بەيسەنبٸ كٷنٸ اقش سەناتىندا ايىپتاۋ تارابى بۇرىنعى پرەزيدەنت دونالد ترامپقا قارسى ارگۋمەنتتەردٸڭ بارلىعىن بايانداپ بولدى. جۇما جەنە سەنبٸ كٷندەرٸ قورعاۋ تارابى سٶيلەيدٸ دەپ حابارلادى "امەريكا داۋىسى" سايتى.
ٶكٸلدەر پالاتاسى قاڭتار ايىندا ٶكٸلەتٸنٸڭ اياقتالۋىنا بٸر اپتا قالعاندا ترامپقا يمپيچمەنت جارييالاعان. ونى 6 قاڭتار كٷنٸ جاقتاستارىن كاپيتولييگە شابۋىل جاساۋعا يتەرمەلەدٸ دەپ ايىپتاعان.
يمپيچمەنت ٸسٸ بويىنشا تالقىلاۋعا ايىپتاۋ تارابى رەتٸندە قاتىسىپ جاتقان ٶكٸلدەر پالاتاسىنداعى دەموكراتتار ٷش اپتا بويى ترامپتىڭ سٶزٸ كاپيتولييگە شابۋىل جاساۋعا تٷرتكٸ بولدى دەگەن تۇجىرىمدى دەلەلدەۋگە تىرىستى.
كونگرەسكە كاليفورنييا شتاتىنان سايلانعان دايانا دەگەتت 6 قاڭتار كٷنٸ ترامپ سٶزٸ مەن كونگرەسس عيماراتىنا شابۋىل جاساعانداردىڭ كٶتەرگەن ۇراندارى اراسىندا ۇقساستىق بارىن اتاپ ٶتتٸ. بۇدان بٶلەك, ونىڭ سٶزٸنە قاراعاندا, شابۋىلداۋشىلاردىڭ كەيبٸرٸ پرەزيدەنتتٸڭ شاقىرۋىمەن كاپيتولييگە كەلگەنٸن ايتقان. دەگەتت دەلەل رەتٸندە 6 قاڭتار كٷنگٸ ۆيدەوجازبالاردى كٶرسەتكەن. ونىڭ ايتۋىنشا, وقيعاعا قاتىسۋشىلار "پرەزيدەنت بۇيرىعىن ورىنداپ وتىرعاندىقتان" جازالانبايمىز دەپ ويلاعان.
6 قاڭتار كٷنگٸ وقيعانىڭ سالدارىنا توقتالعان دەگەتت وقيعا ەلدٸڭ حالىقارالىق بەدەلٸنە دە زييان كەلتٸردٸ دەپ مەلٸمدەدٸ. رەسەيدٸڭ رەسمي شەنەۋنٸكتەرٸنٸڭ ايتقاندارىنان دا ٷزٸندٸ كەلتٸردٸ.
تاعى بٸر كونگرەسسمەن تەد ليۋ ترامپتىڭ كونگرەسكە شابۋىلدى بٸردە-بٸر رەت ايىپتاماعانىن, تٸپتٸ ولارعا باعىتتالعان ٷندەۋٸندە شابۋىلداۋشىلاردى قولداعان سارىن اڭعارىلاتىنىن دا العا تارتتى.
ايىپتاۋ تارابى سونىمەن بٸرگە شابۋىل كەزٸندە ۆيتسە-پرەزيدەنت, ٶكٸلدەر پالاتاسىنىڭ سپيكەرٸ مەن ٶزگە دە مەملەكەت باسشىلارىنىڭ ٶمٸرٸنە تٸكەلەي قاۋٸپ تٶنگەنٸن ايتتى. اتاپ ايتقاندا, سەناتتا كٶرسەتٸلگەن كادرلاردان بٸر توپ دەمونسترانتتاردىڭ ۆيتسە-پرەزيدەنتتٸ ٸزدەپ جٷرگەنٸ جەنە مايك پەنستٸڭ وتباسىمەن بٸرگە ولاردان نەبەرٸ 30 مەتر قاشىقتا بولعانىن كٶرۋگە بولادى.
ال ترامپتى قورعاۋ تارابى پرەزيدەنت كاپيتولييدەگٸ شابۋىلعا جاۋاپ بەرمەيدٸ, سەبەبٸ ول جاقتاستارىن شتۋرم جاساۋعا تٸكەلەي شاقىرمادى دەيدٸ.
ەگەر ترامپ كٸنەلٸ بولىپ شىقسا دا, وعان قىزمەتٸنەن كەتۋ قاۋپٸ تٶنبەيدٸ: سەبەبٸ 20 قاڭتاردا ٶكٸلەتٸ اياقتالعان ترامپ سول كٷنٸ قىزمەتٸنەن كەتكەن. ال دەموكراتتار ونىڭ بولاشاقتا سايلاۋعا تٷسۋٸنە جول بەرگٸسٸ كەلمەيدٸ. ايىپتاۋ قورىتىندى شىعۋ ٷشٸن سەناتورلاردىڭ ٷشتەن ەكٸسٸنٸڭ داۋىسى كەرەك. بٸراق ساراپشىلار بۇلاي بولۋى ەكٸتالاي دەيدٸ.
