڭ جيىنتىق تابىسىن ەسەپكە الۋ جٶنٸندە ٶتٸنٸشتەر ايتىلۋدا.
«ەكٸنشٸدەن, باعدارلاما بويىنشا ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ايقىنداعان 100 سۇرانىسقا يە ماماندىعى بار جاستارعا باسىمدىق بەرٸلەدٸ. اتاپ ايتقاندا, سونداي ماماندىقتاردىڭ بٸرٸنە يە جاس جۇمىسكەرگە 10 بالل قوسىلادى. مۇنداي ارتىقشىلىققا بٷگٸنگٸ تاڭدا ٶتە قاجەت IT-ماماندار, ينجەنەرلەر, سەۋلەتشٸلەر, جوبالاۋشىلار جەنە ديزاينەرلەر يە. سونداي-اق ولاردىڭ قاتارىنا بەتونشىلار, سىلاقشىلار, اعاش ۇستالارى, تاس قالاۋشىلار, سانتەحنيكتەر, سلەسارلار, تراكتورشىلار, كومباينشىلار, تٸگٸنشٸلەر, ەلەكترشٸلەر, دەنەكەرلەۋشٸلەر سيياقتى ماماندىقتاردىڭ يەلەرٸ دە قوسىلعان. الايدا, مۇنداي ارتىقشىلىق قازٸر قاي قالا مەن ٶڭٸردە بولسىن جەتٸسپەي وتىرعان جاس دەرٸگەرلەر مەن مەيٸرگەرلەرگە, مۇعالٸمدەر مەن وقىتۋشىلارعا, مەدەنيەت پەن سپورت قىزمەتكەرلەرٸنە, عالىمدار مەن جۋرناليستەرگە بەرٸلمەگەن بولىپ شىقتى», - دەدٸ ك. مۇسىرمان.
وسى ورايدا ول اتالعان باعدارلاما بويىنشا باسىمدىق بەرٸلەتٸن 100 سۇرانىسقا يە ماماندىق تٸزبەسٸن كەڭەيتٸپ, وعان دەنساۋلىق ساقتاۋ, بٸلٸم بەرۋ, مەدەنيەت جەنە سپورت سالالارىنىڭ جاس ماماندارىن, سونداي-اق جاس عالىمدار مەن جۋرناليستەردٸ ەنگٸزۋ مەسەلەسٸن قاراستىرۋ قاجەت ەكەنٸن ايتتى.
«الماتى قالاسى ەكٸمدٸگٸنٸڭ باستاماسىمەن قولعا الىنعان «الماتى جاستارى 3.0» جاڭا تۇرعىن ٷي باعدارلاماسىنا قولداۋ بٸلدٸرٸپ, ونى باسقا قالالار مەن وبلىستاردا تاراتۋ مٷمكٸندٸگٸن قاراستىرعان جٶن», - دەدٸ دەپۋتات.
