كٸتاپ شىعاراتىن, فيلم تٷسٸرەتٸن كومپانييالارعا ارنايى ەكونوميكالىق ايماق رەجيمٸندە جۇمىس ٸستەۋگە مٷمكٸندٸك بەرۋ قاجەت. مۇنداي ۇسىنىستى بٷگٸن سەناتتىڭ جالپى وتىرىسىنان كەيٸن قر پرەمەر-مينيسترٸ باقىتجان ساعىنتاەۆتىڭ اتىنا دەپۋتاتتىق ساۋال جولداعان سەناتور بٸرعانىم ەيتٸموۆا جاسادى, دەپ حابارلايدى قازاقپارات تٸلشٸسٸ.
«باسپا ٸسٸ رۋحاني قۇندىلىقتاردى جارىققا شىعارۋ ارقىلى ماتەريالدىق يگٸلٸكتەرگە يە بولۋدىڭ بٸر جولى بولىپ تابىلادى. قازاقستانداعى كٸتاپ ٶندٸرٸسٸ مەن باسپا ٸسٸ ەلٸمٸز تەۋەلسٸزدٸك العاننان كەيٸنگٸ جىلداردا تٷبەگەيلٸ ٶزگەرٸستەرگە تٷسكەنٸ بەرٸمٸزگە بەلگٸلٸ. بۇرىنعى بٸر ورتالىققا باعىنعان مەملەكەتتٸك باسپالار مەن پوليگرافييالىق كەسٸپورىندار جەكەشەلەندٸرٸلدٸ, بەسەكەلەستٸك ورتاعا بەرٸلدٸ. سٶيتٸپ, نارىقتىق ەكونوميكاعا بەت بۇرعان تۇستا كٸتاپ پەن باسپا سالاسى قيىن جاعدايلارعا تاپ كەلدٸ. كٸتاپ شىعارۋ كٷرت كەمٸدٸ», - دەدٸ بٸرعانىم ەيتٸموۆا سەناتور داريعا نازارباەۆامەن بٸرگە ەزٸرلەگەن دەپۋتاتتىق ساۋالىن جولداي كەلە.
ونىڭ سٶزٸنە قاراعاندا, باسپالار كٸتاپ نارىعىن جاڭا زامانعا بەيٸمدەۋدٸ ەندٸ قولعا الىپ جاتىر. قازٸرگٸ كەزدە باسپالار مەتٸن تەرۋدەن باستاپ, رەداكتسييالاۋ, تٷزەۋ سيياقتى قىزمەتتەرمەن قاتار, تٷپتەۋ, باسىپ شىعارۋ, سوڭىندا ساتۋ, تاراتۋ ٸستەرٸن دە بٸر ٶزدەرٸ اتقارادى. زاماناۋي تەحنولوگييالارمەن جابدىقتالعان باسپاحانالارى بار. ەرٸ جەكە سايتتارى جەنە سول ارقىلى ونلاين تاپسىرىس جاساۋ مٷمكٸندٸكتەرٸ قاراستىرىلعان.
«كٸتاپ شىعارۋ مەن تاراتۋدى نارىق قاتىناستارىنا بەيٸمدەپ جاڭا دەڭگەيگە كٶتەرۋ - ەڭ الدىمەن, وسى جۇمىسپەن تٸكەلەي اينالىساتىن باسپاگەرلەردٸڭ مٸندەتٸ ەكەندٸگٸ بٸز ايتپاساق تا تٷسٸنٸكتٸ. سوعان وراي, باسپاگەرلەر قاۋىمى دا ٶز جۇمىستارىن قازٸرگٸدەن نىعايتىپ, جاڭا دەڭگەيگە كٶتەرۋٸ قاجەت. بولاشاقتا نارىق زاڭىنىڭ تالاپتارى بارىنشا قاتايادى», - دەدٸ ول.
سونىمەن قاتار دەپۋتات كينو تٷسٸرۋ سالاسىنا جۇمسالاتىن ينۆەستيتسييالار كٶلەمٸ دە جىل سايىن ارتىپ كەلە جاتقانىنا نازار اۋدارتادى.
«ۇلتتىق كينەماتوگراف ەۋروپا, ازييا جەنە امەريكاداعى ٶنەر ورتالىقتارىنان سەرٸكتەستەردٸ كٶپتەپ تابا باستادى. ەۋروپا مەن ازييا اراسىندا جاتقان قازاقستاننىڭ گەوگرافييالىق جاعدايى كينوفيلم تٷسٸرۋدە حالىقارالىق ىنتىماقتاستىقتى جەمٸستٸ تٷردە جولعا قويۋعا كەڭ مٷمكٸندٸك بەرەدٸ. مامانداردىڭ ايتۋىنشا, سوڭعى ٷردٸس بولاشاقتا ەلدەگٸ كينو ٶنەركەسٸبٸنٸڭ كٶپتەگەن تابىستارعا جەتۋٸنە جول اشادى», - دەدٸ سەناتور.
