فوتو: qamqor.gov.kz, ۆيدەو كادرى
مەجٸلٸس دەپۋتاتى ەلنۇر بەيسەنباەۆ قاراعاندىدا جەدەل جەردەم جٷرگٸزۋشٸسٸن سوققىعا جىققان كٷدٸكتٸنٸ قاتاڭ جازاعا تارتۋدى سۇرادى, دەپ حابارلايدى "ۇلت اقپارات" Kazinform اگەنتتٸگٸنە سٸلتەمە جاساپ,
«ٶكٸنٸشكە قاراي, سوڭعى كەزدە زاڭدى بەلدەن باسىپ, ويىنا كەلگەنٸن ٸستەيتٸن بەتٸمەن كەتكەندەر كٶبەيدٸ. كٷنٸ كەشە قاراعاندىدا بولعان وقيعا – سونىڭ ايقىن دەلەلٸ. ايدىڭ-كٷننٸڭ امانىندا ٶز قىزمەتٸن ادال اتقارىپ جٷرگەن جەدەل جەردەم جٷرگٸزۋشٸسٸن قانجوسا ەتٸپ سوققىعا جىعۋ – بارىپ تۇرعان باسسىزدىق. قۇقىق بۇزعان نۇربولات دەكەباەۆتىڭ بۇل ەرەكەتٸ – جەي عانا قىلمىس ەمەس, بٷكٸل قوعامعا, زاڭ مەن تەرتٸپكە اشىق قارسىلىق, نە ٸستەي الاسىڭ دەگەن دٶڭ ايبات. ٶزٸن بەينەتاسپاعا تٷسٸرٸپ جاتقانىن بٸلٸپ تۇرسا دا, ەشقانداي ايىلىن جيماي جۇدىرىق سٸلتەپ, قىزمەتتەگٸ ادامدى قانعا بٶكتٸرۋٸ – ەبدەن شەكتەن شىققاندىق, ناعىز قانىپەزەرلٸك. 1 جاسار سەبيگە كٶمەككە كەلگەن مەديتسينا قىزمەتكەرلەرٸن, اشىقتان-اشىق, كۋەگەرلەردٸڭ كٶزٸنشە ۇرىپ-سوعۋ نە دەگەن سۇمدىق? وسىنداي وقيعالار ەلٸمٸزدە جەتەرلٸك. وسى كٷنگە دەيٸن دەپۋتاتتىق كورپۋس بٸرنەشە رەت مەديتسينا جٷيەسٸنٸڭ قىزمەتكەرلەرٸن قورعاۋ ٷشٸن ارنايى ستاتۋس بەكٸتۋدٸ ۇسىنسا دا, ٷكٸمەت ەلٸ كٷنگە دەيٸن شەشٸم قابىلدامادى», - دەدٸ بەيسەنباەۆ ٷكٸمەت باسشىسى ەليحان سمايىلوۆتىڭ اتىنا جولداعان ساۋالىندا.
ونىڭ ايتۋىنشا, ادام ٶمٸرٸن ساقتاۋ ٷشٸن ارپالىساتىن اقحالاتتى جانداردى ارنايى قىزمەت كٶرسەتۋشٸ ٶكٸل رەتٸندە زاڭمەن قورعاۋ كەرەك.
«بۇل بٸر عانا وقيعا ەمەس. الماتىدا اۆتوبۋس جٷرگٸزۋشٸسٸن سوققىعا جىعۋدىڭ قانداي قايعىلى جاعدايعا ەكەلگەنٸنە بەرٸمٸز كۋە بولدىق. بۇل جارييا بولعاندارى عانا. جابۋلى قازان جابۋلى كٷيٸندە قالعاندارى قانشاما. سوندىقتان مۇنداي جاعدايعا مٷلدەم جول بەرۋگە بولمايدى. بٷگٸن دەكەباەۆ, ەرتەڭ كٸم بولادى سوندا?! بۇل جاعداي نەنٸ كٶرسەتٸپ وتىر? ەڭ الدىمەن, تيٸستٸ ورگانداردىڭ ٶز جۇمىسىنا سالعىرت قاراپ, قۇقىق بۇزۋشىلىقتاردىڭ الدىن الۋ شارالارىن دۇرىس ۇيىمداستىرماعانىن كٶرسەتەدٸ. ەكٸنشٸدەن, كٶپشٸلٸك قاراپايىم عانا قۇقىقتىق قاعيدالاردى بٸلمەيتٸنٸن بايقاتادى. ولار ٶز قۇقىعىن بىلاي قويعاندا, زاڭ الدىنداعى مٸندەتتەرٸ مەن جاۋاپكەرشٸلٸگٸنەن دە حابارسىز. زاڭ مەن تەرتٸپ بەرٸنە بٸردەي قاعيداتىن ۇستانۋ – ەربٸرٸمٸزدٸڭ مٸندەتٸمٸز. ٷشٸنشٸدەن, ۇلتتىق قۇندىلىقتاردان ادا, قازاقي ەدەپ پەن ار-ۇياتتى ۇمىتقان, ادامشىلىققا جات ويلارمەن ساناسى ۋلانعان ازاماتتار قالىپتاسىپ كەلەدٸ. سالدارىن كٶرٸپ وتىرمىز. بۇل جاعداي ەشقانداي جاقسىلىققا اپارمايدى», - دەدٸ دەپۋتات.
بۇل تۇرعىدا ول ۋەكٸلەتتٸ ورگاندارعا كەلەسٸ شارالاردى قولعا الۋدى ۇسىندى:
1. قۇقىق قورعاۋ ورگاندارى قىلمىس جاساعان دەكەباەۆتى تەز ارادا تابۋى تيٸس.
2. نۇربولات دەكەباەۆتىڭ سوتىن اشىق جٷرگٸزٸپ, قاتاڭ جازا بەرۋ جەنە ونىڭ بارىسى مەن قورىتىندىسى تۋرالى بۇقارالىق اقپارات قۇرالدارى ارقىلى حالىقتى تٷگەل حاباردار ەتۋ.
3. كەيٸنگٸ ۋاقىتتارى ادامنىڭ جەكە باسىنا قاۋٸپ تٶندٸرەتٸن, تٸپتٸ ونىڭ ٶمٸرٸن قيياتىن قىلمىستار قوعامدىق سيپات الىپ جاتىر. سوندىقتان تەز ارادا كەز كەلگەن قىلمىستارعا قوعامدى مٷلدەم تٶزبەۋشٸلٸك مەدەنيەتٸن جاپپاي قالىپتاستىرۋىمىز قاجەت.
بۇدان بۇرىن قاراعاندىدا ەر ادام جەدەل جەردەم جٷرگٸزۋشٸسٸن سوققىعا جىققانىن حابارلاعان ەدٸك.
