بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ پارلامەنتٸ جەنە ونىڭ دەپۋتاتتارىنىڭ مەرتەبەسٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا تولىقتىرۋلار ەنگٸزۋ تۋرالى» كونستيتۋتسييالىق زاڭىنىڭ جوباسى ماقۇلداندى. وسىعان وراي, تانىمال قازاقستاندىق ساياساتتانۋشى, «Birgemiz» قوعامدىق قورى قامقورشىلىق كەڭەسٸنٸڭ مٷشەسٸ ەرلان سايروۆ پەن قر پرەزيدەنتٸ جانىنداعى ۇلتتىق قوعامدىق سەنٸم كەڭەسٸنٸڭ مٷشەسٸ مارات شيبۇتوۆ مەملەكەت باسشىسىنىڭ پارلامەنتتٸك وپپوزيتسييا ينستيتۋتى باستاماسى جٶنٸندەگٸ پٸكٸرلەرٸمەن بٶلٸستٸ.
«بۇل قر پرەزيدەنتٸ قاسىم-جومارت كەمەلۇلى توقاەۆتىڭ ۇلتتىق سەنٸم كەڭەسٸ اياسىندا ۇسىنعان ساياسي رەفورمالار توپتاماسىنىڭ بٸرٸ. بۇل توپتاما اۋقىمدى ەرٸ ەكٸجاقتى مەنگە يە. بٸرٸنشٸدەن, وپپوزيتسييانىڭ دەسترۋكتيۆتٸ ەمەس ەكەندٸگٸ ايتىلادى. وپپوزيتسييا - بۇل ەلٸمٸزدٸڭ دامۋ ماقساتتارىنا قول جەتكٸزۋدەگٸ مەملەكەت سەرٸكتەسٸ. قۇندىلىق دەڭگەيٸندە مۇنىڭ ٶتە ٷلكەن مەنٸ بار», - دەدٸ ەرلان سايروۆ «قازاقپارات» تٸلشٸسٸمەن تەلەفون ارقىلى سۇحباتتاسۋ بارىسىندا.
ونىڭ ايتۋىنشا, ەكٸنشٸدەن, زاڭنامالىق دەڭگەيدە وپپوزيتسييالىق قىزمەت پەن پارلامەنتتٸك ازشىلىق قىزمەتٸنە كەپٸل بەكٸتٸلەدٸ.
«ياعني, پارلامەنت ٸشٸندە بەلگٸلٸ بٸر ارتىقشىلىققا, سونىمەن قاتار پارلامەنتتٸك ازشىلىق ٶكٸلٸنٸڭ ناقتى بٸر لاۋازىمدى يەلەنۋٸنە كەپٸلدٸك بەرٸلەدٸ. بۇل ەلەمدٸك تەجٸريبە سانالادى. سوندىقتان قازاقستان بٷگٸنگٸ كٷنٸ ساياسي رەفورمالاردى ٸلگەرٸلەتۋدە دەموكراتييانىڭ حالىقارالىق ستاندارتتارىنا ساي كەلەدٸ دەپ ايتۋعا بولادى. قازٸرگٸ ۋاقىتتا بٸز دەل سوعان قاراي كەلە جاتىرمىز», - دەدٸ ساياساتتانۋشى.
ال مارات شيبۇتوۆ پارلامەنتتٸك وپپوزيتسييا ينستيتۋتى جايىندا ۇزاق ۋاقىتتان بەرٸ ايتىلىپ كەلە جاتقاندىعىن ەسكە سالىپ ٶتتٸ.
«ۇلتتىق قوعامدىق سەنٸم كەڭەسٸ اياسىندا بۇل يدەيا جاندانا تٷستٸ. بٸز دە بۇل جايىندا باستاما كٶتەرگەن ەدٸك. الايدا دەپۋتات ازات پەرۋاشەۆ بۇل زاڭدى ەزٸرلەپ شىقتى. ەرينە, بۇل قۇقىقتاردىڭ مۇنان دا كٶپ بولعانىن قالاعانىمىزبەن وسىنىڭ ٶزٸ دە تەۋٸر. ەربٸر پارتييا بٸر كوميتەت باسشىلىعىنا يە بولعانىن قالار ەدٸم. بۇل جەردە بٸر تٶراعا لاۋازىمى مەن كوميتەتتەردٸڭ 2 حاتشىلىق لاۋازىمى جايىندا عانا ايتىلعان. مۇنىڭ ٶزٸ دە جاپ-جاقسى. بٸر سەسسييادا پارلامەنتتٸك تىڭداۋعا باستاماشىلىق جاساۋ دا دۇرىس. بۇل پارلامەنتتەگٸ وپپوزيتسييالىق پارتييانىڭ مٷمكٸندٸكتەرٸن ايتارلىقتاي ارتتىرا تٷسەر ەدٸ. بۇل - دەموكراتيياعا قاراي قادام», - دەدٸ قر پرەزيدەنتٸ جانىنداعى ۇلتتىق قوعامدىق سەنٸم كەڭەسٸنٸڭ مٷشەسٸ.
ەستەرٸڭٸزگە سالا كەتسەك, بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ پارلامەنتٸ جەنە ونىڭ دەپۋتاتتارىنىڭ مەرتەبەسٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا تولىقتىرۋلار ەنگٸزۋ تۋرالى» كونستيتۋتسييالىق زاڭىنىڭ جوباسى ماقۇلداندى.
زاڭ جوباسىنىڭ نەگٸزگٸ ماقساتى - قولدانىستاعى زاڭنامادا «پارلامەنتتٸك كٶپشٸلٸك» جەنە «پارلامەنتتٸك وپپوزيتسييا» ۇعىمدارىن بەكٸتۋ بويىنشا قۇقىقتىق نەگٸزدەردٸ قامتاماسىز ەتۋ. مەسەلەن, پارلامەنتتٸك وپپوزيتسيياعا قانداي دا بٸر مەسەلە بويىنشا ٶز ۇستانىمىن بٸلدٸرۋگە كەپٸلدٸك بەرۋ ماقساتىندا زاڭ جوباسىندا ساياسي پارتييالار فراكتسييالارى باسشىلارىنىڭ پارلامەنت پالاتالارىنىڭ بٸرلەسكەن وتىرىستارىندا, پارلامەنت مەجٸلٸسٸنٸڭ جالپى وتىرىستارىندا, تۇراقتى كوميتەتتەردٸڭ, جۇمىس توپتارىنىڭ وتىرىستارىندا, پارلامەنتتٸك تىڭداۋلار مەن ٶزگە دە ٸس-شارالاردا سٶز سٶيلەۋگە كەپٸلدٸك بەرٸلگەن قۇقىعىن بەكٸتۋ كٶزدەلەدٸ.
