بٷگٸن مەجٸلٸستە پالاتا سپيكەرٸ نۇرلان نىعماتۋلين «Nur Otan» پارتيياسى فراكتسيياسىنىڭ كەڭەيتٸلگەن وتىرىسىن ٶتكٸزدٸ. دەپۋتاتتار حالىق دەنساۋلىعى تۋرالى كودەكسپەن جۇمىس ٸستەۋ بارىسىندا ازاماتتىق قوعامنىڭ پٸكٸرٸن ەسكەردٸ, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
قازٸرگٸ ۋاقىتتا مەجٸلٸس «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس جوباسىن بٸرٸنشٸ وقىلىمدا قاراۋعا دايىندىق ٷستٸندە.
«Nur Otan» پارتيياسى فراكتسيياسىنىڭ دەپۋتاتتارى زاڭ جوباسىنىڭ ەڭ رەزونانستىق نورمالارىن مەملەكەتتٸك ورگانداردىڭ باسشىلارىمەن, بەلگٸلٸ قوعام قايراتكەرلەرٸمەن, مەديتسينالىق قوعامداستىق پەن ازاماتتىق قوعام ٶكٸلدەرٸنٸڭ قاتىسۋىمەن فراكتسييانىڭ كەڭەيتٸلگەن وتىرىسىندا تالقىلادى.
فراكتسييانىڭ كەڭەيتٸلگەن وتىرىسىن اشقان مەجٸلٸس تٶراعاسى نۇرلان نىعماتۋلين:
- بٸز دەنساۋلىق مەسەلەسٸن فراكتسييا وتىرىسىندا تالقىلاۋ تۋرالى ارنايى شەشٸم قابىلداعان بولاتىنبىز. ٶزدەرٸڭٸز بٸلەسٸزدەر بۇل مەسەلە بٷگٸندە بٷكٸل حالىقتىڭ نازارىندا. ەرينە دەنساۋلىق مەسەلەسٸ ول بٸزدٸڭ مەملەكەتتٸڭ باستى بايلىعى. سول ٷشٸن وسى دەنساۋلىق كودەكسٸ ەزٸرلەندٸ. قازٸر مەجٸلٸستٸڭ قاراۋىندا. كٶپتەگەن ۇسىنىستار, پٸكٸرلەر ايتىلىپ جاتىر. بٸزدٸڭ دەپۋتاتتارىمىز ايماقتاردا بولعان كەزدە دە وسى كودەكس بويىنشا كٶپتەگەن تالقىلاۋ بولدى. بٷگٸن دە اشىق, جارييا تٷردە تاعى دا جان جاقتى تالقىلايتىن بولامىز. نەتيجەسٸندە جوعارى دەڭگەيدەگٸ ساپالى زاڭ قابىلداۋىمىز كەرەك, - دەدٸ.
نۇرلان نىعماتۋلين كودەكس جوباسى مەجٸلٸسكە كەلٸپ تٷسكەن سەتتەن باستاپ, دەپۋتاتتاردىڭ قاتىسۋىمەن تٷرلٸ الاڭداردا قىزۋ تالقىلانعانىن ايتتى.
نەتيجەسٸندە, كٶپتەگەن كٷردەلٸ مەسەلەلەر بويىنشا ىمىراعا كەلدٸ. اتاپ ايتقاندا, بۇل ترانسپلانتولوگييا مەسەلەسٸ.
وتىرىستا ا.ن. سىزعانوۆ اتىنداعى ۇلتتىق عىلىمي حيرۋرگييا ورتالىعىنىڭ باسقارما تٶراعاسى بولاتبەك بايماحانوۆ, «ٶمٸر سىيى» رەسپۋبليكالىق قوعامدىق قورىنىڭ باسشىسى ساندۋعاش ورىنباەۆا مەن «امان-ساۋلىق» قوعامدىق قورىنىڭ جەتەكشٸسٸ باقىت تٷمەنوۆا ٶز ۇستانىمىن بٸلدٸردٸ.
ال شەتەلگە اعزالاردى ەكسپورتتاۋ نورماسىنا قاتىستى مەجٸلٸس تٶراعاسى نۇرلان نىعماتۋلين كودەكس جوباسىندا بٸزدٸڭ مەملەكەتٸمٸزدەن تىس جەردە جٷرگەن قازاقستان ازاماتتارىنا مەديتسينالىق كٶمەك كٶرسەتۋ قاجەت بولعان جاعدايدا عانا ترانسپلانتاتسييالاۋ ٷشٸن ەكسپورتتاۋ مٷمكٸندٸگٸ قاراستىرىلعانىن اتاپ ٶتتٸ.
سونداي-اق, فراكتسييا وتىرىسىندا ۆاكتسيناتسييا نورماسىنا ەرەكشە نازار اۋدارىلدى.
بۇل جايىندا جۇقپالى اۋرۋلار بويىنشا ماماندار, مەكتەپكە دەيٸنگٸ مەكەمەلەردٸڭ ٶكٸلدەرٸ جەنە قازاقستانداعى بالا قۇقىقتارى جٶنٸندەگٸ ۋەكٸل ارۋجان ساين ٶز ويلارىمەن بٶلٸستٸ.
قوعامداعى تٷرلٸ پٸكٸرلەردٸ ەسكەرە وتىرىپ, جۇمىس توبى حالىقتىڭ قاۋٸپسٸزدٸگٸن قامتاماسىز ەتەتٸن, پروفيلاكتيكالىق ەگۋلەر مٸندەتتٸ جەنە ەرٸكتٸ بولىپ بٶلٸنگەنٸن ۇسىندى. قازاقستاندا تۇراقتى تۇراتىن ادامدار مٸندەتتٸ پروفيلاكتيكالىق ەگۋلەردەن ٶتۋٸ كەرەك. ەگەر بالانىڭ دەنساۋلىعىندا مەديتسينالىق قارسى كٶرسەتٸلٸمدەر بولماسا مٸندەتتٸ ۆاكتسيناتسييالاردىڭ تٸزٸمٸنە سەيكەس ۆاكتسينا جاسالادى.
الايدا, ساپاسىز ۆاكتسينالاردى جەتكٸزۋ, ۆاكتسينالاردى ساقتاۋ, تاسىمالداۋ جەنە پايدالانۋ ەرەجەلەرٸن ساقتاۋعا قاتىستى جاۋاپكەرشٸلٸكتٸ كٷشەيتۋ ۇسىنىلادى. وسىعان سەيكەس, تاۋارلار مەن قىزمەتتەر قاۋٸپسٸزدٸگٸ جەنە ساپاسىن باقىلاۋ كوميتەتٸنٸڭ قۇزىرەتٸ كٷشەيتٸلمەك.
سونىمەن قاتار, ناۋقاستىڭ ٶمٸرٸن جاساندى قولداۋ شارالارىن توقتاتۋ تۋرالى ورتاق ۇستانىم ەزٸرلەندٸ, ول تۋىستارىنىڭ كەلٸسٸمٸنسٸز بۇل شارا توقتامايدى.
فراكتسييانىڭ كەڭەيتٸلگەن وتىرىسىندا دەنساۋلىق ساقتاۋ كودەكسٸ جوباسىنىڭ ەربٸر نورماسى جان-جاقتى, تەرەڭ تالقىلاندى.
وتىرىستا تۇتىنۋشىلار قۇقىعىن قورعاۋعا ارنالعان ۇلتتىق كواليتسييا تٶراعاسى مۇرات ەبەنوۆ, ساياساتتانۋشى دانييار ەشٸمباەۆ سٶز سٶيلەدٸ.
