سەنات دەپۋتاتتارى قازاقستان 30 جىل ٸشٸندە ۇلتتىق يدەولوگييا مەن ۇلتتىق تەربيەدە ٷلكەن ولقىلىق جٸبەرٸپ العانىن مويىندادى. سەناتور نۇرتٶرە جٷسٸپتٸڭ ايتۋىنشا, قازٸرگٸ ۇرپاق اتا-انانىڭ تىيىمدارىمەن ەمەس, تيك-توك ارقىلى تەربيەلەنٸپ جاتىر, دەپ حابارلايدى Sputnik قازاقستان.
نۇرتٶرە جٷسٸپ پرەمەر-مينيستر ەليحان سمايىلوۆقا جولداعان دەپۋتاتتىق ساۋالىندا "الماتى تراگەديياسىنا" ەكەپ سوققان سەبەپتەرگە توقتالدى. ايتۋىنشا, قازٸر قوعامدا "پرەزيدەنتتٸ قولدايىق" دەگەن پٸكٸر بار. ول دۇرىس. بٸراق, دەپۋتاتتىڭ پٸكٸرٸنشە, پرەزيدەنتتٸ قۇر سٶزبەن ەمەس, ناقتى ٸسپەن قولداۋ كەرەك.
"بٸز ۇلتتىق يدەولوگييا مەن ۇلتتىق تەربيەدە ٷلكەن ولقىلىق جٸبەرٸپ الدىق. مۇنى اشىق مويىنداۋ كەرەك. "مەنٸڭ مەملەكەتٸم", "مەنٸڭ قازاقستانىم" دەگەن وتانسٷيگٸش سەزٸمدٸ تەرەڭ ورنىقتىرۋ ورنىنا, قالاي دا اقشا تابۋ, تەز بايۋ, تٸرلٸكتٸڭ بەرٸن اقشامەن ٶلشەۋ ۇعىمدارىن العا شىعاردىق. بٷگٸنگٸ جاستار بابالاردىڭ "تەك-تەك" دەگەن تىيىمدارىمەن ەمەس, نەگٸزٸنەن تيك-توك ارقىلى تەربيەلەنٸپ جاتىر", - دەپ قاپالاندى نۇرتٶرە جٷسٸپ.
ول قوعامدا ەڭبەك ەتۋ, ادال مال تابۋ, وتانعا, مەملەكەتكە ادالدىق, قوعام الدىنداعى جاۋاپكەرشٸلٸك, ەدٸلەت, ار, ۇيات ۇعىمدارى كەيٸنگە ىسىرىلىپ قالعانىن ايتتى.
"ٶز ورداسىن ٶزٸ ويراندايتىن, بۇل ەرەكەت ٷشٸن بٸر سەتتە ويلانبايتىن قانٸپەزەرلٸك قايدان شىقتى?! ەكەنٸڭ سٶزٸن بالاسى تىڭدامايتىن, قوي دەگەندٸ بٸلمەيتٸن, ٷلكەندەردەن ىقپايتىن, قىڭىر ۇرپاق نەگە كٶبەيدٸ? ەلشٸل, مەملەكەتشٸل, ەرتەڭشٸل تولقىن قايدا? ۇل-قىزعا دۇرىس تەربيە بەرمەسەك, تۇلعا قالاي شىعادى?", - دەپ الاڭدادى سەناتور.
نۇرتٶرە جٷسٸپ بىلتىر سەناتتا ٶتكەن پارلامەنتتٸك تىڭداۋدا بەس قۇندىلىق, اتاپ ايتقاندا تەۋەلسٸزدٸك پەن تاريحي تانىم, ەل مەن جەر, تٸل مەن يماندىلىق, ۇلتتىق دەستٷر مەن وتباسىلىق تەربيە, بٸلٸم مەن بٸلٸكتٸلٸك قازاق قوعامىنىڭ باستى قاعيداتتارى رەتٸندە كٷن تەرتٸبٸنە شىعارىلعانىن ەسكە سالدى. ٷكٸمەتكە, تيٸستٸ مينيسترلٸكتەرگە ۇسىنىمدار بەرٸلگەن. الايدا, دەپۋتاتتىڭ سٶزٸنشە, سونىڭ بٸردە بٸرٸ نازارعا الىنبادى.
"ايتىلعان سٶز ايتىلعان جەردە قالدى. سٸزدەن سول پارلامەنتتٸك تىڭداۋ ماتەريالدارىن ٷكٸمەت مٷشەلەرٸنٸڭ بەرٸنە تانىستىرۋدى, سولاردى جٷزەگە اسىرۋ ٷشٸن شۇعىل ەرەكەت ەتۋدٸ تالاپ ەتەمٸن", - دەدٸ جٷسٸپ پرەمەر-مينيسترگە.
وسى رەتتە سەناتور ٷكٸمەت جۇمىسىنا كٶڭٸلٸ تولمايتىنىن جەتكٸزدٸ. ايتۋىنشا, ٷكٸمەت مٷشەلەرٸ ٶز جۇمىسىن بٶلەك-بٶلەك ٸستەيدٸ. ەر ۆەدومستۆو ٶز كٶرپەسٸن ٶزٸنە قاراي تارتادى. ورتاق باعىت, ورتاق جوسپار, ٷيلەسٸمدٸ ٸس-قيمىل جوق.
سونداي-اق ول تەلەديدار مەن باق-تاعى حابارلارعا نازار اۋدارۋعا شاقىردى. ايتۋىنشا, قازاقستاننىڭ اقپارات كەڭٸستٸگٸ قاپتاعان شوۋ مەن مەن-ماعىناسى شامالى تەلەحابارلارعا تولىپ كەتكەن. بارلىق تەلەارنا رەيتينگ قۋۋ ٸسٸمەن اينالىسادى.
نۇرتٶرە جٷسٸپ ۇلتتىق مەملەكەت قۇرىپ جاتقاندا, ەشقانداي رەيتينگتٸڭ قاجەتٸ جوق دەپ سانايدى. بۇل رەتتە دەپۋتات "ەلارنا", "تەلٸم TV" ارنالارىن جاسٶسپٸرٸمدەر مەن جاستار ارناسى ەتٸپ قايتا قۇرۋدى ۇسىندى.
