الماتىدا دەنيس تەننٸڭ ٶلٸمٸنە كٷدٸكتٸلەر 23 قازانعا دەيٸن قاماۋدا وتىراتىن بولدى, دەپ حابارلايدى "ۇلت اقپارات".
«الماتى قالاسىنىڭ مامانداندىرىلعان تەرگەۋ سوتى 11-12 قىركٷيەكتە ارنايى قاۋلى شىعاردى. كٷدٸكتٸلەردٸ قاماۋدا ۇستاۋ مەرزٸمٸ 3 ايعا دەيٸن, ياعني 23 قازانعا دەيٸن سوزىلدى», - دەدٸ قالالىق سوتتىڭ باسپاسٶز حاتشىسى دياس ماحامبەتوۆ.
ەسكە سالساق, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى مەن بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00-دەر شاماسىندا بولعان.
سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنان جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن. 2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى. كەيٸن بەلگٸلٸ بولعانداي, سپورتشىنىڭ ٶلٸمٸنە قاتىسى بار كٷدٸكتٸلەر ۇستالىپ, قىلمىستارىن مويىندادى.
