فوتو: huggies.ru
جٷكتٸلٸك پەن بوسانۋ كەزٸندە بەرٸلەتٸن ەلەۋمەتتٸك تٶلەمدەردٸ زاڭسىز تاعايىنداعاندار انىقتالدى, دەپ حابارلايدى قارجىلىق مونيتورينگ اگەنتتٸگٸ.
اگەنتتٸك 2024–2025 جىلدار ارالىعىندا 1,2 ملرد تەڭگە زالال كەلتٸرگەن 13 سوتقا دەيٸنگٸ تەرگەۋ جٷرگٸزدٸ.
"جٷكتٸلٸك جەنە بوسانۋ بويىنشا جەردەماقىلاردى زاڭسىز تاعايىنداۋ دەرەكتەرٸ بويىنشا 10 ٸس تەرگەلٸپ, ولاردىڭ زاڭسىز سحەمالاردى ۇيىمداستىرعان 15 ادام جاۋاپقا تارتىلدى", - دەلٸنگەن اگەنتتٸك حابارلاماسىندا.
جالعان جۇمىسپەن قامتۋ ارقىلى 385 جٷكتٸ ەيەلگە شىندىققا ساي كەلمەيتٸن مەلٸمەتتەر نەگٸزٸندە جەردەماقى تاعايىندالىپ, بۇل مەملەكەتكە 1 ملرد تەڭگەدەن استام شىعىن كەلتٸردٸ.
"اقتٶبە وبلىسىندا ٷمٸربەكوۆا مەن بايمۇرزاەۆا 70 جٷكتٸ ەيەلدٸ 29 جەكە كەسٸپكەرلٸككە جالعان تٷردە جۇمىسقا ورنالاستىرىپ, 487 ملن تەڭگە بيۋدجەت قارجىسىن جىمقىرعانى ٷشٸن 6 جىلعا باس بوستاندىعىنان ايىرىلدى", - دەيدٸ اگەنتتٸكتەگٸلەر.
شىمكەنت قالاسىندا دٷيسەنوۆا وسىعان ۇقساس قىلمىس جاساپ, مەملەكەتكە 98 ملن تەڭگە زالال كەلتٸرگەنٸ ٷشٸن 5 جىلعا سوتتالدى.
انىقتالعان بارلىق ٸستە قىلمىستىڭ جاسالۋ تەسٸلٸ بٸردەي بولعان.
"قاسكٷنەمدەر جٷكتٸ ەيەلدەردٸ ارنايى قۇرىلعان جەكە كەسٸپكەرلٸكتەرگە جالعان جۇمىسقا ورنالاستىرىپ, ٶتكەن كٷنمەن ەڭ جوعارى ەلەۋمەتتٸك جەنە زەينەتاقى اۋدارىمدارىن رەسٸمدەگەن", - دەپ اتاپ ٶتتٸ قارجى مونيتورينگ اگەنتتٸگٸ.
اتاۋلى ەلەۋمەتتٸك كٶمەككە بٶلٸنگەن بيۋدجەت قاراجاتىن ۇرلاۋ فاكتٸلەرٸ بويىنشا دا 15 جۇمىسپەن قامتۋ جەنە ەلەۋمەتتٸك باعدارلامالار بٶلٸمدەرٸنٸڭ لاۋازىمدى تۇلعالارىنا قاتىستى 3 سوتقا دەيٸنگٸ تەرگەۋ باستالدى.
ۇرلاۋ سحەماسى باس بۋحگالتەردٸڭ سەنٸمدٸ تۇلعالاردى ەلەۋمەتتٸك كٶمەك الۋشىلار تٸزٸمٸنە ەنگٸزۋٸنەن تۇرعان. بۇل ادامدار ەلەۋمەتتٸك وسال توپقا جاتپاعان.
وسى دەرەكتەر نەگٸزٸندە تٶلەم تاپسىرمالارى رەسٸمدەلٸپ, باسشىلىقپەن بەكٸتٸلگەننەن كەيٸن قاراجات جالعان تۇلعالاردىڭ شوتتارىنا اۋدارىلىپ, قولما-قول اقشاعا اينالدىرىلىپ, سىبايلاستار اراسىندا بٶلٸنگەن.
