بٷگٸن قر پارلامەنتٸ مەجٸلٸسٸنٸڭ جالپى وتىرىسىندا دەپۋتاتتار «قازاقفيلم» كينوستۋديياسىن جەكەشەلەندٸرۋگە قارسى شىقتى, دەپ حابارلايدى "ۇلت اقپارات" Baq.kz اگەنتتٸگٸنە سٸلتەمە جاساپ.
وتىرىستا دەپۋتاتتار قر پرەمەر-مينيسترٸ باقىتجان ساعىنتاەۆقا ساۋال جولدادى. دەپۋتات قۋانىش سۇلتانوۆ مەجٸلٸسمەندەر مامراەۆ, قاراعۇسوۆا, ارونوۆا, ەرمان, ٶتەمٸسوۆ اتىنان اتالعان ساۋالدى وقىپ بەردٸ.
«الماتىنىڭ ەڭ كٶرٸكتٸ جەرلەرٸنٸڭ بٸرٸندە ورنالاسقان قازاق كينو ٶنەرٸنٸڭ قالاۋشىلارىنىڭ بٸرٸ - شەكەن ايمانوۆ اتىنداعى «قازاقفيلم» كينوستۋديياسىنىڭ كەشەنٸ جەكەشەلەندٸرٸلەتٸن نىسانداردىڭ تٸزٸمٸنە ەنگٸزٸلدٸ. كەزٸندە كٶپتەگەن كٸتاپحانا مەن مەدەنيەت ٷيٸ, كٸتاپ دٷكەنٸ جەنە تاعى باسقا ەلەۋمەتتٸك نىسان باستاپقى ماقساتتارىنان ٶزگەرتٸلٸپ, وراسان ەلەۋمەتتٸك زارداپ شەگٸپ, ەكونوميكا تٷزەلگەننەن كەيٸن سول تەگٸن كەتكەن ەلەۋمەتتٸك نىسانداردى مەملەكەتتٸڭ قىرعىن قارجىسىنا قايتا ساتىپ العان ەدٸك. وسى جاعدايدى ەستەن شىعارماعانىمىز ابزال بولار ەدٸ», - دەدٸ قۋانىش سۇلتانوۆ.
وسى ورايدا ول اتالعان كينوستۋدييانىڭ ماڭىزدىلىعىنا توقتالىپ, اتالعان نىساندى نەلٸكتەن جەكەشەلەندٸرۋگە بولمايتىنىن تٷسٸندٸردٸ.
«قازاقفيلم» كەشەنٸ بٸزدٸڭ ۇلتىمىزدىڭ, رۋحانيياتىمىزدىڭ دارىندى ٶنەر شەبەرلەرٸنٸڭ تاريحىمىزعا التىن ەرٸپپەن جازىلعان ۇلى ەسٸمدەرٸمەن بايلانىستى. «قازاقفيلم» كەشەنٸنٸڭ ٶزٸ - قاسيەتتٸ شاڭىراق. ونىڭ كينوستۋديياسىن ساتىپ الاتىن ادام كينوٶندٸرٸسپەن شۇعىلدانبايتىنى بەسەنەدەن بەلگٸلٸ. ٶيتكەنٸ, ول تاياۋ ارادا كوممەرتسييالىق پايدا بەرە المايدى. ەيگٸلٸ «گولليۆۋدتىڭ», تٸپتٸ بٸزگە جاقىن «موسفيلمنٸڭ» دەرەجەسٸنە جەتۋگە جىلدار مەن قىرۋار قارجى كەرەك. سٸرە, ونىڭ تۇرعان جەرٸ مەن عيماراتتارى قىزىقتىرىپ تۇرسا كەرەك. ال شەتەلدٸكتەردٸڭ قولىنا تيسە وندا سٶز جوق, بٸز ۇلتتىق كينودان, وسى سالادا ەلباسى ماقالاسىندا ايتىلعان ۇلتتىق كود, تەگٸمٸزدٸ ناسيحاتتاۋ مٷمكٸندٸگٸنەن ايىرىلامىز», - دەيدٸ ول.
سونىمەن قاتار دەپۋتات اتالعان كينوستۋدييانى ساتىپ العان ازامات ٶز يدەولوگيياسىن جٷرگٸزەتٸنٸن دە مەلٸم ەتتٸ.
«ستۋدييانى ساتىپ العان قوجايىن ٶزٸنٸڭ يدەولوگيياسىن جٷرگٸزەدٸ. ول بٸزدٸڭ جاس ٶركەن تالانتتارىمىزدى ٶز مٷددەسٸنە وراي پايدالانۋى مٷمكٸن. وسى جاعدايدى ەسكەرە وتىرىپ, «قازاقفيلم» كينوستۋديياسىن جەكەشەلەندٸرۋ تٸزٸمٸنەن شىعارۋ مٷمكٸندٸگٸن قاراستىرۋدى ٶتٸنەمٸز. زاڭ بويىنشا جاۋاپ كٷتەمٸز», - دەدٸ قۋانىش سۇلتانوۆ.
