پارلامەنت مەجٸلٸسٸنٸڭ بٸرقاتار دەپۋتاتتارى ونلاين نەسيە بەرۋدەگٸ الاياقتىق ەرەكەتتەردٸڭ كٶبەيۋٸنە الاڭداۋشىلىق بٸلدٸردٸ. وسىعان بايلانىستى بٸر توپ دەپۋتات قر قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆاعا ساۋال جولدادى, دەپ حابارلايدى "ۇلت اقپارات".
«سوڭعى جىلدارى ەلٸمٸزدە حالىققا شاعىن نەسيە بەرۋمەن بايلانىستى الاياقتىق جاعدايلارى جيٸلەپ كەتتٸ, الاياقتار ازاماتتارعا ولاردىڭ قاتىسۋىنسىز ونلاين نەسيەلەر رەسٸمدەۋدە. بۇل مەسەلە بويىنشا دەپۋتاتتارعا الاياقتاردىڭ ٸسٸنە تاپ بولعان ازاماتتار جيٸ شاعىم تٷسٸرۋدە. الاياقتار ازاماتتاردىڭ جەكە دەرەكتەرٸن پايدالانىپ, ونلاين نەسيەنٸ ٶزگە ادامعا زاڭسىز رەسٸمدەيدٸ. ال, ەڭ سوراقىسى زارداپ شەككەندەر ولارعا رەسٸمدەلگەن نەسيە تۋرالى بەلگٸلٸ بٸر ۋاقىتتان كەيٸن عانا, ياعني كوللەكتورلىق اگەنتتٸكتەر مازالاي باستاعان كەزدە بٸلەدٸ», - دەدٸ دەپۋتات ەلنۇر بەيسەنباەۆ مەجٸلٸستٸڭ جالپى وتىرىسىندا.
ٸشكٸ ٸستەر ورگاندارىنىڭ رەسمي اقپاراتى بويىنشا, 2019 جىلى ينتەرنەت الاياقتىقپەن بايلانىستى 7 732 قىلمىس تٸركەلسە, ال 2020 جىلى مۇنداي فاكتٸلەردٸڭ سانى ەكٸ ەسەگە ارتىپ 14 110 قىلمىسقا جەتكەن.
2020 جىلى ميكروكرەديتتٸك ۇيىمداردىڭ ينتەرنەت-سايتتار ارقىلى ونلاين نەسيەلەر رەسٸمدەۋٸ بويىنشا 3 مىڭ قۇقىقبۇزۋشىلىق جاسالعان. سونداي-اق, ينتەرنەت ارقىلى كەز كەلگەن ازاماتتىڭ جەكە كابينەتٸنە قوسىلىپ, ولاردىڭ پلاستيكالىق كارتالارىنداعى شوتتارىنان اقشا ۇرلاۋ بويىنشا 2,2 مىڭنان استام الاياقتىق قىلمىس تٸركەلگەن.
«بۇل مەسەلەنٸڭ كٷردەلٸ ەكەنٸنە دەلەل رەتٸندە كەشە عانا سولتٷستٸك قازاقستان وبلىسىندا ەر ادام الاياقتىق جولمەن ٶزگە ازاماتتارعا 50 نەسيە رەسٸمدەگەن. ول الاياقتىعىن ٸسكە اسىرۋ ٷشٸن ٶزگە ازاماتتاردىڭ جوعالعان جەكە كۋەلٸكتەرٸن پايدالانعان. جوعارىداعى كٶرسەتٸلگەن ناقتى مىسال ميكروقارجىلىق ۇيىمداردىڭ ونلاين قارىز بەرۋدەگٸ جەكە تۇلعانى سەيكەستەندٸرۋ رەسٸمدەرٸن رەتتەۋ جٷيەلەرٸنٸڭ تولىق پىسىقتالماعانىن كٶرسەتٸپ تۇر. وسىعان بايلانىستى جاپا شەككەن ازاماتتار ٶزٸنٸڭ كٸنەسٸز ەكەنٸن مويىنداتىپ, زاڭسىز نەسيەنٸ ٶشٸرۋ ٷشٸن 9 ايعا دەيٸن سوتتاسۋعا مەجبٷر. بۇل ٶز كەزەگٸندە جەبٸرلەنۋشٸنٸڭ نەسيەلٸك تاريحىنا زييان كەلتٸرٸپ, قولما قول اقشاسىز تٶلەم جاساۋىنا كەدەرگٸ تيگٸزەدٸ», - دەدٸ دەپۋتات.
دەپۋتات اگەنتتٸككە كليەنتتٸڭ سەيكەستەندٸرۋٸن انىقتاۋدى كٷشەيتۋ بٶلٸگٸندە ميكروكرەديتتٸك ۇيىمداردىڭ ونلاين نەسيەلەر بەرۋ رەسٸمدەرٸن قىسقا مەرزٸمدە قايتا قاراۋدى ۇسىندى.
«بٸرٸنشٸدەن, كليەنتتٸڭ بيومەترييالىق ەرەكشەلٸكتەرٸن سەيكەستەندٸرۋ پروتسەدۋرالارىن كٷشەيتۋدٸ قاراستىرۋ قاجەت. ناقتى ۋاقىت رەجيمٸندە كەسكٸندٸ تەكسەرۋ جەنە راستاۋ, ياعني الاياقتاردىڭ بۇرىن دايىندالعان بەينە نەمەسە فوتو ماتەريالداردى قولدانۋى مٷمكٸندٸگٸنە جول بەرمەۋ. ەكٸنشٸدەن, اقپاراتتىق-باعدارلامالىق جٷيەلەردٸ پايدالانۋ ارقىلى ونلاين-كرەديتتەردٸ رەسٸمدەۋ كەزٸندە ەكٸ ساتىلى اۋتەنتيفيكاتسييانى ەنگٸزۋدٸ كٶزدەۋ كەرەك», - دەدٸ ە. بەيسەمباەۆ.
