پارلامەنت مەجٸلٸسٸنٸڭ جالپى وتىرىسىندا دەپۋتاتتار ەسكەري زەينەتكەرلەردٸ باسپانامەن قامتاماسىز ەتۋ مەسەلەسٸن كٶتەردٸ. وسى ورايدا قر پرەمەر-مينيسترٸ باقىتجان ساعىنتاەۆتىڭ اتىنا دەپۋتاتتىق ساۋال جولداندى, دەپ حابارلايدى قازاقپارات.
«2017 جىلدىڭ جەلتوقسان ايىندا ەسكەري قىزمەتشٸلەردٸڭ تۇرعىن ٷي مەسەلەسٸن شەشۋ بويىنشا قوسىمشا شارالاردى قاراستىراتىن «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭى قابىلداندى. قورعانىس مينيسترلٸگٸنٸڭ دەرەكتەرٸنە سەيكەس, 2018 جىلى اقشالاي ٶتەماقى, تۇرعىن ٷي تٶلەمدەرٸن العان قارۋلى كٷشتەردٸڭ ەسكەري قىزمەتكەرلەرٸنٸڭ جالپى سانى 41 133 ادام بولىپ, ولارعا 54,6 ملرد تەڭگە بٶلٸنگەن. دەگەنمەن, پارلامەنتٸ مەجٸلٸسٸنە قر قارۋلى كٷشتەرٸنٸڭ قاتارىندا ەسكەري كٷنتٸزبەلٸك ەڭبەك ٶتٸلٸ 2018 جىلدىڭ 1-شٸ قاڭتارىنا 10 جىلدان اسقان, بٸراق 20 جىلدان از ەسكەري زەينەتكەرلەردەن ولاردىڭ تۇرعىن ٷي مەسەلەسٸن شەشۋ تۋرالى كٶپتەگەن حاتتار كەلدٸ. بۇل مەسەلە سايلاۋشىلارمەن كەزدەسۋلەردە دە كٶتەرٸلگەن بولاتىن», - دەدٸ دەپۋتات نۇرتاي سابيليانوۆ.
ونىڭ سٶزٸنە قاراعاندا, ەسكەري زەينەتكەرلەردٸڭ وسى ساناتىنا ٶڭٸرلەردە مەملەكەتتٸك تۇرعىن ٷي قورىنان الماسۋعا تۇرعىنجايلاردىڭ بولماۋىنا بايلانىستى تۇرعىن ٷيلەر ەلٸ بەرٸلمەگەن. 2018 جىلى وسى مەسەلە بويىنشا پارلامەنت مەجٸلٸسٸنە اياگٶز, گۆاردەيسكيي, ارىس, جەتٸگەن جەنە شىمكەنت ەسكەري گارنيزوندارىنىڭ ەسكەري زەينەتكەرلەرٸنەن حاتتار كەلدٸ.
ەسكەري زەينەتكەرلەر ٶز حاتتارىندا ولاردى زاڭناماعا سەيكەس تۇرعىن ٷيمەن قامتاماسىز ەتۋدٸ, ال الماسۋعا تۇرعىن ٷي بولماعان جاعدايدا, ولارعا تۇرعىن ٷي ساتىپ الۋ ٷشٸن ٶتەماقى تٶلەۋدٸ سۇرايدى.
«جوعارىدا ايتىلعانداردىڭ نەگٸزٸندە, «ەسكەري قىزمەت جەنە ەسكەري قىزمەتشٸلەردٸڭ مەرتەبەسٸ تۋرالى» زاڭىنىڭ 55-بابىنىڭ 6-1-تارماعىن جٷزەگە اسىرۋ بويىنشا بارلىق قاجەتتٸ شارالاردى قولدانۋدى, سونداي-اق ٶڭٸرلەردە مەملەكەتتٸك تۇرعىن ٷي قورىنان الماسۋعا تۇرعىنجايلار بولماعان جاعدايدا, وسى ساناتتاعى ەسكەري زەينەتكەرلەرگە اقشالاي ٶتەماقى تٶلەۋ مەسەلەسٸن قاراستىرۋدى سۇرايمىز», - دەدٸ نۇرتاي سابيليانوۆ.
