قازاقستان حالىق پارتيياسىنىڭ مەجٸلٸستەگٸ فراكتسيياسى رەسپۋبليكالىق ماڭىزى بار ٷش قالانىڭ مەكتەپتەرٸن كارانتينگە جابۋعا قارسىلىق بٸلدٸردٸ, دەپ حابارلايدى Sputnik قازاقستان.
فراكتسييا ٶكٸلدەرٸ پرەمەر-مينيستردٸڭ اتىنا دەپۋتاتتىق ساۋال جولداپ, دەنساۋلىق ساقتاۋ مينيسترلٸگٸنٸڭ شەشٸمٸنە تٷسٸنٸكتەمە بەرۋدٸ تالاپ ەتتٸ.
"مەكتەپتەردٸڭ ٷزدٸكسٸز جۇمىسى بالالاردىڭ بٸلٸمٸ, ەلەۋمەتتٸك ٶمٸرٸ مەن پسيحولوگييالىق دەنساۋلىعى ٷشٸن اسا قاجەت. مەكتەپتەر ەڭ سوڭعى كەزەكتە جابىلىپ, ەڭ بٸرٸنشٸ بولىپ اشىلۋى شارت. بۇل بٸلٸم جەنە عىلىم مينيسترلٸگٸنٸڭ مەلٸمدەمەسٸ ەمەس. ول – دٷنيەجٷزٸلٸك دەنساۋلىق ساقتاۋ ۇيىمىنىڭ 2022 جىلى 11 قاڭتاردا جاساعان مەلٸمدەمەسٸ. ال بٸلٸم جەنە عىلىم مينيسترلٸگٸ دەنساۋلىق ساقتاۋ مينيسترلٸگٸنٸڭ جەكە پٸكٸرٸن قولداپ, ٷكٸمەتتٸڭ نۇسقاۋىمەن ٷش ٸرٸ قالامىز – الماتى, نۇر-سۇلتان مەن شىمكەنتتەگٸ بارلىق مەكتەپتٸ جاۋىپ تاستاعان. كەزەكشٸلٸك توپتاردى دا قالدىرمادى!", - دەدٸ دەپۋتات يرينا سميرنوۆا مەجٸلٸستٸڭ جالپى وتىرىسىندا.
ال باسقا ايماقتاردا مەكتەپتەرگە جۇمىس ٸستەۋگە رۇقسات بەرٸلدٸ. بٸرقاتار شەكتەۋلەرمەن بالاباقشالار مەن قوسىمشا بٸلٸم بەرۋ ورتالىقتارى دا اشىلدى.
"پويىزدار مەن ۇشاقتار ادامعا لىق تولى. سوندا مەكتەپتەر عانا ينفەكتسييانى تاراتاتىن قاۋٸپتٸ ورىندارى بولىپ وتىر. بۇعان دەيٸن ەپيدەمييا جاعدايىندا مەكتەپتەردٸڭ جۇمىس جاساۋ الگوريتمٸ سەتتٸ سىناقتان ٶتتٸ عوي. ول قايدا كەتتٸ? ەرٸكتٸ تەست تاپسىرۋ جەنە وڭ نەتيجە شىققان جاعدايدا تيٸستٸ شارالار (مەكتەپتٸ ونلاين فورماتقا اۋىستىرۋ) اتقارىلاتىن ەدٸ", - دەپ اتاپ كٶرسەتتٸ سميرنوۆا.
وسى ورايدا دەپۋتات ماڭىزدى بٸر مەسەلەگە نازار اۋداردى. بٷگٸندە اتا-انالار 1-6 سىنىپ وقۋشىلارىن ٷيدە جالعىز قالدىرىپ كەتە المايدى. ال پوليتسەيلەر, دەرٸگەرلەر, ٶرت سٶندٸرۋشٸلەر, كٶلٸك جٷرگٸزۋشٸلەرٸ, ساتۋشىلار جەنە تاعى باسقا مامان يەلەرٸ جۇمىسقا شىعۋعا تيٸس.
قازاقستان حالىق پارتيياسىنىڭ مەجٸلٸستەگٸ فراكتسيياسى ٷش قالاداعى مەكتەپتەردٸڭ بەرٸن جابۋدىڭ ناقتى سەبەبٸن جەنە وسى شەشٸم قانداي كٶرسەتكٸشتەرگە نەگٸزدەلگەنٸن تٷسٸندٸرٸپ بەرۋدٸ تالاپ ەتتٸ. دەپۋتاتتىق ساۋالعا ي.سميرنوۆا, ج. احمەتبەكوۆ, ف. قامەنوۆ, گ. قۇلاحمەتوۆ, ا. ميليۋتين, ا. پاياەۆ, س. رەشەتنيكوۆ, ا.سقاكوۆا, ە. سمايىلوۆ پەن ا. قوڭىروۆ قول قويدى.
