بٷگٸن مەجٸلٸستە قوعام قايراتكەرلەرٸ جەر رەسۋرسىن ۇتىمدى پايدالانۋ مەسەلەسٸنە پٸكٸرلەرٸن ورتاعا سالدى. بۇل تۋرالى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ حابارلايدى.
ٶز سٶزٸندە قوعام قايراتكەرٸ مۇحتار تايجان جەر كودەكسٸنە ەنگٸزۋ بۇرىن دا ايتىلعان بٸرقاتار ۇسىنىستاردى تاعى بٸر مەرتە ەسكە سالدى. ناقتىراق ايتساق, اۋىلشارۋاشىلىعى جەرلەرٸن جالعا الۋ ينستيتۋتىن ەنگٸزۋ, بٸرىڭعاي اگرارلىق سالىق, سونداي-اق, جەرگە عارىشتىق مونيتورينگ جاساۋدى زاڭداستىرۋ تۋرالى اتاپ ٶتتٸ.
سونىمەن بٸرگە, جەر قاتىناستارى سالاسىن تەحنولوگييالىق جاڭعىرتۋ جەنە تسيفرلاندىرۋ, اۋىلشارۋاشىلىعى جەرلەرٸن جالعا الۋ ينستيتۋتىن جەتٸلدٸرۋ جەنە رەتتەۋ مەسەلەلەرٸ تالقىلاندى.
مەجٸلٸس دەپۋتاتتارى مەن اۋىل شارۋاشىلىعى مينيسترلٸگٸ ٶكٸلدەرٸ تٷسكەن ۇسىنىستاردىڭ بارلىعى نازارعا الىناتىنىن ايتتى.
«تالقىلاۋ بارىسىندا قوعامدىق بەلسەندٸلەر تاراپىنان اۋىلشارۋاشىلىعى جەرلەرٸنە قاتىستى ناقتى 4 ۇسىنىس تٷستٸ. مەجٸلٸس جۇمىسى ەرقاشاندا اشىق. دەپۋتاتتار ۇسىنىستاردىڭ بارلىعىن تالقىلايدى. سوندىقتان, بٷگٸنگٸ دٶڭگەلەك ٷستەل بارىسىندا تٷسكەن پٸكٸرلەر دە ساراپقا سالىنادى. وسى رەتتە, بٸر مەسەلەگە نازار اۋدارعىم كەلەدٸ. جەر كودەكسٸندە جەردٸ جەكە مەنشٸككە ٶتكٸزۋگە تىيىم سالۋدى الىپ تاستاۋعا نەمەسە شەتەلدٸكتەرگە, ازاماتتىعى جوق تۇلعالارعا, شەتەلدٸكتەر قاتىسقان كومپانييالارعا جالعا بەرۋگە قاتىستى ٶزگەرٸستەر جوق», - دەدٸ, مەجٸلٸستٸڭ اگرارلىق مەسەلەلەر كوميتەتٸنٸڭ تٶراعاسى ساپارحان وماروۆ.
«جەر, ەسٸرەسە, اۋىلشارۋاشىلىعىندا ٸرٸ كاپيتال, رەسۋرس. ونسىز ەشتەڭە ٶندٸرۋ مٷمكٸن ەمەس. ەگەر جەر تيٸمسٸز پايدالانىلسا, ونى شەشۋدٸڭ تەتٸكتەرٸن قاراستىرۋىمىز كەرەك. قوعامدىق قايراتكەرلەر ۇسىنىستارىن ايتتى. ۇسىنىستار جوعارى كەسٸبي دەڭگەيدە دايىندالعان. ونىڭ بارلىعىن تيياناقتى سارالاپ, تالداپ, ودان كەيٸن ٷكٸمەتتە زەردەلەپ, مەجٸلٸستە قارالاتىن اٶك تۋرالى زاڭ جوباسى اياسىندا تالقىلاۋ قاجەت», - دەدٸ پرەمەر-مينيستردٸڭ ورىنباسارى, اۋىل شارۋاشىلىعى مينيسترٸ ٶمٸرزاق شٶكەەۆ.
