قازاقستاننىڭ دەپوزيتتەرگە كەپٸلدٸك بەرۋ قورى (قدكبق, قور) «Delta Bank» اق سالىمشىلارىنا كەپٸلدٸك بەرٸلگەن ٶتەمدٸ تٶلەۋدٸ سوڭعى كٷنٸن قوسا ساناعاندا 2022 جىلدىڭ 1 مامىرىنا دەيٸن ۇزارتۋ تۋرالى «بانك تسەنتركرەديت» اق-پەن كەلٸسٸمگە قول قويدى, دەپ حابارلايدى "ۇلت اقپارات".
كٶرسەتٸلگەن مەرزٸم ٸشٸندە «Delta Bank» اق سالىمشىلارى اگەنت بانكتٸڭ جەرگٸلٸكتٸ بٶلٸمشەلەرٸنە جٷگٸنٸپ, كەپٸلدٸك بەرٸلگەن ٶتەمدٸ تٶلەۋ جٶنٸندەگٸ ٶتٸنٸشتٸ تٸكەلەي نەمەسە سەنٸم بٸلدٸرٸلگەن تۇلعا ارقىلى بەرە الادى. جەكە ٶزٸ كەلگەن جاعدايدا سالىمشىنىڭ جەكە باسىن كۋەلاندىراتىن قۇجاتى بولسا جەتكٸلٸكتٸ, ال ەگەر سەنٸم ارتىلعان تۇلعا كەلەتٸن بولسا, سالىمشىنىڭ اتىنان ٶتەم الۋ قۇقىعىن راستايتىن قۇقىق بەلگٸلەۋشٸ قۇجاتتاردى ۇسىنادى (مىسالى, نوتاريۋس كۋەلاندىرعان سەنٸمحات).
«Delta Bank» اق سالىمشىلارىنا كەپٸلدٸك بەرٸلگەن ٶتەم اگەنت بانك ارقىلى 2018 جىلدىڭ 17 مامىرىنان بەرٸ تٶلەنٸپ كەلەدٸ. ٷش جىل ٸشٸندە جالپى سوماسى 107,3 ملن تەڭگەگە ٶتەم تٶلەندٸ. بۇل قور مٸندەتتەمەلەرٸنٸڭ جالپى سوماسىنىڭ 53 پايىزىن قۇرايدى.
«2021 جىلدىڭ 1 مامىرىنا قاراي كەپٸلدٸك بەرٸلگەن ٶتەمدٸ الۋ ٷشٸن 328 سالىمشى عانا ٶتٸنٸش بەرگەن. بۇل ولاردىڭ جالپى سانىنىڭ 12 پايىزىن قۇرايدى. اگەنت بانككە كەلۋشٸلەر سانىنىڭ از بولۋى «Delta Bank» اق-تا اشىلعان شوتتار مەن دەپوزيتتەردەگٸ قالدىق اقشالاردىڭ ازدىعىنا بايلانىستى بولىپ وتىر. ناقتى ايتار بولساق, 963 سالىمشىنىڭ ەربٸرٸنٸڭ شوتىنداعى قالدىق اقشا 1000 تەڭگەدەن تٶمەن, سونداي-اق 412 سالىمشىنىڭ شوتتارىندا – 1 000 تەڭگەدەن 5 000 تەڭگەگە دەيٸن بولسا, 158 سالىمشىدا - 5 000 تەڭگەدەن 10 000 تەڭگەگە دەيٸن بار»,-دەلٸنگەن حابارلامادا.
دەگەنمەن «Delta Bank» اق-تاعى شوتتارىندا 100 000 جەنە 1 000 000 تەڭگەدەن استام قاراجات جيناعان سالىمشىلاردىڭ دا بار ەكەنٸن ايتا كەتكەن جٶن. سوندىقتان قور وسى جەنە كەپٸلدٸك بەرٸلگەن ٶتەمدٸ الۋعا قۇقىعى بار باسقا دا سالىمشىلار ٷشٸن اگەنت بانك ارقىلى تٶلەم الۋ مەرزٸمٸن سوڭعى كٷنٸن قوسا ساناعاندا 2022 جىلدىڭ 1 مامىرىنا دەيٸن ۇزارتتى.
2022 جىلدىڭ 1 مامىرىنان كەيٸن «Delta Bank» اق سالىمشىلارى بۇرىنعىداي قورعا ٶتەم الۋعا تٸكەلەي ٶتٸنٸش بەرە المايدى. قور تالاپ ەتٸلمەگەن كەپٸلدٸك بەرٸلگەن ٶتەمدٸ قازاقستان رەسپۋبليكاسىنىڭ زەينەتاقىمەن قامسىزداندىرۋ زاڭناماسىنا سەيكەس دەپوزيتوردىڭ اتىنا بٸرىڭعاي جيناقتاۋشى زەينەتاقى قورىندا اشىلعان, ەرٸكتٸ زەينەتاقى جارنالارىن ەسەپكە الۋعا ارنالعان جەكە زەينەتاقى شوتىنا اۋدارادى.