ونىڭ دەرەگٸنشە, ەلدەگٸ كينو نارىعىنىڭ اۋقىمى تار بولىپ جەنە جەرگٸلٸكتٸ كينوستۋدييالار تٷسٸرگەن فيلمدەردٸ جۇرتقا كٶرسەتۋدەن تٷسەتٸن پايدا جالپى كاسسالىق تٷسٸمنٸڭ ون پايىزىنا دا جەتپەيدٸ. ال رەسەيلٸك ديستريبيۋتورلار قازاقستانعا ەكسپورتتاپ وتىرعان گولليۆۋد ستۋدييالارىنىڭ فيلمدەرٸنەن تٷسەتٸن پايدا كاسسالىق تٷسٸمنٸڭ شامامەن جەتپٸس پايىزىن قۇرايدى.
«وسى بٸر احۋال قازاقستان كينو ٶنەركەسٸبٸ سالاسىنداعى كەسٸپكەرلەردٸڭ فيلم تٷسٸرۋدە حالىقارالىق ىنتىماقتاستىقتى دامىتۋعا ۇمتىلۋىنا تٷرتكٸ بولىپ وتىر. سەبەبٸ قويىلىمدى ەل اۋماعىندا كٶرسەتۋ ارقىلى كينوفيلم تٷسٸرۋگە كەتكەن قارجىنى كەرٸ قايتارۋعا بولادى», - دەپ ەسەپتەيدٸ ب.ەيتٸموۆا.
وسىعان بايلانىستى, ول مەملەكەت تاراپىنان كٸتاپ شىعارۋمەن جەنە كينوٶندٸرٸسٸ قىزمەتتەرٸنە قاتىسى بار سالالاردى دامىتۋ مەسەلەلەرٸنە ەرەكشە نازار اۋدارۋ قاجەتتٸگٸن اتاپ ٶتتٸ. ٶيتكەنٸ قازٸرگٸ ۋاقىتتا بۇل سالالار ٶزٸنٸڭ دامۋىن قاجەت ەتۋدە, ٷلكەن قارجىلىق جەنە شىعارماشىلىق رەسۋرستاردى تالاپ ەتەدٸ. وسى سالالاردى دامىتۋ ارقىلى, وتاندىق كٸتاپ جەنە كينو ٶنٸممەن تولتىرۋ مٷمكٸن بولادى.
«قازٸرگٸ ۋاقىتتا ەلٸمٸزدە قىزمەتتٸڭ باسىم تٷرلەرٸن جٷزەگە اسىرۋ ٷشٸن 11 ارنايى ەكونوميكالىق ايماقتار جۇمىس ٸستەيدٸ. ايماقتاردا ارنايى قۇقىقتىق رەجيم قولدانىلادى, شەكارالارى ناقتى بەلگٸلەنگەن, كومپانييالارعا مەملەكەت تاراپىنان قۇرىلىمدالعان ىنتالاندىرۋ پاكەتٸن ۇسىنادى. ايماقتار قازٸرگٸ زامانعى ٶنٸمدٸلٸگٸ جوعارى, بەسەكەگە قابٸلەتتٸ ٶندٸرٸستەردٸ جەدەل دامىتۋ, ەكونوميكا سالالارىنا جەنە ٶڭٸرلەرگە ينۆەستيتسييالار, جاڭا تەحنولوگييالار تارتۋ, سونداي-اق حالىقتى جۇمىسپەن قامتۋدى ارتتىرۋ ماقساتىندا قۇرىلعان. ايماق قاتىسۋشىلارى ٷشٸن سالىق كودەكسٸندە جەنە «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» زاڭىندا كورپوراتيۆتٸك تابىس سالىعىنا, جەر سالىعىنا, مٷلٸك سالىعىنان بوساتۋ, قوسىلعان قۇن سالىعىنا جەڭٸلدٸكتەر كٶزدەلگەن. قۇرمەتتٸ باقىتجان ەبدٸرۇلى, جوعارىدا ايتىلعانداردى ەسكەرە وتىرىپ, سٸزدەن كٸتاپ ٶندٸرٸسٸ مەن باسپا ٸسٸ, كينوٶندٸرٸس سالالارى بويىنشا وتاندىق كومپانييالاردىڭ ايماق رەجيمٸندە جۇمىس ٸستەۋ مٷمكٸندٸگٸن قاراستىرۋدى جەنە وسى مەسەلەنٸ نورماتيۆتٸك قۇقىقتىق رەتتەۋ جٶنٸندە تيٸستٸ شارالار قابىلداۋدى سۇرايمىز», - دەدٸ سەناتور.
