پارلامەنت مەجٸلٸسٸنٸڭ جالپى وتىرىسىندا دەپۋتاتتار اۋىل مەكتەپتەرٸندەگٸ ينتەرنەت جىلدامدىعى مەسەلەسٸن كٶتەرٸپ, بٸلٸم جەنە عىلىم مينيسترٸ اسحات ايماعامبەتوۆتىڭ اتىنا ساۋال جولدادى, دەپ حابارلايدى قازاقپارات.
«ەلدە ورىن العان جاعدايعا بايلانىستى, ديستانتسيوندى بٸلٸم مەسەلەسٸ تاعى دا ٶزەكتٸ. دەپۋتاتتىق ساۋال «بٸرىڭعاي بٸلٸم بەرۋدٸڭ ونلاين پلاتفورماسىنىڭ» جۇمىسىنا ارنالادى. بۇل «Nur Otan» پارتيياسىنىڭ سايلاۋالدى باعدارلاماسىنىڭ جول كارتاسىندا قاراستىرىلعان. بٸلٸم جەنە عىلىم مينيسترلٸگٸنٸڭ اقپاراتىنا سەيكەس, بٸرىڭعاي بٸلٸم بەرۋ پلاتفورماسىن ەنگٸزۋ ٷشٸن 5 نەگٸزگٸ بٸلٸم بەرۋ اقپاراتتىق جٷيەسٸ انىقتالعان («كٷندەلٸك» ااج, «OnlineMektep» اج, «Mektep.edu» اج, «Bilimal» اج, «Daryn Online» اج). بٸرىڭعاي بٸلٸم بەرۋ ونلاين-پلاتفورماسى 8 مىڭعا جۋىق مەكتەپتە, 3 ملن-نان استام وقۋشىعا جەنە 300 مىڭ مۇعالٸمگە بٸر ۋاقىتتا وقۋ پروتسەسٸنٸڭ قالتقىسىز جۇمىسىن قامتاماسىز ەتۋٸ قاجەت. الايدا, ساپالى ينتەرنەتٸ جوق اۋىل مەكتەپتەرٸ ٷشٸن بۇل پلاتفورما قول جەتٸمسٸز», - دەدٸ دەپۋتات جۇلدىز سٷلەيمەنوۆا.
ونىڭ ايتۋىنشا, بٷگٸنگٸ تاڭدا 7550 مەكتەپتٸڭ 58-ٸندە مٷلدە ينتەرنەت قوسىلماعان.192 مەكتەپتە ينتەرنەت جىلدامدىعىنىڭ تٶمەندٸگٸ سونشا, قاراپايىم سايتتى ٸسكە قوسىپ, ينتەراكتيۆتٸ سەرۆيستٸ جٷكتەۋ مٷمكٸن ەمەس.
«بۇدان بٶلەك, اتاپ ٶتەتٸن باستى مەسەلە, اۋىل جەنە قالا مەكتەپتەرٸندەگٸ ينتەرنەت ساپاسىنا بايلانىستى باستاپقى جوسپارلاۋ كەزەڭٸندەگٸ مينيسترلٸكتٸڭ نورماتيۆتٸ قۇجاتتارىندا ەرتٷرلٸ پارامەترلەر بەلگٸلەنگەن. نازار اۋدارعىمىز كەلەتٸندٸگٸ, اۋىل مەكتەپتەرٸ ٷشٸن ينتەرنەت جىلدامدىعى قالا مەكتەپتەرٸنە قارعاندا بٸرنەشە ەسە تٶمەن», - دەدٸ دەپۋتات.
وسى رەتتە, كەلەسٸ ۇسىنىستار ەنگٸزٸلدٸ:
1) بٸرىڭعاي بٸلٸم بەرۋ ونلاين-پلاتفورماسىنا ساپالى بٸلٸم بەرۋ كونتەنتٸن ينتەگراتسييالاۋدى جەنە ەدٸسنامالىق سٷيەمەلدەۋ جۇمىستارى جالعاستىرىلسىن;
2) اۋىل مەكتەپتەرٸ جەنە شاعىن جيناقتى مەكتەپتەر ٷشٸن ينتەرنەت ساپاسىنا قويىلاتىن تالاپتار قايتا قاراستىرىلسىن;
3) تسيفرلىق دامۋ مينيسترلٸگٸ جەنە بايلانىس وپەراتورلارىمەن بٸرلەسٸپ, جاڭا باعدارلامالىق ٶنٸمدەردٸڭ تالاپتارىن ەسكەرە وتىرىپ, بايلانىس ارنالارى مەن قولدا بار جابدىقتاردىڭ مٷمكٸندٸكتەرٸن باعالاۋ قايتا قاراستىرىلسىن.
4) پەداگوگتار مەن وقۋشىلاردىڭ بٸلٸم بەرۋ ورتاسىندا تسيفرلىق تەڭسٸزدٸكتٸ تٶمەندەتۋگە بايلانىستى ۆەدومستۆوارالىق كەشەندٸ ٸس-جوسپار ەزٸرلەنسٸن.
