فوتو: اشىق دەرەككٶز
قازاقستاندىق مەنەرلەپ سىرعاناۋشى دەنيس تەننٸڭ ٶلٸمٸنە كٸنەلٸلەردٸڭ جازاسى جەڭٸلدەگەنٸ بەلگٸلٸ بولدى. بۇل تۋرالى "ۇلت اقپارات" Tengrinews.kz سايتىنا سٸلتەمە جاساپ حابارلايدى.
نۇرالى قيياسوۆ پەن ارمان قۇدايبەرگەنوۆ 2019 جىلى 17 قاڭتاردا دەنيس تەننٸڭ ٶلٸمٸنە كٸنەلٸ دەپ تانىلىپ, 18 جىلعا باس بوستاندىعىنان ايىرىلدى. ولارعا جازاسىن قاتاڭ رەجيمدەگٸ كولونييادا ٶتەۋ تۋرالى ٷكٸم شىقتى. سوتتالعاندار الماتى وبلىسى زارەچنىي كەنتٸندەگٸ لا-155/12 تٷزەۋ مەكەمەسٸنە جٸبەرٸلدٸ.
ال ولاردىڭ سىبايلاسى جانار تولىباەۆاعا 4 جىلعا باس بوستاندىعىنان ايىرۋ جازاسى تاعايىندالدى. ول جازاسىن قاۋٸپسٸزدٸگٸ ورتاشا مەكەمەدە ٶتەدٸ. الايدا 2019 جىلدىڭ جەلتوقسانىندا ول قاماۋدان بوساتىلدى. سوت ونىڭ دەنساۋلىق جاعدايىن جەنە قاماۋدا ەكٸنشٸ بالاسىن دٷنيەگە ەكەلگەنٸن ەسكەرٸپ, جازانىڭ ٶتەلمەگەن بٶلٸگٸن باس بوستاندىعىن شەكتەۋمەن اۋىستىرۋ تۋرالى شەشٸم قابىلدادى. ول كەيٸنٸرەك كولونيياعا ورالىپ, 2021 جىلدىڭ جەلتوقسانىندا تٷبەگەيلٸ بوساتىلدى.
اراعا ۋاقىت سالىپ سپورتشىنى ٶلتٸرگەن قىلمىسكەرلەردٸڭ جازاسى جەڭٸلدەگەنٸ بەلگٸلٸ بولدى.
"2023 جىلى 19 قازاندا قوناەۆ قالالىق سوتى الماتى وبلىسى بويىنشا قاج دەپارتامەنتٸنٸڭ №12 مەكەمەسٸ باسشىسىنىڭ قاتاڭ رەجيمدەگٸ مەكەمەدە وتىرعان نۇرالى قيياسوۆتىڭ جازاسىن جەڭٸلدەتۋ تۋرالى ۇسىنىسىن قارادى. بۇعان 2023 جىلعى ناۋرىزدا قابىلدانعان "كەيبٸر زاڭنامالىق اكتٸلەرگە قىلمىستىق ٸس جٷرگٸزۋ جەنە جازانى اتقارۋ سالاسىنداعى ادام قۇقىقتارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" جاڭا زاڭ سەبەپ بولعان. زاڭعا سەيكەس, قاساقانا قىلمىس جاساعانى ٷشٸن ەكٸ جىلدان استام مەرزٸمگە سوتتالماعان, بۇرىن سوڭدى باس بوستاندىعىنان ايىرىلماعاندار جازاسىن قىلمىستىق-اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەلەرٸندە ٶتەۋگە تيٸس", – دەپ جازدى باسىلىم.
سونداي-اق الماتى وبلىسىنىڭ قىلمىستىق-اتقارۋ جٷيەسٸ دەپارتامەنتٸ 7 اي 29 تەۋلٸك تەرگەۋ يزولياتورىندا بولۋ مەرزٸمٸ كٷنٸنە جارتى تەۋلٸكپەن ەسەپتەلۋٸن, ياعني تاعى 4 ايدى مەرزٸمگە قوسۋدى ۇسىنعان.
سوت قازاقستان رەسپۋبليكاسىنىڭ 2023 جىلعى 17 ناۋرىزداعى زاڭىن باسشىلىققا الا وتىرىپ, الماتى وبلىسى جەنە جەتٸسۋ اۋدانى بويىنشا قىلمىستىق-اتقارۋ جٷيەسٸ دەپارتامەنتٸنٸڭ №12 مەكەمەسٸ باسشىسىنىڭ قاماۋدا ۇستاۋ مەرزٸمٸن ەسەپتەۋ تۋرالى ۇسىنىسىن قاناعاتتاندىرۋ تۋرالى شەشٸم قابىلدادى. الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 2019 جىلعى 17 قاڭتارداعى ٷكٸمٸمەن سوتتالعان قيياسوۆ نۇرالى داۋلەتبەكۇلىنا تاعايىندالعان جازانى ٶتەۋ ورنى قىلمىستىق-اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەسٸ بولىپ بەلگٸلەندٸ.
ەكٸنشٸ سوتتالۋشى ارمان قۇدايبەرگەنوۆكە دە قاتىستى وسىنداي ۇسىنىس قارالدى. سۋديا سونىمەن قاتار ونىڭ ٷكٸم شىعارىلعانعا دەيٸن قاماۋدا بولعان 4 ايىن ساناپ, ونى قاتاڭ رەجيمدەگٸ مەكەمەدەن قاۋٸپسٸزدٸگٸ ورتاشا مەكەمەگە اۋىستىرۋ تۋرالى شەشٸم شىعارعان.
"قازٸر ارمان قۇدايبەرگەنوۆ پەن نۇرالى قيياسوۆ جامبىل جەنە شىعىس قازاقستان وبلىستارىنداعى قاۋٸپسٸزدٸگٸ ورتاشا تٷزەۋ مەكەمەلەرٸندە جازاسىن ٶتەپ جاتىر. ولار كولونييادا جۇمىس ٸستەمەيدٸ, ٶيتكەنٸ وندا جۇمىس ورنى تاپشى. ولارعا قالىپتى جاعداي جاسالعان. قىلمىستىق-اتقارۋ كودەكسٸنە سەيكەس, ولار جىلىنا ەكٸ ۇزاق جەنە التى قىسقا مەرزٸمدٸ كەزدەسۋگە شىعۋعا قۇقىلى", – دەلٸنگەن حابارلامادا.
بۇعان دەيٸن ارمان قۇدايبەرگەنوۆ تە, نۇرالى قيياسوۆ تا دەنساۋلىعىنا شاعىمدانباعان.
ايتا كەتسەك, دەنيس تەن 2018 جىلدىڭ 19 شٸلدەسٸندە ۇرىلار قولىنان قازا تاپتى. قايعىلى وقيعا 2018 جىلدىڭ 19 شٸلدەسٸندە الماتىدا بولعان. دەنيس كافەدەن شىعىپ, كٶلٸگٸنٸڭ اينالارىن ەكٸ جٸگٸتتٸڭ ۇرلاپ جاتقانىن كٶرەدٸ. قاشا جٶنەلگەن ولاردى قۋىپ جەتكەن سپورتشىعا بٸر ۇرى جامباسىنان پىشاق سالادى. نەتيجەسٸندە ارتەريياسى زاقىمدالىپ, قٶپ قان كەتەدٸ. كەيٸن سپورتشى اۋرۋحانادا كٶز جۇمدى.
