قازاقستاننىڭ دەنساۋلىق ساقتاۋ مينيسترٸ «اقتاس» رەسپۋبليكالىق مامانداندىرىلعان پسيحياترييالىق اۋرۋحاناسىنا كەشەندٸ تەكسەرۋ جٷرگٸزۋدٸ تاپسىردى, دەپ حابارلايدى ult.kz.
مۇنداي شەشٸم بۇقارالىق اقپارات قۇرالدارى مەن ەلەۋمەتتٸك جەلٸلەردە پاتسيەنتتەردٸڭ ەمدەۋ جەنە ۇستاۋ جاعدايىنا قاتىستى جارييالانعان شاعىمداردان كەيٸن قابىلداندى.
مينيسترلٸكتٸڭ مەلٸمەتٸنشە, تەكسەرۋدٸ مەديتسينالىق جەنە فارماتسەۆتيكالىق باقىلاۋ كوميتەتٸ جٷرگٸزەدٸ. ماماندار مەديتسينالىق قۇجاتتامانى, ەمدەۋ پروتسەسٸنٸڭ ۇيىمداستىرىلۋىن, پاتسيەنتتەردٸڭ اۋرۋحانادا بولۋ جاعدايىن, لاۋازىمدى تۇلعالاردىڭ ەرەكەتتەرٸن جەنە ازاماتتاردىڭ قۇقىقتارىنىڭ ساقتالۋىن زەردەلەيدٸ.
تەكسەرۋ جۇمىسىنا پروكۋراتۋرا ورگاندارىنىڭ, ادام قۇقىقتارى جٶنٸندەگٸ ۋەكٸلدٸڭ ٶكٸلدەرٸ مەن ٶزگە دە مەملەكەتتٸك ورگانداردىڭ قاتىسۋى جوسپارلانىپ وتىر.
دەنساۋلىق ساقتاۋ مينيسترلٸگٸ تەكسەرۋ قورىتىندىسى بويىنشا جارييالانعان بارلىق دەرەككە قۇقىقتىق جەنە قىزمەتتٸك باعا بەرٸلەتٸنٸن مەلٸمدەدٸ. ەگەر زاڭبۇزۋشىلىقتار انىقتالسا, تيٸستٸ شارالار قابىلدانىپ, كٸنەلٸ تۇلعالار جاۋاپكەرشٸلٸككە تارتىلادى.
ەسكە سالايىق, بۇعان دەيٸن YouTube پلاتفورماسىندا «اقتاس» اۋرۋحاناسىندا مەجبٷرلٸ ەم قابىلداپ جاتقان نيكولاي جۇماعاليەۆتٸڭ سۇحباتى جارييالانعان بولاتىن. ول مەكەمەدەگٸ تۇرمىس جاعدايىنا قاتىستى پٸكٸر بٸلدٸرٸپ, جەكە كەڭٸستٸكتٸڭ جەتكٸلٸكسٸزدٸگٸ, پالاتالاردا ۇزاق ۋاقىت بولۋ, سەرۋەندەۋگە شەكتەۋلٸ مٷمكٸندٸك جەنە تۇرمىستىق قولايسىزدىقتار تۋرالى ايتقان.
نيكولاي جۇماعاليەۆ 1970-جىلداردىڭ سوڭىندا بٸرنەشە ادامدى ٶلتٸرگەنٸ ٷشٸن قىلمىستىق جاۋاپكەرشٸلٸككە تارتىلعان. تەرگەۋ دەرەكتەرٸنە سەيكەس, ونىڭ قۇرباندارىنىڭ سانى كەمٸندە 10 ادامدى قۇراعان, ولاردىڭ باسىم بٶلٸگٸ ەيەلدەر بولعان. سوت ونى ەسٸ دۇرىس ەمەس دەپ تانىپ, مەجبٷرلٸ ەمدەۋگە جٸبەرگەن.
«اقتاس» – قازاقستانداعى وسى باعىتتاعى جالعىز مامانداندىرىلعان مەديتسينالىق مەكەمە. مۇندا سوتتىڭ شەشٸمٸمەن مەجبٷرلٸ مەديتسينالىق ەم تاعايىندالعان ازاماتتار ەمدەلەدٸ. دەنساۋلىق ساقتاۋ مينيسترلٸگٸنٸڭ مەلٸمەتٸنشە, اۋرۋحاناداعى پاتسيەنتتەردٸڭ 80 پايىزدان استامى ادامعا قارسى اۋىر جەنە اسا اۋىر قىلمىس جاساعان.
