پارلامەنت مەجٸلٸسٸنٸڭ جالپى وتىرىسىندا بٸر توپ دەپۋتات قانداستاردىڭ قۇجاتتارىن رەتكە كەلتٸرۋ مەسەلەسٸن كٶتەردٸ, دەپ حابارلايدى "ۇلت اقپارات".
«بيىل ەگەمەندٸگٸمٸزگە 30 جىل تولعالى وتىر. وسى جىلدارى 1 ملن 70 مىڭ 300 ەتنيكالىق قازاق اتاجۇرتىنا ورالدى. ونىڭ سىرتىندا بٷكٸل دٷنيەجٷزٸلٸك قاۋىمداستىعى قۇرىلدى. پرەزيدەنت قاسىم-جومارت توقاەۆتىڭ قولداۋىمەن شەتەلدەن اتامەكەنگە قايتقان ازاماتتاردىڭ مەرتەبەسٸ ارتىپ, قانى بٸر باۋىرلارىمىزدى «قانداستار» دەيتٸن بولدىق. وسى كٷنٸ ول قانداستارىمىز ەكونوميكانىڭ ەر سالاسىندا جەمٸستٸ قىزمەت ەتٸپ جاتقانى دا راس», - دەدٸ دەپۋتات عازيز قۇلاحمەتوۆ ٷكٸمەت باسشىسى اسقار ماميننٸڭ اتىنا جولداعان ساۋالىندا.
وسى ورايدا ول تاعدىردىڭ تەلكەگٸمەن نەبٸر شىتىرمان وقيعالارعا تاپ بولىپ جاتقان قانداستارىمىزدىڭ ەلٸ دە كٶپ ەكەنٸن ايتتى.
«جەكە قۇجاتتارىندا ۇلتى جازىلماعان قانداستارىمىزدىڭ الدى 9 جىل, سوڭى 2 جىل ارالىعىندا ازاماتتىق الا الماۋىنىڭ ناقتى سەبەبٸن تٷسٸندٸرۋگە نە كەدەرگٸ. ولاردىڭ بەرٸ بالالارىن مەكتەپكە بەرۋگە, دەرٸگەرلەرگە قاراتىپ, بالا-باقشاعا تٸركەلۋ كەزٸندە كٶپ قيىندىقتاردىڭ بارىن اشىنىپ ايتىپ وتىر. ەلگە ورالعىسى كەلەتٸن جەنە ورالعان ازاماتتار وتباسىلارىنان اجىراپ, ەكٸ-ٷش مەملەكەت تەرريتوريياسىندا ٶمٸر سٷرۋگە مەجبٷر ەكەنٸ دە اششى شىندىق. مۇنداي وتباسىلار رەسپۋبليكانىڭ ەر ايماعىندا بار دەسەك, قاتەلەسپەسپٸز. ال, ولاردىڭ قازاقستاندا دٷنيەگە كەلٸپ, بالالارىنىڭ قۇجاتتارىن رەسٸمدەمەگەنٸن ەسكەرەتٸن بولساق, تٸركەۋدە جوق بٷلدٸرشٸندەردٸڭ ناقتى ەسەبٸن كٸم ايتىپ بەرە الادى?», - دەدٸ عازيز قۇلاحمەتوۆ.
«وسى جاعدايدى ەسكەرە وتىرىپ, قر ٸشكٸ ٸستەر, سىرتقى ٸستەر, ەڭبەك جەنە حالىقتى ەلەۋمەتتٸك قورعاۋ مينيسترلٸكتەرٸ بٸرلەسە وتىرىپ, ۆەدومستۆوارالىق كوميسسييادا تۋۋ تۋرالى كۋەلٸگٸ جوق, رەسمي تٸركەۋدە جوق ازاماتتاردىڭ ناقتى سانىن انىقتاپ, ساۋالدا كٶرسەتٸلگەن ازاماتتاردىڭ قۇجاتتاندىرۋ مەسەلەسٸن قاراستىرۋدى جەنە رەسمي تيٸستٸ بارلىق شارالار قولدانىپ, قانداستارىمىزدىڭ ٶزگە دە پروبلەمالارىنا تەرەڭ بويلاپ, جان-جاقتى جاعداي جاساۋىڭىزدى سۇرايمىز!», - دەدٸ ول.
