بٷگٸن مەجٸلٸستٸڭ جالپى وتىرىسىندا دەپۋتات ەرلان سمايلوۆ جەردەماقى مەن زەينەتاقى كٶلەمٸن ارتتىرۋ مەسەلەسٸن كٶتەردٸ, دەپ حابارلايدى قازاقپارات.
«ازىق-تٷلٸك ٶنٸمٸ, كوممۋنالدىق قىزمەت تاريفٸ باعاسىنىڭ تۇراقتى ٶسۋٸ مەن جالپى ٶمٸر سٷرۋ قۇنىنىڭ قىمباتتاۋى جاعدايىندا مٷگەدەكتٸگٸ بار ادامدارعا, بالا تۋۋىنا بايلانىستى دەمالىستا وتىرعان انالارعا, كٶپبالالى وتباسىلارعا, زەينەتكەرلەرگە جەنە حالىقتىڭ باسقا دا توبىنان شىققان ميلليونداعان قازاقستاندىقتارعا مەملەكەتتٸك جەردەماقى مەن زەينەتاقى كٶلەمٸنٸڭ ارتۋى اسا ماڭىزدى مەسەلە.
پرەزيدەنت قاسىم-جومارت كەمەلۇلى توقاەۆتىڭ شەشٸمٸ بويىنشا 2022 جىلعى 1 قاڭتاردان باستاپ ەڭ تٶمەنگٸ جالاقى قازٸرگٸ 42 500 تەڭگەدەن 60 مىڭ تەڭگەگە نەمەسە 41%-عا ٶسەدٸ. الايدا ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مٷگەدەكتٸگٸ بار ادامداردىڭ, بٸر جاسقا دەيٸنگٸ بالا كٷتٸمٸنە بايلانىستى ٷيٸندە وتىرعان انالاردىڭ, كٶپبالالى وتباسىلاردىڭ جەردەماقىسىن, سونىمەن قاتار ەڭ تٶمەنگٸ زەينەتاقىنى ۇلعايتۋ مەسەلەسٸن قاراستىرىپ جاتقان جوق», - دەدٸ ە. سمايلوۆ پرەمەر-مينيستردٸڭ ورىنباسارى ەرالى توعجانوۆتىڭ اتىنا جولداعان ساۋالىندا.
ونىڭ ايتۋىنشا, 2022-2024 جىلدارعا ارنالعان بيۋدجەت جوباسىندا مينيسترلٸك ەلەۋمەتتٸك جەردەماقىنىڭ بارلىق تٷرٸن 2022 جىلعى 1 قاڭتاردان باستاپ 5%-عا ارتتىرۋدى جوسپارلاپ وتىر. بٸراق بۇل كٶلەم ينفلياتسييانىڭ ستاتيستيكالىق ٶسٸمٸ تٷگٸلٸ, ازىق-تٷلٸك پەن كيٸمنٸڭ, تٷرلٸ قىزمەتتەر مەن تاريف باعاسىنىڭ شىعىنىن جاپپايدى.
«جەردەماقى مەن زەينەتاقىنىڭ مٶلشەرٸ ەل ازاماتتارىنىڭ ناقتى قاجەتتٸلٸگٸنە ساي كەلمەيتٸنٸن جەنە ولاردىڭ ساپالى ٶمٸر سٷرۋ دەڭگەيٸن قامتاماسىز ەتە المايتىنىن ايعاقتايدى. بۇل رەتتە ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ قازاقستاندىقتاردىڭ مٷددەسٸنە ساي كەلمەيتٸن ۇستانىمدا بولۋى الاڭداتادى. حالىقتى قورعاپ, ٷكٸمەت پەن ۇلتتىق ەكونوميكا جەنە قارجى مينيسترلٸكتەرٸ الدىندا مەسەلە قويۋدىڭ ورنىنا, مينيسترلٸك بيۋدجەت قاراجاتىنىڭ تاپشىلىعىنا سٸلتەمە جاسايدى. سالالىق مينيسترلٸك حالىقتى قورعاۋ جولىنداعى ٶز ميسسيياسىنىڭ يدەولوگيياسى مەن تٷسٸنٸگٸن ەلدەقاشان جوعالتقان رەسپۋبليكالىق ۇيىمعا اينالدى», - دەدٸ دەپۋتات.
ونىڭ پايىمىنشا, مەملەكەتتٸك ورگاننىڭ مٸندەتٸنە اتٷستٸ قاراۋى ەڭبەك سالاسىنا دا ەسەرٸن تيگٸزدٸ.
«ەرينە, مەملەكەتتٸك بيۋدجەت شەكسٸز ەمەس, الايدا ۇتىمدى جوسپارلاۋ مەن پايدالانۋ ارقىلى ونىڭ مٷمكٸندٸگٸن ايتارلىقتاي كەڭەيتۋگە بولادى. بۇل تۋرالى جىل سايىن ەسەپ كوميتەتٸ جٷزدەگەن ميلليارد قاراجات تيٸمسٸز جوسپارلاناتىنى جەنە پايدالانىلاتىنى تۋرالى قورىتىندى بەرەدٸ. بۇعان اۋىل شارۋاشىلىعى سالاسىن سۋبسيدييالاۋ كەزٸندە ميللياردتاعان, تٸپتٸ تريلليونداعان قارجىنىڭ جىمقىرىلۋى دەلەل», - دەدٸ ول.
جوعارىدا ايتىلعاندارعا بايلانىستى «قازاقستان حالىق پارتيياسى» دەپۋتاتتىق فراكتسيياسى قر ٷكٸمەتٸنە 2022 جىلعى 1 قاڭتاردان باستاپ مٷگەدەكتٸگٸ بار ادامداردىڭ, بالا كٷتٸمٸ بويىنشا ٷيدە وتىرعان ەيەلدەردٸڭ, كٶپبالالى وتباسىلاردىڭ جەردەماقىسى كٶلەمٸن ارتتىرۋدى ۇسىندى.
