قازاقستاندىق ساراپشىلار توبى دەنساۋلىق ساقتاۋ سالاسىنداعى قاراجاتتى جۇمساۋ شارالارى قانشالىقتى اشىق جٷزەگە اسىرىلۋدا دەگەن مەسەلە تٶڭٸرەگٸندە ەلەۋمەتتٸك زەرتتەۋ جٷرگٸزگەن. بۇل تۋرالى دەنساۋلىق ساقتاۋ بيۋدجەتٸ اشىقتىعىنا جٷرگٸزٸلگەن مونيتورينگٸ جايىندا ٶتكەن «Antikor.Live باعدارلاماسىندا ايتىلدى, دەپ حابارلايدى قازاقپارات.
ەكونوميكا جەنە دەنساۋلىق ساقتاۋدى قارجىلاندىرۋ مەسەلەلەرٸ جٶنٸندەگٸ ساراپشى جەنە كونسۋلتانت مارات ماماەۆ قازاقستاندىق دەنساۋلىق ساقتاۋدىڭ رەسپۋبليكالىق بيۋدجەتتەگٸ ٷلەسٸ شامامەن بٸر جارىم تريلليون تەڭگەنٸ قۇرايتىنىن ايتتى. جاقىندا ساراپشىلار توبى بۇل قاراجاتتى جۇمساۋ شارالارىنىڭ اشىقتىعىنا بايلانىستى ەلەۋمەتتٸك زەرتتەۋ جٷرگٸزگەن.
«جاقىندا بٸز «اشىقتىق جەنە ەسەپ بەرۋ» دەگەن قىزىقتى جوبامەن اينالىستىق. بارلىق سايتتى, اشىق دەرەككٶزدەردٸ, مەلٸمەتتەر بازاسىنا شولۋ جاساپ, مونيتورينگ جٷرگٸزدٸك. بٸز بيۋدجەتتٸ قالىپتاستىرۋ جەنە يگەرۋ كەزەڭٸندە اشىقتىق پەن ەسەپ بەرۋشٸلٸك تۋرالى تٷسٸنٸك جوق ەكەنٸن, ياعني ەرقاشان بٸز قالاعانداي بولا بەرمەيتٸنٸن تٷسٸندٸك», - دەيدٸ مارات ماماەۆ.
ول زەرتتەۋ جۇمىسى قالاي جٷزەگە اسقانى تۋرالى ايتتى.
«بٸز سايتقا كٸرٸپ, اقشا قايدا, قالاي جۇمسالاتىنىن, جوسپارلانعان قاراجاتتىڭ يگەرٸلۋٸ قانداي كٶلەمدە جٷزەگە اسىپ جاتقانىن قارادىق. زەرتتەۋ جٷرگٸزۋ بارىسىندا بٸز بٸر قىزىقتى نەرسەنٸ كٶردٸك: سايتتاردا «ازاماتتىق بيۋدجەت» دەپ اتالاتىن پرەزەنتاتسييا بار جەنە ول جەردە «تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ اياسىندا مەديتسينالىق كٶمەك كٶرسەتۋ» دەپ اتالاتىن بٸر عانا سٶيلەم مەن بٸر عانا سان جازىلىپ تۇرۋى مٷمكٸن. باسقا ەشتەڭە جوق. ياعني, پرەزەنتاتسييا تٷرٸندە ەسەپ بەرۋدٸڭ ٶزٸ تيپتٸك تٷردە جٷزەگە اسپايدى», - دەيدٸ مارات ماماەۆ.
